लूका 17:20 - Korwa Bible

²⁰ मी दिन फरीसी होड़कू ईसू एचेरेकू होंबरेःआ, “भगवानराः राइज तुमिस बुँहड़ीगुःता?” दो ईसू हँकू एचेरेय कताया, “भगवानराः राइज ञेनेल मेडरे मेर ञेल अवेनता।

लूका 17:20 Referans Kwoze

एहुना 18:36

दो ईसू कता कुदातेरा, “ईंग राइजगे दो नाःआ चउंदीसरे ईंगराः राइज ना लवे। ईंग नाःआ चउंदीसरेयिंग राइजकेः दो ईंगरिकुःआ होड़कू ईंग लगा कड़ीगकियानखन नँकुःआ एहूदा होड़कूरिकुःआ मूक होड़कूराः तिःईतेकू बनसावकिंगा। मनदो ईंगराः राइज नंडाःआ ना लवे।”

लूका 19:11

जमा होड़कू ईसूराः हना बड़राकू अअयूमा। हनमेला हँकुःआ होड़कू एरुसलेम सहरकू सुदुरुःआ अरू हँकू ओंगलेःआ, नुँहू भगवानराः राइज अले तलारे भाय ञिलुःता, माःआन। हँकूराः ओंगोल सुदीतेडखन ईसू हँकू एचेरे मीटोंग अउल-तउल कहड़ीय कतातेरा,

लूका 16:16

मोसेसराः नियम अरू भगवानराः बड़रा कता होड़कूराः कता, बतिसमा एमेयीग होड़ एहुना वरीकू पपरसारा। अरू हनानाः बेला वरीते भगवानराः राइजराः नपाय सरवनकू परसार अअगूतना। अरू जमा होड़कू भगवानराः राइजरे रेनहा-पेलहाकू बोलता।

लूका 10:11

अपे बदीरे भगवान एचेरे हिदइत दोहोन लगा नाःआ सहरराः धुंदरा अलेराः काट अते कोटा एंडायतनाले। मनदो अपे नाःआ सुसुदी लगा इदा, भगवान अपे एचेरे राइजगे लगाय बुँहड़ीकेरा, माःआन।

लूका 14:1

मीटोंग लोड़ोनराः दिनरे ईसू मी होड़ फरीसी होड़कूरीग मरंग होड़ ओड़ाःरे जोम लगाय सेनेडा। दो फरीसी होड़कू ईसू सिरढीटकू ञेलगोड ञवना।