लूका 1:76 - Korwa Bible

⁷⁶ “ने बाबू, आम भाबी भगवानराः बड़रा कता होड़ हवे, माःआनकू कतावामता। अरू परबू वेग अते मड़ंग, आम हाँय लगा दूरमे संजोड़ता।

लूका 1:76 Referans Kwoze

एहुना 1:23

दो भगवानराः बड़रा कतायीग होड़ एसयाहराः कता इया एहुना कतातेरा, “परबू लगा दूरपे सोएगगोड, माःआन टयंगाब ततेररे खिररीवाडखने कतायता हाँयग होड़ इनिंग हवे।”

मती ओजाःतेरा भगवानराः नपाय सरवन 14:5

हरदोस एहुना ञेड गोएगगेय लगाय ओंगलेःआ। मनदो होड़कू, एहुना भगवानराः बड़रा कतायीग होड़ माःआनकू मनेवाया अते होड़कू बोरोवाडखन एहुना तोनोंग इया मेरेय एचेगडीग।

मती ओजाःतेरा भगवानराः नपाय सरवन 3:3

ननाँयग होड़ बदीरे भगवानराः बड़रा कतायीग होड़ एसयाह कतातेरा, टयंगाब ततेररे खिररीवाडखने कतायता हाँयग होड़राः अरो, परबू वेग लगा दूरपे संजोड़का अरू हाँय लगा दूरपे सोएगगोड।

मूक चेलाकू 16:17

हाँयग धंगड़ी पउलूस अरू एटाः एटाः होड़कू तयोम अगी वेगवाडखन खिररी घड़ीने कताया, नँकुःआ होड़कू भाबी भगवानरिकुःआ होड़कू हवे। होड़कू अँकूराः कसूर दूर अड़ाःकेडखन सडाव जुवाःराः दूरकू उदुःतना, माःआन।

लूका 1:35

सेरमो देसरीग बराहील हाँय एचेरेय कताया, “सुद बिरुवा आम एचेरे वेगता अरू जमाकू अते मरंग भगवानराः जंगर आम एचेरे दोहोनता। हनालगा जनमावगुःताय हाँयग सुद लँइग भाबी भगवानरीग बेटा हवे, माःआनकू कतावायता।

लूका 1:32

हाँय जमाकूते मरंगे बड़ाँःता अरू भाबी भगवानरीग बेटात माःआनकू रगेयता, अरू हाँयरीग खुटिपरिया होड़ दाऊद इया भगवान हाँय राजाय बड़ँवेयता।

मरकूस 11:32

मनदो मनुवाकू होरते माःआनबू कताय दो?” (जमाकू सुदीया एहुना सतायरे भगवानराः बड़रा कतायीग होड़ हवे। हनालगा हँकू होड़कूकू बोरोवाःआ।)

एहुना 3:28

ईंग अपे एचेरेयिंग कतातेरा, ईंग मसी ना लवे, मनदो हाँय अते मड़ंग भगवान ईंगे वारकेरा। नाःआ कता अँननपे अपे ईंग अतेपे अयूमकेरा।

एहुना 1:27

हनाँयग होड़ ईंग तयोमतेय वेगता अरू हाँयराः चाटीराः डोरा लड़ा जुकूर हों ईंग कोवायिंगा।”

लूका 6:35

मनदो अपे मुदइकूपे दुलार अरू नपायकूपे। ईंग गोः कुदायतिंग, माःआन ओंगोलवाडखन अलोपे एमेय। नाःआ इया अपे एचेयतान दो, सतायरे अपे भाबी भगवानरिकुःआ लइंकू हवे, माःआन एटाः होड़कू एचेरेपे उदुःगुःता अरू अपे लगा भगवान मरंग इमाने एमेता। भगवान मेरकू धनियाबादगेयता हँकुःआ होड़कू अरू अँननकूराः नफा लगाकू ओंगलेता हँकुःआ होड़कू होंय सोगावकूता।

मती ओजाःतेरा भगवानराः नपाय सरवन 21:26

अरू जमा होड़कू एहुना भगवानराः बड़रा कतायीग होड़ माःआनकू मनवेयता। हनालगा हाँय होड़कू अगीते हातपाते पवावकिया, माःआनबू कताय दो, अबू नँकुःआ होड़कूबू बोरोवाता।”

मती ओजाःतेरा भगवानराः नपाय सरवन 3:11

अपे कसूर अते जीवपे कुदागे लगा, दाःते बतिसमायिंग एमेयतना। मनदो ईंग तयोमरेय वेगता, हाँयग होड़ ईंग अते मरंग इदानिया। हाँयराः चाटी रेम जुकूर हों कोवायिंगा। हाँय सुद बिरुवाते अरू सेंगेलते अपे बतिसमाय एमेवापेता।