लूका 10:20 - Korwa Bible

²⁰ भूतकू अपेराः हुकुमरेकू ञीर जुवाःता, मनदो हना कतारे अपे अलोपे बहालगुः। अपेराः ञाव सेरमो देसराः कागदरे ओजाःतो इदा, हना कतारेपे बहालगुः।”

लूका 10:20 Referans Kwoze

उदुःतो कताकून 20:15

अरू तोनोंगीग होड़राः ञाव जीवराः कागदरे ओजाःतो मेर दोहोगान, हँकुःआ होड़कू सेंगेलराः हुडिंग समुंदररेकू रेमगे बोलोगोतेडकू।

उदुःतो कताकून 20:12

जमा गोएगतो होड़कू हना गदी मड़ंगरे चड़ाँतिंग ञेलतेडकुःआ। हुडिंगीग अरू मरंगीग, जमाकू हंडाकू दोहोना। बराहीलकू मुरुक बगरा कागदकूनकू पितोरतेरा। हनते जीवराः कागद होंकू पितोरतेरा। हना कागदकूनरे गोएगतो होड़कूराः बुताकून ओजाःतो दोहोना। अरू हनानाः बुता इया भगवान हँकूय फड़ियावतेरा।

उदुःतो कताकून 21:27

तोनोंगीग तोनोंगाः बेलूर जिनिस हना सहररे ओरोकू गोः बोलोतेरा। अरू बेलूर होड़कू अरू अडिग होड़कू हना सहररे कहियो ओरोकू बोलो अवेनेना। मनदो भेड़ा होनराः कागदरे ञाव ओजाःतो इदा हँननकुःआ होड़कू एकला हना सहररेकू बोलता।

इबरानी 12:23

अरू हंडा अहाल-बहालते जुमावतो लाक लाक सेरमो देसरिकुःआ बराहीलकू इदानकुःआ। हंडा मरंग बेटाकूराः गउदा अरू कलसिया हों इदा अरू हँकुःआ होड़कूराः ञाव सेरमो देसरे ओजाःतो इदा। अरू अबू जमा होड़कूय फड़ियावता हाँयग भगवान हों हंडा इदानिया। उडु-बुडू बड़ाँवतो बेगर गारबार होड़कूराः हनसाकून

उदुःतो कताकून 3:5

जितावबाः जुवाःता हाँयग होड़, हँकुःआ होड़कू इया उजड़ सोनहेयिंग तुसिंगगेयता, अरू हाँयराः ञाव जीवराः कागद अते कहियो ओरोयिंग कटावतेरा। ईंग ईंगरीग अपांग भगवान अरू हाँयरिकुःआ बराहीलकू मड़ंगरेयिंग कबुलाःता, नाँय ईंगरीग होड़ हवे, माःआन।

पिलिपी 4:3

ने सुजगे, आम ईंगरीग बिसवासगेयीग सेवा देंगवा होड़ हवे। नँकिनाः अइमीकिन, कलमेस अरू एटाः सेवा देंगवा होड़कू अरू ईंग सुदा, नपाय सरवन कता उदुःगे लगा मुरुककिन सेसा-दुराकिया। अरू नँकुःआ जमा होड़कूराः ञाव, जीवराः कागदरे भगवान ओजाःकेरा। हनालगा ने सुजगे, आम नँकिनाः अइमीकिन सलसतरेकिन दोहोन लगाम संघरावाकिन।

उदुःतो कताकून 13:8

चउंदीसराः बुँहड़ीन अते मड़ंग भगवान मुरुक होड़कूराः ञाव ञेड एंडात भेड़ा होनराः जीवराः कागदरेय ओजाः दोहोकेरा। अरू हना कागदरे ञाव ओजाःतो कोवानेःआ, हँकुःआ जमा होड़कू हाँयग जानरकू जागता।

मती ओजाःतेरा भगवानराः नपाय सरवन 10:1

हनते ईसू आँयगरिकुःआ बारहो मूक चेलाकू अनँयग एचेरेय राःतेडकुःआ अरू हँकू भूतकू उडुंगकू लगा अरू जमा बरानाः बेमरियाकू नपायकू लगा हातपाते एमेवातेडकुःआ।

मती ओजाःतेरा भगवानराः नपाय सरवन 26:24

मनुवारीग बेटात बदीरे भगवानराः कागदरे ओजाःतो इदा हनन इयाय गुजुःता। मनदो मनुवारीग बेटाते एचे साबेयता हाँयग होड़राः जीव नपाय कहियो ओरो दोहोनेना। हाँय अनाहाय जनमावकुः दो, हाँय लगा नपाय दोहोकुःआ।”

मती ओजाःतेरा भगवानराः नपाय सरवन 27:5

हनते जूदा हना रिचकी चाँदीकून भगवानराः ओड़ाःरेय तेके एंडा अटूड, अरू हाँय बहरी सेनेकियानखन अनँयग आँयगतेय वका गोएगयान।

उदुःतो कताकून 17:8

आम ञेलतिरिया हाँयग जानर, मड़ंगे दोहोना, अरू नुँहू गोएगतो इदानिया, अरू अनँयग एचे लाय एंडन लगा, पतालपूर अतेय उडुंग वेगता। चउंदीसराः बुँहड़ी अते, जीवराः कागदरे ञाव ओजाःतो कोवानेःआ, हँकुःआ होड़कू हाँयग जानर ञेलकेडखनकू बयाव जुवाःता। हाँयग जानर मड़ंगे दोहोना, अरू नुँहू गोएगतो इदानिया, अरू कुदा तयोमगुःताय। हनालगा हँकू हाँय ञेलकेडखनकू बयाव जुवाःता।