लूका 16:1 - Korwa Bible

¹ हनते ईसू आँयगरिकुःआ चेलाकू एचेरे मीटोंग कहड़ीय कतातेरा, मी होड़ गिरहत सेटरीग जिमेवारी होड़ दोहोना। हाँयग बदीरे गिरहत होड़ एचेरे तोनोंगीग होड़ कताया, आमरीग जिमेवारी होड़ आमराः आन-धान नपाय मेरेय सुरतायता, माःआन।

लूका 16:1 Referans Kwoze

1 पतरस 4:10

भगवान अनँयगराः अगामाः मयाते एमेवातेडपेःआ हनानाः दहिनकूनते नपाय जिमेवारी होड़कू इया अँननपे अपे सेवा होड़ेंग।

लूका 12:42

दो परबू ईसू कतातेड, “अपे अते कनहूनदार अरू नपाय दोदोहोयीग जिमेवारी होड़ इये हवे? एटाः सेवकिया होड़कू नपाय बेलारे जोम जिनिसकून एमेवाकू लगा मालिक मूक होड़े बड़ाँवतिरिया हनाँय हवे।

एकूब 4:3

अरू अपे भगवान एचेरे असेय मेला बेलूर बेलूर ओंगोल दोहोकियानखनपे असेयता। अपे चहाःता हना अपे अँननपे अपेराः हिछा इया उपयोतगे लगापे ओंगलेतना। हनालगा अपे असेयता हना भगवान अपे लगा मेरेय एमेयता।

तितूस 1:7

कलसियारीग मूक होड़ भगवानराः बुता बदीरे जिमेवारी होड़ होयाः अते बेगर गारबारते दोहोन लगा इदा। हाँय बड़वार होड़ सहे रिता रिसुः होड़ सहे बूलतो होड़ सहे कड़ीग होड़ सहे लुभिया होड़ अलोय होयाः।

लूका 15:30

नाँयग बेटाम वेगकियान दो आम हाँय लगा असूलतो बसरूम एचे ञेडकेरा। नाँय दो आमराः आन-धान सनही अइमीकू सुदाय जोम चबागोतेडा।

लूका 15:13

तोनोंग दिनरे हुडिंगीग जमा आँयग बंटा ढिबुवाय सकलावतेड अरू जबर लंका सेनेवाडखन आँयगराः जमा आन-धाने चबा एंडागोतेड।

लूका 19:20

अरू मी होड़ सेवकिया होड़ हाँय एचेरेय वेगवाडखने कताया, ने मालिक, नेहेन ञेलमे। सोनाराः आमराः रिचकी ढिबुवा नंडा इदा। नाःआ ईंग तउलीयारे तोलकेडखनिंग दोहोकेरा।

लूका 16:19

मी होड़ गिरहत होड़ दोहोना। हाँय मुरुक बगरा किमइतराः सोनहेय तुसिंगा अरू जोम ञूवाडखन सगर दिन बहालतेय दोहोना।

लूका 8:3

अरू हरदोसराः ओड़ाः जिमेवारी होड़ कुजारीग एरात एवना, सूसना अरू एटाः एटाः अइमीकू हों ईसू सुदाकू सेना। हँकुःआ अइमीकू अँननकूराः आन-धानते ईसू अरू आँयगरिकुःआ मूक चेलाकूकू संघरावाःआ।

मती ओजाःतेरा भगवानराः नपाय सरवन 20:8

सिंगाड़यान दो हाँयग मालिक अनँयगरीग सेवकियाय राःतेरा अरूय कतातेरा, जमा मंजुरियाकू लगा अँनकूराः बुता बनीम एमेवाकू। तयोमरेकू वेगनेना हँकुःआ होड़कू लगा मड़ंगमे एमेय अरू हना तयोमरे मड़ंगरेकू वेगनेना हँकुःआ होड़कूम एमेवा।

लूका 16:2

दो गिरहत होड़, जिमेवारी होड़ राःतेडखने होंबरेया, ईंग करा करा उड़ी आम बदीरिंग अयुमेतना? आम मड़ंग दिन ईंगरीग जिमेवारी होड़ ओरोम दोहो अवेनेना। हनालगा ईंगराः आन-धानते चिनचिलाम करेगकेरा हना आम ईंगमे ओजाः उदुःवा।