लूका 11:4 - Korwa Bible

⁴ अले एटाः होड़कूराः कसूरले बराव एंडाकेरा, हनन इया अलेराः कसूर होंम बराव एंडागोड। अरू कसूरराः रेनहारे अलोम पराव ओवाले।”

लूका 11:4 Referans Kwoze

मती ओजाःतेरा भगवानराः नपाय सरवन 26:41

जगलेम दोहोन अरू भगवान एचेरेम अरजीगोड ञवन। हना अते आम तोनोंग इयाःआ अंदजावरे ओरोम परावनेना। जीव बिरुवा सपड़ावतो इदा, मनदो नाःआ देह जंगर कुड़ही इदा।”

कुलूसी 3:13

तोनोंगीग होड़ बदीगेय इयाःआ कता अपे एचेरे दोहोन दो अपे सहाव होड़ेंगगोड ञवन, अरू परबू अपेराः कसूरे बराव एंडाकेरा, हनन इया अपे हों कसूरपे बराव एंडा होड़ेंग।

मती ओजाःतेरा भगवानराः नपाय सरवन 18:35

अपे अपेरिकुःआ बिसवासी वपक-बोपोहकूराः कसूर अपेराः ओंगोल अते अरीनपे बराव एंडागे वरी सेरमो देसरीग ईंगरीग अपांग भगवान हों अपे सुदा हनन इयाय एचेयता।”

एकूब 2:13

तोनोंगीग होड़ एटाः होड़कू मेरेय सोगावा दो, फड़ियावराः दिनरे भगवान हों हाँयग होड़ ओरोय सोगावातेरिया। मनदो एटाःकूय सोगावाता हाँयग होड़, भगवान फड़ियावराः दिनरे हाँये सोगावाता।

2 तिमुतियूस 4:18

भगवान जमा बेलूर अतेय सडावगींगता अरू आँयगराः सेरमो देसरे नाय नपायतेय गोः सोदोरगिंगताय। हनाँयराः मान मरजइत जमा जूग वरी होनोयागोड ञवन। आमीन!

2 तिसलूनिका 3:3

मनदो परबू बिसवासगेयीग इदानिया। हनालगा हाँय अपेराः बिसवासे बड़ियाड़गेता अरू कलउ अते अपेय बनसावपेता।

1 कुरिंती 10:13

जमा होड़कू अंदजावरेकू पराःता, अरू हनन इया अपे लगा हों अंदजाव होयाःता। भगवान भरसागे इयायीग हवे। अपे सहाव अवेयता, हना अते बगरा अंदजावरे ओरोय पराव ओवातेडपेःआ। मनदो अपे जीवरे अंदजाव होयाः मेला, अपे ससहाव लगा हों भगवान अपे दूरे उदुःवापेता, जेमहा अपे अलोपे कसूरगे।

एहुना 17:15

हँकू नाःआ चउंदीस अते रेम गोःयाकू लगा ईंग मेरिंग अरजीतना। मनदो बेलूरीग अते हँकूम बनसाव हड़ाःकू लगायिंग अरजीतना।

लूका 22:46

ईसू हँकू एचेरेय कताया, “अपे चिला लगापे अपीगतना? रिमुःपे। अपे अरजीगेपे, जेमहा अंदजावरे अलोपे पराः।”

लूका 8:13

दररी ओतरे लोजोरनेना हना बिहान नाःआ इया होड़कू हवे। हँकू भगवानराः कता अयूमकेडखन बहालतेकू मनाःता। अरू हँकू तोनोंग दिन वरी बिसवासरेकू दोहोनता, मनदो जेर नपायते मेर साबगुःता, हनाते तोनोंग तोनोंग इयाःआ कटसिया मेला बिसवासकू अड़ाःगोडता।

उदुःतो कताकून 3:10

ईंग कतातेरा, अपे सहाव घड़ीन ईंग एचेरेपे बिसवासगोड ञवन अरू ईंगराः हना कता अपे मनावनेना। हनालगा जमा चउंदीसरिकुःआ होड़कू अंदजावकू लगा कटसिया होयाःतान मेला अपे हना अंदजावरेयिंग बनसाव दोहोपेता।

उदुःतो कताकून 2:10

कटसिया अपेके ससहाव इदा, अरू हना बदीरे अलोपे बोर। अपे सवासितीपे दोहोन। कलउ अपे अते तोनोंग तोनोंग होड़कू जेहेलरेय एचे सींगकेडपेखन अंदजावपे लगाय ओंगलेतना, अरू अपे दस दिन वरी कटसिया ससहाव पराःता। जीव उडुंग जुवाः वरी बिसवासगोड ञवनपे, दो ईंग अपे, जीवराः पगरींग एमेवापेता।

लूका 11:5

हनते ईसू हँकू एचेरेय कताया, “नाःआपे ओंगोल। अपेरीग मी होड़ सउंगता इदा अरू आम हाँय एचेरे हटिंग बरा रइतरे सेनेवाडखनमे कतायता,

लूका 13:4

अपे नान इयापे ओंगलेतना जा, सीलोमराः उसूल अगुरा ओड़ाः अठारहगोटोंग होड़कू चोटरे रूबनेना अरू हँकू तेन गोएगयानकू दो, हँकुःआ होड़कू एरुसलेमरिकुःआ एटाः होड़कू अते बगराकू कसूरतेरा, जा? नान इया कोवान।