लूका 1:17 - Korwa Bible

¹⁷ हाँयराः जीव इलियाहराः जीव इया जंगरते दोहोनता अरू हाँय एंगात अपात अरू लइंकू एचे राजू नमा गोटकूताय अरू भगवानराः बड़रा मेरकू मनवेता हँकूराः जीव कसूर अते एचे कुदाकेडखने नपायगोडता। नाःआ इया हाँय परबू वेग अते मड़ंग होड़कूराः जीवे संजोड़ता।

लूका 1:17 Referans Kwoze

मती ओजाःतेरा भगवानराः नपाय सरवन 11:14

अरू नाःआ कतापे बिसवासगेता जा कोवान, कुदा वेग लगापे ततंगीःआ हाँयग इलियाह, एहुना हवे।

लूका 1:76

“ने बाबू, आम भाबी भगवानराः बड़रा कता होड़ हवे, माःआनकू कतावामता। अरू परबू वेग अते मड़ंग, आम हाँय लगा दूरमे संजोड़ता।

एहुना 3:28

ईंग अपे एचेरेयिंग कतातेरा, ईंग मसी ना लवे, मनदो हाँय अते मड़ंग भगवान ईंगे वारकेरा। नाःआ कता अँननपे अपे ईंग अतेपे अयूमकेरा।

उदुःतो कताकून 20:4

हनते ईंग गदीकूनिंग ञेलतेरा। अदोम होड़कू हना गदीकूनरेकू दुड़ुःकिया अरू हँकू फड़ियावगे लगा हातपातकू पवावकिया। ईसूराः सताय कता अरू भगवानराः सरवन उदुः अते पुजा ञेड एंडाकुःआ हँकुःआ होड़कूराः बिरुवा ईंग ञेलतेरा। हँकुःआ होड़कू जानर अरू हाँयराः मुरती मेरकू सेवागाड, अरू हाँयग जानरराः चिनहा अँकूराः समांगरे सहे तिःईरे मेरकू गोःगाड। हँकू जियाव रेमनेनखन मसी सुदा हजार बरिस वरीकू राइजगोड ञवना।

1 पतरस 2:9

मनदो अपे सुनावतो होड़कू, राजारिकुःआ पुजउरीकू, मीटोंग सुद जइत अरू भगवानरिकुःआ निकता होड़कू हवे, जेमहा अपे अंदरा अते राःकेडपेखन अनँयगराः मुरुक नपाय मरसलरेय अगुकेडपेःआ हाँयग भगवानराः, मुरुक नपाय बुताकून एटाः होड़कू एचेरेपे कता उदुः अवे।

कुलूसी 1:12

दो अपांग भगवान मरसलराः राइजरे, आँयगरिकुःआ सुद होड़कू लगा इदा, हना इताडराः बंटापे पवाः लगाय सुनावकेडपेःआ। हनालगा हाँयपे जागगोड ञवन।

2 तिमुतियूस 2:21

तोनोंगीग होड़ अनँयग जीव बेलूर कता अते कगराव हड़ाःगेता दो, हाँयग होड़राः जीव सुद होया जुवाःता अरू ननपाय बुता एचे लगा ओड़ाः मालिकके उपयोतगेयीगे होयाःता।

रूमी 9:23

जेमहा हाँय मान मरजइतकू लगा मनाड़ंगतेय सपड़ाव दोहोतेडकुःआ हँकुःआ होड़कू हाँय तुमिन मरंग इदानिया, हनाय एचे सुदी अवेकू।

मूक चेलाकू 10:33

हनालगा ईंग आम एचेरे होड़कू ओहेनिंग वारतेडकुःआ अरू आम नंडाम वेगकिया दो ननपाय इदा। दो भगवान आम एचेरे अलेय कता उदुःवा लगा तोनोंगाःआय कतातेरा दो हना अयूमगे लगा नुँहू अले जमाकू भगवान मड़ंगरे इदानलेःआ।”

एहुना 1:34

अरू हनायिंग ञेलतेरा अरू हाँय बदीरेयिंग कताबाःगेतना, हाँय भगवानरीग बेटात हवे, माःआन।”

एहुना 1:13

हँकुःआ होड़कू, होड़कूराः नइड़-बाँसते सहे अइमी मरद जुमाः अते सहे तोनोंगीग होड़राः ओंगोल इया मेरकू जनमाःता, मनदो भनगवानराः ओंगोल इयाकू जनमाःता।

लूका 1:16

अरू हाँय इसराएल होड़कूराः जीव अँकूरीग परबू भगवान अगीय एचे कुदाकूता।

मती ओजाःतेरा भगवानराः नपाय सरवन 14:4

दो एहुना हरदोस एचेरेय कता ञवना, “अनम वगमरीग अइमी अअसूल नपाय कोवानेःआ।” हनालगा हरदोस एहुना एचे साबवाडीगखन जेहेलरेय एचे सींगगोतेडीग।

1 एहुना 2:28

ने ईंगरिकुःआ लइंकू इया होड़कू, ईंग अपे एचेरेयिंग कतायतना, मसी सुदापे सनालाव ञवन, दो हाँय सेरमो देस अते कुदा वेग मेला, अपे डीड़तेपे दोहोनता अरू ओरोपे गियूनेना।

मती ओजाःतेरा भगवानराः नपाय सरवन 3:4

एहुना ऊँटराः ऊबते तुलात सोनहे अरू जानरराः हेड़ेतते तुलात पेटार अनँयग मयांगरेय तुसिंगगेःआ। हाँय पंपाकू अरू टयंगाब ततेररिकुःआ रासकूय जोमा।

मती ओजाःतेरा भगवानराः नपाय सरवन 3:3

ननाँयग होड़ बदीरे भगवानराः बड़रा कतायीग होड़ एसयाह कतातेरा, टयंगाब ततेररे खिररीवाडखने कतायता हाँयग होड़राः अरो, परबू वेग लगा दूरपे संजोड़का अरू हाँय लगा दूरपे सोएगगोड।