एहुना 8:48 - Korwa Bible

⁴⁸ दो एहूदाकू नाःआ अयूमतेडखन ईसू एचेरेकू कताया, “आम समरिया होड़ हवे अरू आम एचेरे भूत इदा माःआनले कतायता दो हना कता सताय ना लवे जा?”

एहुना 8:48 Referans Kwoze

एहुना 7:20

दो होड़कू कतातेरा, “आम एचेरे भूत इदा। अले तोनोंगीग आम ञेड एंडा लगा मेरले चहाःतना।”

एहुना 8:52

हनते एहूदाकू कतातेरा, “नुँहू अले सुदीबाःगोतेरा, आम एचेरे भूत इदा। अबूरीग खुटिपरिया होड़ इबराहीम गोएगयना अरू भगवानराः बड़रा कता होड़कू होंकू गोएगयना। मनदो आम कतायता, तोनोंगीग होड़ ईंगराः कता इयाय सलाः दो, हाँय कहियो ओरोय गोएगनेना, माःआन।

एहुना 10:20

हँकू अते मुरुक बगरा होड़कू कताया, “नाँय एचेरे भूत इदा अरू नाँय बउड़ाहा इदानिया। नाँयराः कता चिला लगाबू अयुमे?”

एहुना 4:9

दो हाँयग अइमी कताया, “आम एहूदा होड़ हवे अरू ईंग दो समरियीन हवे। दो चिला लगा दाःमे असेतना?” (एहूदाकू समरिया छतररिकुःआ होड़कू सुदा तोनोंगाः जिनिसकून मेरकू एमे होड़ेंगा।)

मती ओजाःतेरा भगवानराः नपाय सरवन 15:7

ने पचघुचिया होड़कू, भगवानराः बड़रा कतायीग होड़ एसयाह अपे बदीरे सताये कतातेरा। हाँय नाःआ इयाय ओजाःतेरा,

मती ओजाःतेरा भगवानराः नपाय सरवन 12:24

मनदो फरीसी होड़कू नाःआ कता अयूमतेडखनकू कतातेड, “भूतकूरीग राजा दरहाते नाँय भूतकूय एचे उडुंगतना।”

मती ओजाःतेरा भगवानराः नपाय सरवन 10:25

मनदो चेला चेडदारतेन सुदा अरू तोनोंगीग सेवकिया आँयगरीग मालिक सुदा बरोबइरगुः दो हाँय संतोकगे लगा इदा। हँकुःआ होड़कू, ओड़ाः मालिकतुकू दरहा माःआनकू कतावायता दो, ओड़ाःरिकुःआ एटाः होड़कू चिला लगा मेरकू ओपताकेःआ?

मती ओजाःतेरा भगवानराः नपाय सरवन 10:5

नँकुःआ बारहो मूक चेलाकू ईसू नाःआ हुकुम एमेवातेडकूखने वारतेडकुःआ, “बेगर एहूदाकू एचेरे सहे समरिया छतररिकुःआ होड़कू एचेरे अलोपे सेन।

एकूब 2:19

आम बिसवासगेतना जा भगवान मिनीटोंग इदानिया? नपाय। हना कता भूतकू हों बिसवासगेतना अरू एकलाः घड़ीनकू बोरता, माःआन।

रूमी 15:3

ईसू मसी हों अनँयग ननायगुः लगा तोनोंगाः मेरेय एचेगाड, अरू नाःआ बदीरे भगवानराः कागदरे ओजाःतो इदा, “ने भगवान, होड़कू आमकू एरांगवाता दो ईंग होंकू एरंगवायिंगता।”

एहुना 13:13

अपे ईंग गुरुजी अरू परबू माःआनपे कतावायिंगता अरू ईंग हनाँय हवे। हनलगा अपे सनातायपे कतायता।

इबरानी 13:13

दो ईसूकू बेग-हतावातेरा हनानाः बेग-हता सहावकेडखन हाँय एचेरे डेराकून बाहरी अबू हों सेन।

मती ओजाःतेरा भगवानराः नपाय सरवन 12:31

हनालगा ईंग अपे एचेरेयिंग कतायतना, होड़कू एचेयता हना जमा कसूरकून अरूकू कतायता हना ओपता बड़राकून, भगवान बराव एंडागोडता।

मती ओजाःतेरा भगवानराः नपाय सरवन 11:18

बतिसमा एमेयीग होड़ एहुना, एटाः होड़कू इया मेरेय जोमगाड अरू मेरेय ञूगाड। मनदो हँकू कतायतना, हाँय एचेरे भूत इदा, माःआन।

एहुना 1:19

एरुसलेमरिकुःआ एहूदाकू बतिसमा एमेयीग होड़ एहुना एचेरे भगवानराः ओड़ाःरिकुःआ पुजउरी होड़कू अरू लेवी होड़कूकू वारगोतेडकू अरूकू एचे होंबरतिडिया, आम इये हवे, माःआन।

एहुना 8:22

नाःआ अयूमकेडखन एहूदाकूरिकुःआ मूक होड़कू होंबोरतेड, “नाँय कतायतना, ईंग सलाःतना, हना अगी ओरोपे वेग अवेनेना, दो नाँय अनँयग आँयगते गुजुः लगाय ओंगलेतना जा?”