लूका 15:30 - Korwa Bible

³⁰ नाँयग बेटाम वेगकियान दो आम हाँय लगा असूलतो बसरूम एचे ञेडकेरा। नाँय दो आमराः आन-धान सनही अइमीकू सुदाय जोम चबागोतेडा।

लूका 15:30 Referans Kwoze

लूका 18:11

दो फरीसी होड़ चड़ाँवाडखन नाःआ इयाय अरजीःआ, ने भगवान, ईंग एटाः होड़कू इया इनिग होड़, सहे कसूर होड़, सहे सनहा होड़ कोवायिंगा। ईंग नाँयग मलगुजारी गोः होड़ इया हों कोवायिंगा। हनालगा आम ईंग धनियाबादिंग ओवामता।

लूका 15:32

मनदो आम बोहोम गोएगतो इयाय दोहोना अरू नुँहू जियावयनाय। हाँय केड़ेनेनाय अरू नुँहूयिंग पवावयना। हनालगा नुँहू अबू बहालरे दोहोन इदा।”

मरकूस 12:44

गिरहतकू एचेरे बगरा दोहोनता अरू हना अते हँकू अदोम ढिबुवाकूनकू सोलोंगकेरा। मनदो नाँयग रंडियाहीन एचेरे दोहोना हना जमा ढिबुवाकूने सोलोंगकेरा। नाँय आँयगराः जमा आन-धाने सोलोंगगोतेडा।”

लूका 15:29

बेटात अपाते कतावाड, नाःआमिन बरिस ईंग आम लगायिंग बुतातना अरू कहियो आमराः हुकुमकून मेरिंग टड़ावगरा। हनारे हों ईंग सउंगताकू सुदा रीझ रंग घड़ीन जोमेय लगा मीटोंगीग पठरू होन हों मेरेम ओवागडिंग।

लूका 15:31

दो अपात कतातेरा, ने बाबू, आम दो सगर दिन इनिंग सुदा इदानमेःआ अरू ईंगराः जमा आन-धान दो अनमराः हवे।