लूका 10:42 - Korwa Bible

⁴² मनदो मिनीटोंग कता मइद इदा अरू हनानाः मनइद कता मरियम लुंबाड़केरा। हना हाँय अते तोनोंगीग ओरोकू लुड़ीतेरा।”

लूका 10:42 Referans Kwoze

एहुना 4:14

मनदो ईंग एमेयता, हना दाः तोनोंगीग ञूय दो हाँय सगर सइट जूग वरी ततंगतो ओरोय दोहोनेना। सनातायरे, ईंग हाँयिंग एमेवाता, हना दाः हाँयराः इंदरीरे दाः सूती इया तू ञवनता अरू हना दाः हाँय ओरो टुटीगनेना हना जीव अगी गोःयायता।”

एहुना 5:24

“अपे ईंगपे अयूम! ईंगराः सरवने अयूमता अरू ईंगे वारकेरा हाँय एचेरेय बिसवासगेता हाँयग होड़, ओरो टुटीगनेना हना जीवे पवाःता अरू भगवान हाँय ओरोय डंडियावतिरिया। मनदो हाँय गुजुः अते जीव अगीय बोलोयना।

लूका 18:22

नाःआ अयूमवाडखन ईसू कताया, “आमके मीटोंग कता अरू एएचे इदा। आमराः जमा बरानाः अकिरिंगवाडखन गरीब होड़कूम हटिंगोडवा। दो सेरमो देसरे मुरुक नपाय नपाय इमानमे पवाःता। अरू नाःआ एचेकेडखन ईंग देह दूररेम ओतोंग वेग।”

एहुना 17:3

मिनीटोंग सताय भगवान अनम इदानमेःआ। दो आम अरू आम वारकिरिया हाँयग ईसू मसी, अलंग बना होड़कू सुदीलंगता, हनानाः हमा ओरो टुटीगनेना हना जीव।

मरकूस 8:36

तोनोंगीग होड़ चउंदीसराः जमा जिनिसकूने पवाव जुवाः अरू अनँयग जीवे लायगोड दो, हाँयके हनारे चिला नफा होयाःता?

लूका 8:18

हनालगा अपे मुरुक तिंगीडवा घड़ीन ईंग बड़रापे अयूम। तोनोंगीग एचेरे कहिसाः इदान दो, हाँयके भगवान अरूय एमेवायता। मनदो तोनोंगीग एचेरे कहिसाः कोवानेःआ दो हाँय, ईंग एचेरे इदा, माःआने ओंगलेता हना हों हाँय अते भगवान गोःयाता।

लूका 12:20

मनदो भगवान हाँय एचेरेय कतातेरा, ने बुयांग, तिसिंग रइत आम गोएग जुवाःताम। आम जुमावकेरा हना जमा इयेराः होयाःता?

1 कुरिंती 13:3

ईंग इनिंगराः जमा आन-धान गरीब होड़कूयिंग एमेवा, अरू ईंग ईंगराः देह बाल लो एंडागे लगायिंग जिमा अवेय, मनदो ईंग एटाः होड़कू मेरिंग दुलार दो, ईंग कही कोवायिंगा।

लूका 12:33

अपे अँननपेराः आन-धान अकिरिंगवाडखन होड़कूपे हटिंगगोडवा। अरू मेर जुनानता हना बगली अपे लगापे तुलाय। मेर चबानता अरू इनिग होड़ मेरेय इनिग अवेयता अरू दियाँकू मेरकू जोम अवेयता हना इयाःआ आन-धान सेरमो देसरेपे जुमावगोड।

लूका 16:25

दो इबराहीम कतातेरा, ने बेटा, आम चउंदीसरे मुरुक नपाय नपाय जिनिसमे पवावनेना। अरू लाजर आम इया मेरेय पवावगान। मनदो नुँहू हाँय सलसतरे इदानिया अरू आम पीरारेम तड़पाःतना।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

लूका 16:2

दो गिरहत होड़, जिमेवारी होड़ राःतेडखने होंबरेया, ईंग करा करा उड़ी आम बदीरिंग अयुमेतना? आम मड़ंग दिन ईंगरीग जिमेवारी होड़ ओरोम दोहो अवेनेना। हनालगा ईंगराः आन-धानते चिनचिलाम करेगकेरा हना आम ईंगमे ओजाः उदुःवा।

लूका 10:39

हाँयरीग मेसेतराः ञाव दोहोना मरियम। हाँय ईसूराः काट कुटीरे दुडुःकियानखन ईसूराः बड़राय अयूमा।

लूका 11:1

मी दिन ईसू मी ततेररेय अरजीःआ। हाँय अरजी उरियावनेन दो आँयगरिकुःआ चेलाकूतेन अते मी होड़ हाँय एचेरेय कतातेरा, “ने परबू, एहुना आँयग चेलाकू अरजीगे लगाय चेडतेडकुःआ, हान उड़ी अले हों अरजीगे लगाम चेडले।”

एहुना 6:27

लुलिग जुवाःता हना जोम जिनिसकून लगा एकला अहापे मिहनइतगे, मनदो ओरो लुलिगनेना अरू ओरो टुटीगनेना जीव एमेयता हना जोम जिनिसकून लगा होँपे मिहनइतगे। हना दो मनुवारीग बेटात अपे लगाय एमेवापेता। हना एमे लगा अपांग भगवान हनाँय एकला हातपाते ओवाडिया।”

एहुना 11:1

लाजर ञावीग मी होड़ होड़ दोहोना। हाँय एहूदिया छतरराः बेतनिया गाँवरीग होड़ दोहोना। अरू मी दिन हाँय बेमारीरेय परावनेना। हाँयरिकिनाः मेमेसकिन मरियम अरू मारता दोहोना।

एहुना 11:19

दो मारता अरू मरियम कता बहालकिन लगा मुरुक एहूदाकूरिकुःआ मूक होड़कू हंडाकू वेजेडा।

एहुना 12:3

दो मरियम आधा लिटर मुरुक किमइतराः नपाय महक जटामसी सुनुम ईसूराः काटरेय तिलाःतेरा अरू आँयग ऊबते कटते जोडतेरा। अरू हना सुनुम हना ओड़ाः पेंदा जमारे गह-महाःआ।