लूका 1:58 - Korwa Bible

⁵⁸ परबू भगवान इलिसिबा सोगावातेडखन मी होड़ बेटाय एमेवातेरा माःआन हाँयरिकुःआ परुसीकू अरू जइत सगाकू अयूमतेडखन हाँय सुदाकू बहालयान।

लूका 1:58 Referans Kwoze

रूमी 12:15

बहालतेकू दोहोनता हँकुःआ होड़कू सुदा अपे होँपे बहालगुः अरू इयामतकुःआ होड़कू सुदा अपे होँपे इयाम।

लूका 1:25

हाँय कतातेड, “भगवान ईंगराः जीवे नपायकेरा। नाःआते नुँहू वरीते होड़कू ईंग ओरोकू लंदा एरंगवाडिंगा।”

लूका 1:14

हाँयते आमराः जीव मुरुक बहाल जुवाःता अरू हाँय जनमावगुःता हनमेला मुरुक बगरा होड़कू बहालगुःता।

1 कुरिंती 12:26

मीटोंग दगली हसूरे पराव जुवाःतान दो जमा देह हसूरे दोहोनता। अरू मीटोंग दगलीराः भल-भलाय होयाःतान दो जमा देह दगलीकून अहाल-बहाल जुवाःता।

लूका 1:57

इलिसिबा अमिंगगुःराः बेला सोदोरनेन दो हाँयरीग मी होड़ हेरेल होन जनमावनेना।

लूका 14:12

हनते ईसूय टिवावातेरा हाँयग होड़ एचेरे हों ईसू कताया, “आम केलवा सहे बियाड़ी जोम लगा होड़कूम राःकूता दो, अनम सउंगताकू सहे वपक बोपोकू सहे जइत सगाकू सहे गिरहत परुसीकू अलोम राःकू। हँकुःआ होड़कूम राःतान दो, हँकू हों आमकू राःता अरू आमकू एमे कुदावाता।