लूका 16:22 - Korwa Bible

²² तयोमरे हाँयग गरीब होड़ गोएगयाने अरू सेरमो देसरिकुःआ बराहीलकू हाँय इबराहीम सुदा सेरमो देसरे दुड़ुः लगाकू गोःयाडीग। हना तयोमरे हाँयग गिरहत होड़ होंय गोएगयान अरू हाँयकू तीलगोतेरीग।

लूका 16:22 Referans Kwoze

1 पतरस 2:24

हाँय अनँयग देहरे अबूराः कसूरे लदाव गोःतेडखन कुरूसरेय गोएगनेना, जेमहा कसूर बदीरे गोएगतोबू दोहोन, अरू भगवानराः ओंगोल इया नपाय जीवबू जियाव अवेन। हाँयराः घाँवकूनते अबूराः जमा बरानाः बेमरियाकून नपाययना।

उदुःतो कताकून 14:13

हनते ईंग सेरमो देस अते मीटोंग अरोयिंग अयूमतेरा, “नाःआम ओजाः। नुँहू वरीते परबू एचेरे बिसवासकेडखनकू गुजुःता, हँकुःआ होड़कूराः जीव-जहन भगवान नपायगेता।” हनते भगवानराः बिरुवा कता कुदातेरा, “हाव, हँकू अँननकूराः बुता इया इमानकू पवाःता, अरू अँननकू मुरुककू मिहनइतकेरा अतेकू लोड़ोनता।”

एकूब 1:11

सिनितोंग सितोंगरे बहाकून गोसोकियानखन कसड़ जुवाःता। हनते बहाकून सुघर मेर ञिलुःता। हनन इया गिरहत होड़कू अँकू बुताकता हननमेला ञेनेल ञेलरेकू लाय जुवाःता।

एहुना 13:23

ईसू एटाः चेलाकू अते बगराय दुलारगेया हाँयग चेला ईसूराः कुड़ोम अगी तेंदारनेनखने दुड़ुःकुःआ।

मरकूस 8:36

तोनोंगीग होड़ चउंदीसराः जमा जिनिसकूने पवाव जुवाः अरू अनँयग जीवे लायगोड दो, हाँयके हनारे चिला नफा होयाःता?

इबरानी 1:14

जमा सेरमो देसरिकुःआ बराहीलकू भगवान सडावकूता हँकुःआ होड़कू सेवाकू लगाय वारतेडकुःआकू ना लवे जा?

मती ओजाःतेरा भगवानराः नपाय सरवन 24:31

हनते हाँय अनँयगरिकुःआ बराहीलकू मरंग सोहनाई ओंग घड़ीने वारकूता अरू हाँय चउंदीसराः चइरो गतर अते, सेरमोराः मी कोना अते एटाः कोना वरीते, भगवान सुनावकेडकुःआ हँकुःआ जमा होड़कू भगवान एचेरेय एचे जुमावकूता।”

मती ओजाःतेरा भगवानराः नपाय सरवन 18:10

“अपे ईंगपे अयूम, ईंग एचेरेकू बिसवासगेता हँकुःआ होड़कू अते तोनोंगीग हुडिंगीग होड़ अहापे आड-बेकारवाय। सेरमो देसरे नँकूरिकुःआ अगुरादार बराहीलकू, हंडा इदानिया ईंगरीग अपांग भगवान सुदा सगर बेला इदानकुःआ।

इबरानी 2:14

भगवानरिकुःआ लइंकू, मास अरू बलंगीते बड़ाँवतो मनुवाकू इदानकुःआ। दो ईसू हों मनुवाय बड़ाँवनेना। हाँय मनुवाकू इयाय गोएगनेना, जेमहा होड़कू गोएगकू लगा जंगर इदा हाँयग कलउए लाय एंडा अवे,

एहुना 21:20

हनते पतरस उलटावनेनखने ञेला दो ईसू मुरुके दुलारगेया, हाँयग चेला आँयगराः तयोम तयोम वेगतोय ञेलतिरिया। (हनाँयग चेला मड़ंगरे बियाड़ी जोम मेला ईसूराः कुड़ोम अगी तेंदारनेनखने होंबरेःआ, ने परबू, इये आमे एचे साबमेता, माःआन।)

लूका 12:20

मनदो भगवान हाँय एचेरेय कतातेरा, ने बुयांग, तिसिंग रइत आम गोएग जुवाःताम। आम जुमावकेरा हना जमा इयेराः होयाःता?

मती ओजाःतेरा भगवानराः नपाय सरवन 8:11

अरू ईंग अपे एचेरेयिंग कतायतना, मुरुक बगरा होड़कू पुरुब अरू पछिम अते वेगकियानखन अपेरिकुःआ खुटिपरिया होड़कू इबराहीम अरू इसहाक अरू एकूब सुदा सेरमो देसरे जोजोम सरबहारेकू दुड़ुःता।

लूका 16:21

दो लाजर गिरहत होड़राः टिबूल अते जोम एरांगतो लुजुरुःआ हना जोमवाडखन दोंगे पेरेगगे लगाय चहाःआ। हंडा कुतुकू हों वेगवाडखन हाँयराः घाव गदाहकू जड़ाःआ।

एहुना 1:18

तोनोंगीग होड़ भगवान कहियो मेरकू ञेलगडिया, मनदो भनगवानरीग दुलारीग मिनीटोंग बेटात एकला, अबू एचेरे भगवाने एचे उदुःकेरा।