लूका 15:29 - Korwa Bible

²⁹ बेटात अपाते कतावाड, नाःआमिन बरिस ईंग आम लगायिंग बुतातना अरू कहियो आमराः हुकुमकून मेरिंग टड़ावगरा। हनारे हों ईंग सउंगताकू सुदा रीझ रंग घड़ीन जोमेय लगा मीटोंगीग पठरू होन हों मेरेम ओवागडिंग।

लूका 15:29 Referans Kwoze

उदुःतो कताकून 3:17

अपे कतनता, अले मुरुकले अदेरवाना अरू गिरहत इदानलेःआ। अले एचेरे तोनोंगाः जिनिस हुडिंग बगरा कोवानेःआ। मनदो अपे मेरपे सुसुदीता, अपे हदरावतो, अरू होड़कू ञेल सोगनता हना इया, अरू गरीबकू, अरू अंधाकू अरू एकेते इदानपेःआ।

उदुःतो कताकून 2:17

अयूम अवेयता हाँयग होड़, सुद बिरुवा कलसियारिकुःआ होड़कू एचेरे चेले माःआन कतायतना हनाय अयूम ठुड़ावा। जितावबाः जुवाः हाँयग होड़ लगा, ओकोत इदा हना मनाह ञावाः रुटी अते अदोमिंग एमेवायता। अरू हाँय लगा मीटोंग उजड़ दिरि होयिंग एमेवायता अरू हना दिरिरे मीटोंग ञाव ओजाःतो दोहोनता। अरू हना दिरि पवाः होड़ एकला हना ञावे सुदी अवेता।”

रूमी 10:3

भगवान करा उड़ी होड़कू बेगर गारबार होड़कूय बड़ाँवकूता, हना हँकू मेरकू सुदीयतना। अरू हँकू अँननकू अँकूते बेगर गारबार होड़कू बड़ाँः लगाकू कुरनिसगेतना। हनते हों हँकू भगवानराः ओंगोल इया बेगर गारबार होड़कू मेरकू बड़ाँव अवेगना।

रूमी 7:9

मड़ंगरे ईंग मोसेसराः नियम बदीरे अनसिनहार दोहोन घड़ीनिंग जियाःआ। मनदो नियम ईंग सुदीकेड दो, ईंग कसूर बदीरे होयिंग सुदीबाःगोतेडा अरू ईंग भगवानराः ओंगोलरे गोएगतो होड़िंग बड़ाँवयना।

लूका 19:21

आम कटकट जीव होड़ इदानमेःआ। हनालगा ईंग आमिंग बोरोवाःआ। आमराः मेर दोहोनता हनाम गोःता अरू आम मेरेम वेरकता हनाम ईरता, माःआन।

लूका 18:9

तोनोंग तोनोंग होड़कू अँननकू एचेरे भरसाकेडखनकू ओंगलुःता, अले बेगर गारबार होड़कू हवे, माःआन अरू एटाः होड़कू हुडिंगकू ओंगोलकूता। हँकुःआ होड़कू एचेरे ईसू मीटोंग अउल-तउल कहड़ीय कतातेरा।

लूका 17:10

हान इया अपे एचेरे भगवान कतावायता हना एचेवाडखन नाःआ इया ककता इदा, अले दो आमरिकुःआ सेवकियाकू हवे। आम कतातेरा हनानाः एकलाले एचेकेरा।”

लूका 15:7

अपे ईंगपे अयूम, ननन इया कसूरते केड़ेत तोनोंगीग होड़ भगवान अगीय कुदा वेगता दो, सेरमो देसरे हाँय लगा मुरुककू बहालगुःता। कसूर अते भगवान अगी जीव कुदाराः जरूरी मेर दोहोनता हँकुःआ निनयानबेगोटोंग बेगर गारबार होड़कू अते हाँय लगा सेरमो देसरे मुरुककू बहालगुःता।

मती ओजाःतेरा भगवानराः नपाय सरवन 20:12

नँकुःआ होड़कू अले अते तयोमते बुता लगाकू हेलावनेना अरू मिनी घंटा लगाकू बुताकिया। मनदो आम दिन भइर सितोंग सितोंगले बुताकेरा अले बरोबइर नँकुःआ होड़कू होंम बड़ाँवगोतेडकुःआ जा?

रूमी 3:27

दो भगवान अबूय मनेवा लगा तोनोंगाःबू एचेकेरा, माःआन अबू बड़वार अवेनता जा? तोनोंग इया कोवान। ईसू मसी एचेरेबू बिसवासकेरा, हनालगा हाँय अबूय मनेवाता।

रूमी 3:20

दो तोनोंगीग होड़ नियम मनाः लगा कुरनिसगे अते भगवानराः ओंगोलरे बेगर गारबारीग होड़ ओरोय बड़ाँवनेना मनदो नियमते अबू सुदीगोडता, अबू कसूर होड़कू इदानबुःआ, माःआन।

लूका 15:28

नाःआ अयूमतेडखन हाँय मुरुके रीसयान अरू ओड़ाःरे मेरेय बोला। दो अपात उडुंगनेनखन हाँये मंदरावा।

लूका 15:30

नाँयग बेटाम वेगकियान दो आम हाँय लगा असूलतो बसरूम एचे ञेडकेरा। नाँय दो आमराः आन-धान सनही अइमीकू सुदाय जोम चबागोतेडा।