लूका 10:2 - Korwa Bible

² हाँय हँकू एचेरेय कतातेड, “हुड़ू दोहोड़रे मुरुक बेलेकिया, मनदो हना ईर लगा होड़कू टुनुहाँ इदानकुःआ। हनालगा दोहोड़रीग मालिक भगवान एचेरे बुता होड़कूय वारकू लगापे अरजीगे।

लूका 10:2 Referans Kwoze

1 तिसलूनिका 5:12

ने अजी बोपोहकूतिंग, अले मीटोंग बड़राले असेगेतना। अपे तलारेकू सेसेवातना अरू अपेकू अगुवाइवापेतना अरू परबू ईसू लगा नपाय जीव जियाः लागाकू सेतावपेता, हँकुःआ होड़कू मान मरजइतकूपे।

मरकूस 16:15

हनते ईसू हँकू एचेरेय कतातेरा, “अपे नाःआ जमा चउंदीसरिकुःआ होड़कू एचेरे सेनेकियानखन नपाय सरवनपे परसारगोड।

2 तिमुतियूस 4:5

मनदो तिमुतियूस, जमा बेला ओंगोल समझाव घड़ीन कटसिया सहावकेडखन नपाय सरवन परसारराः बुताम बुता अरू भगवानराः सेवाम सेवा पुराव।

2 तिसलूनिका 3:1

टुनुटीगरे ईंगरिकुःआ अजी-बोपोहकूतिंग, ईंग अपे एचेरे मीटोंग बड़रा अरूयिंग कतायतना। परबू ईसूराः नपाय सरवन अपे तलारे सेड़यावनेना। हनन इया परबूराः नपाय सरवन जमा ततेररे ओहेनले सेड़याव अवेय लगा अरू हना सरवन होड़कू मान मरजइतगे लगा अपे अरजीगोड ञवनपे।

मरकूस 13:34

ईंगराः कुदा वेग नाःआ इया होयाःता। तोनोंगीग होड़ आँयग ओड़ाः अटूवाडखने सेनता दो, हाँय सेन मेला आँयगरिकुःआ सेवकिया होड़कू हना ओड़ाः ञेल हड़ाःगे लगाय जिमा अटूता अरू मेमेडटोंग बुता मेनेमेड होड़कू लगाय एमेतेरा। ओड़ाःरीग अगुरादार होड़ एचेरे ओड़ाः अगुरा लगाय कता जिमाकेरा।

1 तिमुतियूस 4:10

जीयत इदानिया हाँयग भगवान एचेरे अबूराः असरा इदा। हाँय जमा होड़कूरीग सडावदार हवे अरू हाँय आँयग एचेरेकू बिसवासगेता हँकुःआ होड़कूय सनाडावबाःकूता। हनालगा अबू मिहनइत घड़ीनबू सेसेवातना।

मूक चेलाकू 22:21

मनदो परबू ईसू ईंग एचेरेय कताया, दूमे, ईंग आम बेगर एहूदाकू एचेरेयिंग वारमेतना, माःआन।”

मूक चेलाकू 20:28

हनालगा अपे अँननपेराः जीवपे अगुरागे अरू अपेराः आड़रे इदानकुःआ हँकुःआ होड़कू होँपे तिहाकू। भगवान अनँयग बेटातराः बलंगीतेय किजाकेडकुःआ भगवानराः कलसियारिकुःआ होड़कू नपाय अगुवा होड़कू इयापे तिहाकू।

मूक चेलाकू 13:4

दो भगवानराः सुद बिरुवा हँकिन बना होड़ वारगोतेडकिन अरू हँकिन सिलुकिया सहर अगी तोराकिन अरू हना ततेर अते जहाजरे देगकियानखन सइपरास डुगु अगी तोराकिन।

मूक चेलाकू 13:2

दो हँकू उपास घड़ीन परबूकू जाग मेला, सुद बिरुवा कतातेरा, “ईंग राःकेडकिना हना बुता एचे लगा बरनाबास अरू साहूलपे एटाःगोड।”

मूक चेलाकू 11:19

इसतपनूस गोएगनेन तयोमरे होड़कू एरुसलेम सहरराः कलसियारिकुःआ होड़कू मुरुककू संतावकुःआ। हनालगा हँकू अते मुरुक बगरा बिसवासी होड़कू हना ततेरतेकू ञीरबाःयान अरू फिनिका छतर, सइपरास डुगु अरू अंतकिया सहररेकू सोदोरयान। हँकू एहूदाकू एचेरे एकला नपाय सरवनकू कता उदुःतेरा।

मूक चेलाकू 8:4

ञीर सितिर-बितिरनेना हँकुःआ बिसवासी होड़कू सेनेडा हना जमा देसरिकुःआ होड़कू एचेरे ईसूराः नपाय सरवनकू परसार उदुःतेरा।

लूका 9:1

हना तयोमरे ईसू आँयगरिकुःआ बारहो मूक चेलाकूय राःतेड अरू हँकूके भूतकू उडुंगकू लगा अरू बेमरियाकू नपायकू लगा हातपाते एमेवातेडकुःआ।

मरकूस 16:20

हनते चेलाकू जमा देसरे सेनेवाडखन नपाय सरवन होड़कूकू परसार उदुःवातेरा। परबू ईसू हँकू जमा एचेगे लगा डीड़े एमेवाकुःआ। अरू हँकू बयाव जुवाः इयाःआ बुताकूनकू एचेःआ अते परबूराः सरवन सताय हवे माःआने उदुःगेःआ। आमीन!]

