लूका 13:32 - Korwa Bible

³² दो ईसू हँकू एचेरेय कताया, “अपे सेनेवाडखन हाँयग चलहू भुलरी बुःआ एचेरेपे कताय, ईंग तिसिंग अरू गपा भूतकूयिंग उडुंगता अरू बेमरियाकूयिंग नपायता। अरू पेय दिनरे ईंगराः बुतायिंग बुता पुरावता, माःआन।

लूका 13:32 Referans Kwoze

इबरानी 2:10

जनामा भगवानराः हवे अरू जनामा हनाँय हमा तुलाकेरा। दो सडावराः रेःएयीग इदानिया हाँयग ईसू, कटसिया सहाव पारकेडखन उडु-बुडूत बड़ाँवगे लगा भगवानके नपाय लगावनेना, जेमहा हाँय मुरुक होड़कूय एचे मान मरजइतकू।

इबरानी 5:9

अरू हाँय उडु-बुडूत होड़ बड़ाँवकियानखन हुकुमकू मनाःता हँकुःआ होड़कू सगर सइट लगाय सडाव अवेकूता,

इबरानी 7:28

मोसेसराः नियमते अबड़ होड़कू पुजउरीकू बड़ाँवकूता। मनदो किरिया जोमतो जबान, नियम अते तयोमते बड़ाँवनेना। मनदो हनानाः किरियाते भगवान अनँयग बेटात ईसू सगर सइट लगा उडु-बुडूत पुजउरी बड़ाँवगे लगाय सुनावकिरिया।

एहुना 10:32

मनदो ईसू हँकू एचेरेय कताया, “ईंग अपांग अगीते मुरुक बयाव जुवाः इयाःआ बुताकूनिंग एचे उदुःवाडपेःआ। हना अते करा बुता लगा, दिरिते ईंग ञेड एंडा लगापे ओंगलेतना?”

मरकूस 6:14

ईसूराः ञाव जमा देसरे जगावतो दोहोना अरू हरदोस राजा ईसूराः जमा कताकूने अयूमतेरा। तोनोंग तोनोंग होड़कू ईसू बदीरेकू कतातेड, “बतिसमा एमेयीग होड़ एहुना गोएगतो अतेय जियाव रेमकिया। नननलगा बयाव जुवाः इयाःआ बुता नाँय एचे उदुःगेता।”

एहुना 19:30

दो ईसू हना रस ञूयतेडखने कतातेरा, “ईंगराः बुतायिंग चबागोतेडा।” हनते हाँय बोः हुटूतेडखन आँयगराः हनसाय अड़ाःगोतेड।