लूका 11:8 - Korwa Bible

⁸ हनते ईसू कतातेड, “ईंग अपे एचेरेयिंग कतायतना, हाँय आँयग सउंगताय दोहोना हों रेमकियानखन मेरेय ओवाय दो, हाँय घड़ी घड़ी बेगर गियुःतेय असेय अते रेमवाडखन हाँयके जेमीने चहाःता, हनामिन हाँये एमेवायता।

लूका 11:8 Referans Kwoze

कुलूसी 4:12

इपापरास, अपे अते मी होड़ इदानिया अरू हाँय ईसू मसीरीग सेवकिया हवे। हाँय अपेय सलामतना। अरू हाँय, अपे भगवानराः ओंगोल इया, अपेराः बिसवास जमालेःआ बड़ियाड़ जुवाः लगा, मुरुक मिहनइततेय अरजीगोड ञवनतना।

रूमी 15:30

ने ईंगरिकुःआ अजी बोपोहकूतिंग, अपे परबू ईसू मसी एचेरेपे बिसवासगेतना अरू सुद बिरुवा अपे अलार-दुलार होड़ेंग लगा संघरावापेतना। हनालगा ईंग अपे एचेरे गोड़न पइयन घड़ीनिंग असेयतना, अपे ईंग लगा भगवान एचेरे मिनी जीवकियानखन ईंग सुदापे अरजी ञवन।

कुलूसी 2:1

ईंग अपे लगा, अरू लउदिकियारे इदानकुःआ हँकुःआ होड़कू लगा मुरुकिंग मिहिनइतगेतना। अरू ईंग सुदा नुँहू वरी मेरकू जुमावगना, हँकुःआ होड़कू लगा हों ईंग मुरुकिंग मिहिनइतगेतना। नाःआ कता अपे सुदीगे लगा ईंग चहाःतना।

2 कुरिंती 12:8

नाःआ पीरा ईंग अते चलाः जुवाः लगा ईंग परबू एचेरे पेय तुरहायिंग अरजीतेरा।

लूका 11:7

दो हाँय ओड़ाः पेंदातेय कतायता, ईंग रिमुः लगा अलोम कतावायिंग। ईंग दुवारिंग सींगकेरा अरू ईंगरिकुःआ लइंकू हों ईंग सुदाकू गेतेगकिया। हनालगा रेमकियानखन ओरोयिंग एमे अवेतेरा।”