मती ओजाःतेरा भगवानराः नपाय सरवन 20:1

“निनिंदावा निंदावा अनँयग अंगूर बगइचारे बुता लगा मंजुरियाकू सपा लगाय सेनेडा हाँयग अंगूर बगइचारीग मालिक इया इदा भगवानराः राइज।

पिलिपी 2:25

इपापुरूदितूस, ईंगरीग बोहोयिंग इया इदानिया। हाँय ईंग सुदा भगवानरीग सिपाही इया इदानिया अरू ईंगरीग सेवा देंगवा होड़ हवे। अपे हाँय ईंग एचेरेपे वारकिरिया, अरू हाँय ईंग जमालेःआय संघरावारिंगा। हनते हों, हाँय अपे एचेरे वार कुदागेय लगायिंग ओंगलेतना।

पिलिपी 2:21

हँकू जमाकू ईसू मसीराः ओंगोल इया तोनोंगाः एचे लगा मेरकू ओंगलेता, मनदो हँकू अँननकू एकला लगाकू ओंगलेता।

1 कुरिंती 12:28

अरू भगवान कलसियारे एटाः एटाः इयाकुःआ होड़कूय सुनाव दोहोकेडकुःआ। मड़ंगरे ईसूरिकुःआ मूक चेलाकू, अरू भगवानराः बड़रा कता होड़कू, अरू चेडदार होड़कूय सुनाव दोहोकेरा। अरू हाँय अरू एटाः होड़कूय सुनाव दोहोकेरा। हँकू बयाव जुवाः इयाःआ बुता एचे लगा, अरू बेमरियाकू नपायकू लगा, अरू संघरावाकू लगा, अरू अगुवाइवाकू लगा, अरू अनबुझ भासी बड़रा होड़कू होयाः लगाय सुनाव दोहोकेडकुःआ।

कुलूसी 1:29

ननानाः लगा ईसू मसी ईंगे एमेवारा हना जंगरते, मुरुक मिहनइत घड़ीनिंग सेवाकूतना।

पिलिपी 2:30

हाँय ईसू मसीराः बुता बदीरे गोनेगगुःरेय दोहोना अरू अनँयग जीव गुजुः जियाः ओंगोल अड़ाः एंडाकेडखन अपे ईंग मेरपे एमे अवेवागडिंग हना संघरा हाँय एमेवातिरिंगा।

इबरानी 3:6

मनदो बेटात इया भगवानराः जमा ओड़ाःरे ईसू मसी बिसवासगेयीगे दोहोना। अरू अबू डीड़ घड़ीन टुटीग वरीबू असरागोड ञवन दो अबू हाँयराः ओड़ाःरिकुःआबू बड़ाँःता।

1 तिसलूनिका 2:9

ने अजी बोपोहकूतिंग, अपे उहियारगेतनापे जा, अले भगवानराः नपाय सरवन अपे एचेरे परसारगे मेला दिन रइत उगार उडुंगवामिन घड़ीनले बुता जोमा, जेमहा तोनोंगीग लगा बोझा अलो होयाः।

कुलूसी 4:12

इपापरास, अपे अते मी होड़ इदानिया अरू हाँय ईसू मसीरीग सेवकिया हवे। हाँय अपेय सलामतना। अरू हाँय, अपे भगवानराः ओंगोल इया, अपेराः बिसवास जमालेःआ बड़ियाड़ जुवाः लगा, मुरुक मिहनइततेय अरजीगोड ञवनतना।

2 कुरिंती 6:1

अले भगवानरिकुःआ सेवा देंगवा होड़कू इदानलेःआ अते अपे एचेरेले असेयतना, भगवान अपे मुरुके मयावाडपेःआ, हना अपे जीवरे अहवइर अलोपे होया ओवा।

1 कुरिंती 15:10

मनदो भगवान ईंगे मयावारा। हनालगा नुँहू ईंग इदानिंगा हनानाःयिंग बड़ाँवनेना। अरू हाँय ईंगे मयावारा हना ईंग जीवरे सदाःआ मेर होयागना। हनते हों ईंग ईसूरिकुःआ एटाः मूक चेलाकू अते मुरुक बगरा मिहनइत घड़ीनिंग बुतातना। मनदो नाःआ बुता ईंग इनिंगराः जंगरते मेरिंग बुतातना। भगवान ईंगे मयावारा अरू हनानाः मया ईंग बुनुतागोड ञवन लगा संघरा एमेता।

पिलेमोन 1:1

ईसू मसीराः परसार बदीरे जेहेलरे इदानिंगा ईंग पउलूस नाःआ चिठीयिंग ओजाःगेतना। ने अलिंगरीग दुलार सउंगता अरू सेवा देंगवा होड़ पिलेमोन, अलंगरीग बिसवासी बोहोयिंग इदानिया हाँयग तिमुतियूस अरू ईंग अगीते आमके मसी सलाम।

उदुःतो कताकून 2:1

इपीसी सहरराः कलसियारीग बराहील लगा नाःआ चिठीम ओजाः सातगोटोंग इपीलकू खउना तिःईरे साबकेडखन सोनाराः सातगोटोंग ढिबरीकून तलारेय दँड़ातायीग नाःआ इयाय कतायता,