एहुना 8:21 - Korwa Bible

²¹ हनते ईसू हँकू एचेरे अरूय कतातेड, “ईंग सलाव जुवाःतनिंग अरू अपे ईंगपे ञामता। ईंग सलाःतना हना अगी ओरोपे वेग अवेनेना अरू कनासूर कसूररेपे गोएग एंडा जुवाःता।”

एहुना 8:21 Referans Kwoze

एहुना 7:34

अपे ईंगपे ञाम दो ओरोपे ञाम अवेतिरिंगा। अरू ईंग इदानिंगा हना ततेररे अपे ओरोपे सेने अवेतेरा।”

एहुना 8:24

अपे ईंगपे अयूम! ईंग हवे, माःआनिंग कतातेरा हना कता अपे मेरपे बिसवासगे दो कसूर अरू गारबारतेपे गोएग जुवाःता। हनालगा ईंग मड़ंगरे अपे एचेरेयिंग कतातेरा, कनासूर कसूररेपे गोएग एंडा जुवाःता।”

एहुना 13:33

ने ईंगरिकुःआ लइंकू, गुनहोन बेला वरी अपे सुदायिंग दोहोनता। अपे ईंगपे ञामता, अरू ईंग एहूदा मूक होड़कू एचेरेयिंग कतातेरा हनन इया अपे एचेरे होयिंग कतायतना, ईंग सेनता हना ततेररे अपे ओरोपे सेने अवेतेरा।

इपीसी 2:1

अपे गारबार अरू कसूरते गोएगतोपे दोहोन मेला भगवान जियावतेडपेःआ।

एहुना 12:35

दो ईसू हँकू एचेरेय कतातेड, “मरसल तोनोंग बेला वरी अपे एचेरे दोहोनता। अंदरा रेडपेते मड़ंग मरसलरेपे सेसेनका। अंदरारेय सेनता हाँयग होड़ मेरेय सुदीयता, हाँय करा अगीय सेनतना।

एहुना 12:33

हाँय अनँयग गुजुः करा उड़ी होयाःता हना बदीरेय कता उदुःतेरा।

मती ओजाःतेरा भगवानराः नपाय सरवन 25:46

दो नँकुःआ होड़कू ओरो टुटीगनेना हना कटसियाकू पवाःता। मनदो बेगर गारबार होड़कू ओरो टुटीगनेना हना जीवकू पनावाःता।”

मती ओजाःतेरा भगवानराः नपाय सरवन 25:41

हनते दिरही तिःई गतररिकुःआ होड़कू एचेरेय कतायता, ने सती-सरापतो होड़कू, मड़ंग वरीते कलउ अरू हाँयरिकुःआ बराहीलकू लगा संजोड़तो इदा अरू कहियो ओरो इड़ीगनेना हना संगेलरेपे सलाव जुवाः।

मती ओजाःतेरा भगवानराः नपाय सरवन 23:39

अपे ईंगपे अयूम! परबूराः ञावतेय वेगता हाँयग होड़राः जीव भगवान भलावाता, माःआन अपे अरीनपे कताय वरी अपे ईंग अरू ओरोपे ञेल अवेतिरिंगा।”

एहुना 7:36

अपे ईंगपे ञाम दो ओरोपे ञाम अवेतिरिंगा, अरू ईंग इदानिंगा हना ततेररे अपे ओरोपे सेने अवेतेरा, माःआन हाँय कताकेरा नाःआ कताराः मतलोब चिला हवे?”