लूका 10:27 - Korwa Bible

²⁷ हाँय कताया, “आम अनमरीग परबू भगवान आमराः जमा इंदरीते, जमा जीवते, जमा जंगरते अरू जमा ओंगोलतेम दुलारगेय अरू आमरीग परुसी, अनम इयाम अलार-दुलारगेय।”

लूका 10:27 Referans Kwoze

रूमी 13:9

भगवानराः नियमकून कतायता, “अलोपे सनहा-सनही, तोनोंगीग अलोपे ञेड एंडाय, अलोपे इनिग, अलोपे ललचीःआ।” नाःआ जमा नियमकून मिनीटोंग नियमरे मिनी जुवाःता, “अपे अँननपेरिकुःआ परुसीकू अँननपे इयापे अलार-दुलारकू।”

एकूब 2:8

जमा नियमकून अते मइद नियम नानाः हवे, अपे अँननपेरिकुःआ परुसीकू अँननपे इयापे अलार-दुलारकू। अपे नाःआ नियमपे मनाःतना दो नपायपे एचेतना।

1 एहुना 3:18

ने ईंगरिकुःआ लइंकू इया होड़कू, अपे बनाड़रा बड़राते एकला अलोपे अलार-दुलारकू, मनदो एटाः होड़कू संघरावाकू घड़ीन सतायते अलार-दुलारकू लगा इदा।

इबरानी 8:10

परबू कतायतना, हना दिनराः तयोमते इसराएलरिकुःआ होड़कू सुदा नाःआ इयायिंग कता-जमकावगेता। ईंग ईंगराः नियम हँकूराः जीवरेयिंग दोहोगोडता, अरू हँकू इंदरीरेयिंग ओजाःगोडता। ईंग हँकूरीग भगवानिंग दोहोनता अरू हँकू ईंगरिकुःआ होड़कूकू दोहोनता।

गलातिया 5:13

ने अजी बोपोहकूतिंग, अपे अजइत जीव जियाः लगा भगवान अपेय सुनावकेरा। हनालगा अपे मनबिदिया होड़ इया अहापे कसूरगे। मनदो अपे अँननपे अलार-दुलार होड़ेंग घड़ीन सेवा होड़ेंगपे।

मती ओजाःतेरा भगवानराः नपाय सरवन 19:19

आम एंगा-अपाकिनमे मान मरजइत अरू आमरीग परुसी अनम इयाम अलार-दुलारगेय।”

लूका 10:26

दो ईसू होंबोर कुदातेरा, “भगवानराः नियमरे चेले माःआन ओजाःतो इदा? आम करा उड़ीम बछाःता?”