लूका 12:37 - Korwa Bible

³⁷ मालिक वेगवाडखन आँयगरिकुःआ सेवकिया होड़कू सपड़ावतोय ञेलकूता दो, हँकुःआ सेवकिया होड़कूराः जीव नपाय दोहोनता। अपे एचेरे सताय कतायिंग कतायतना, हाँयग मालिक मयांग कासवाडखन हँकुःआ सेवकिया होड़कू जोम लगाय एचे दुडुःकूता अरू हँकूय नेत-नेवारकूता।

लूका 12:37 Referans Kwoze

2 पतरस 3:14

ईंगरिकुःआ अजी बोपोहकूतिंग, अपे नँवा सेरमो अरू नँवा ओत लगापे टकागोड ञवनतना दो, भगवानराः ओंगोलरे अपे सुद अरू बेगर गारबारतेःआ सलसतिया होड़कू दोहोन लगा अपे जीवपे होमगोड।

मती ओजाःतेरा भगवानराः नपाय सरवन 24:42

अपे मेरपे सुसुदीतना अपेरीग परबू तुमिसे वेगता। हनालगा अपे जगलेपे दोहोन।

पिलिपी 1:23

ईंग जीव दो बार बंटायना। मी जीव कतायतना, गोएगकियानखन ईसू मसी सुदा दोहोन लगायिंग तरसाःतना। ननानाः ईंग लगा मुरुक ननपाय होयाकुःआ।

1 कुरिंती 2:9

भगवानराः कागदरे ओजाःतो इदा हनाराः मतलोब ननानाः हवे, “तोनोंगीग मेरेय ञेलगाड, अरू मेरेय अयूमगाड, अरू तोनोंगीग होड़ मेरेय ओंगोल तजाः अवेगाड, हनानाः कता भगवानकू दुलारता हँकुःआ होड़कू लगाय संजोड़ दोहोकेरा।”

उदुःतो कताकून 14:13

हनते ईंग सेरमो देस अते मीटोंग अरोयिंग अयूमतेरा, “नाःआम ओजाः। नुँहू वरीते परबू एचेरे बिसवासकेडखनकू गुजुःता, हँकुःआ होड़कूराः जीव-जहन भगवान नपायगेता।” हनते भगवानराः बिरुवा कता कुदातेरा, “हाव, हँकू अँननकूराः बुता इया इमानकू पवाःता, अरू अँननकू मुरुककू मिहनइतकेरा अतेकू लोड़ोनता।”

2 पतरस 1:11

अरू अपे ईंग कताकेरा हनन इयापे जियाः दो अबूरीग परबू अरू सडावदार ईसू मसीराः ओरो लुलिगनेना हना देसरे मुरुक मान मरजइततेपे बोलो अवेनता।

एहुना 12:26

तोनोंगीग ईंगे सेवा दो, हाँय ईंग तयोमरे वेग इदा अरू ईंग दोहोनता हना ततेररे हाँय होंय दोहोनता। ईंगे सेवाता हाँय, ईंग अपांगे मान मरजइतता।

लूका 21:36

हनलगा अपे जगलेपे दोहोन अरू नाःआ चउंदीसरे होयाःता हना गराहते बनसाव अवेन लगा अरू मनुवारीग बेटात वेग मेला आँयग मड़ंगरे चड़ाँ अवेन लगा अरजीगोड ञवनपे।”

उदुःतो कताकून 7:17

गदीराः तलारे इदानिया हाँयग भेड़ा होन, हँकूरीग सरवाहाय दोहोनता। अरू जीव एमेता हना दाःराः सूती अगीय गोःयाकूता, अरू भगवान हँकूराः जमा मेड दाःए जोड अमिंगगेता।”

उदुःतो कताकून 3:21

ईंग हों जितावनेनखन ईंगरीग अपांगराः गदीरे हाँय सुदायिंग दुड़ुःयना। दो हनन इया जितावबाः जुवाः हाँयग होड़ हों ईंगराः गदीरे ईंग सुदायिंग दुड़ुःगेयता।

पिलिपी 1:21

दो ईंग जीयतिंग दोहोन दो मसी लगायिंग दोहोनता अरू ईंग गुजुः दो ईंग लगा अरू नफा होयाःता।

लूका 17:8

मनदो अपे हाँय एचेरेपे कतायता, ईंग लगा जउःमे जउः अरू ईंग अरीनिंग जोम ञूय वरी मयांग कासकेडखन ईंगमे सेवा। हना तयोमरे आम होंम जोम ञूय।

लूका 12:43

मालिक वेग मेला हाँयग सेवकिया होड़ अनँयग बुता नपाय एचेयतेय ञेलेयता दो हाँयग सेवकिया होड़राः जीव नपाय दोहोनता।

लूका 12:36

सेवकिया होड़कू अँकूरीग मालिक बियाह अते अरीने कुदा वेग वरीकू टकागोड ञवनता अरू मालिक सोदोरकियानखन दुवारे टोकोःतान दो हाँय लगाकू गीगगोडता। अपे हों हँननकुःआ होड़कू इयापे बड़ाँः।

लूका 22:27

नँकिन बना होड़ते मरंगीग इये हवे, जोजोम लगाय दुड़ुःकिया हाँय जा जउःए पोरसातना, हाँय? जोम लगाय दुड़ुःकिया हनाँय हवे मरंगीग होड़। मनदो ईंग अपे एचेरे सेवकिया होड़ इया इदानिंगा।

उदुःतो कताकून 16:15

“अयुमेपे, ईंग इनिग होड़ इया अपे एचेरे असाकायिंग सेनता। जगियातकू दोहोनता अरू अँनकूराः सोनहेकू सपड़ाव दोहोकाता, हँकुःआ होड़कूराः जीव भगवान नपायगेता। हँकुःआ होड़कू एकेते मेरकू दोहोनता अरू हँकू ओरोकू गियूनेना।”