एहुना 8:20 - Korwa Bible

²⁰ नाःआ कता भगवानराः ओड़ाःरे दसिना बकसा धरीरे ईसू चेचेडा। मनदो हाँय एचे साबेयराः बेला मेर होयागान, हनालगा तोनोंगीग मेरकू साबगडीग।

एहुना 8:20 Referans Kwoze

एहुना 7:30

हनते एहूदाकूरिकुःआ मूक होड़कू ईसू साबगेय लगाकू ओंगोलतेरा। मनदो हाँय साबराः बेला मेर होयागान, हनालगा तोनोंगीग मेरकू साब अवेगडीग।

एहुना 7:8

अपे परोब लगापे सलाव जुवाः। ईंगराः बेला अरीन सुदुरुःआ, हनालगा ईंग नुँहू मेरिंग सेनतना।”

मरकूस 12:41

भगवानराः ओड़ाःरे ढिबुवाकून सोलोंग लगा दसिना बकसाकून दोहोना। हंडा ईसू दुड़ुःनेनखने ञेञेला, होड़कू भगवान ओड़ाःराः दसिना बकसारे ढिबुवाकून करा इयाकू सोलोंगेता। गिरहत होड़कू हना बकसारे मुरुक बगरा ढिबुवाकूनकू सोलोंगतेरा।

एहुना 7:44

अदोम होड़कू ईसू साब लगा होंकू ओंगोलतेरा, मनदो तोनोंगीग होड़ हाँय मेरकू साब अवेगडीग।

मरकूस 12:43

दो ईसू आँयग मूक चेलाकू राःतेडखने कतातेरा, “अपे ईंगपे अयूम, नाँयग गरीब रंडियाहीन एटाःकू अते बगरा नाःआ दसिना बकसारेय सोलोंगकेरा।

मती ओजाःतेरा भगवानराः नपाय सरवन 27:6

हनते मरंग पुजउरीकू हना चाँदीराः रिचकी ढिबुवाकून हलंगतेडखनकू कताया, “नाःआ रिचकी ढिबुवाकून बलंगीराः बनी हवे। हनालगा अले नाःआ ढिबुवाकून भगवान ओड़ाःराः दसिना बकसारे ओरोले सोलोंग अवेतेरा।”

एहुना 10:39

हनते हाँय अरू सबेय लगाकू कुरनिसतेरा। मनदो हाँय हँकूराः तिःई अतेय बोड़ेड उडुंगयान।

एहुना 8:59

नाःआ अयूमकेडखन हँकू ईसू तेके गोजेय लगा दिरिकूनकू रेमतेरा। मनदो ईसू कलेकाल भगवानराः ओड़ाः अतेय बोसोर उडुंगयान।

लूका 20:19

मरंग पुजउरीकू अरू नियम चेडदार होड़कू सुदीया, ईसू हँकू बदीरे नाःआ कहड़ीय कताया। हनलगा हँकू हाँय एचे साबगेय लगाकू ओंगोलतेरा। मनदो हँकू होड़कूकू बोरोवातेरा।

मती ओजाःतेरा भगवानराः नपाय सरवन 26:55

हनमेला ईसू होड़कू एचेरेय कतातेड, “अपे ईंग लुलुड़ी होड़ ओंगोलवाडिंगखन ससाब लगा तलवइरकून अरू हापकून साबकेडखनपे वेगकिया जा? ईंग सगर दिन भगवान ओड़ाःरे अपे सुदायिंग दोहोना अरू होड़कूयिंग चेडा। दो अपे हंडा ईंग मेरपे साबगडिंग।

लूका 21:1

भगवानराः ओड़ाःरे ढिबुवाकून सोलोंग लगा दोहोना हना दसिना बकसारे गिरहत होड़कू ढिबुवाकून सोलोंगतो ईसू ञेलतेडकुःआ।

एहुना 2:4

दो ईसू हाँय एचेरेय कताया, “ने अइमी, नाःआ लगा ईंग चिलायिंग एचे? ईंगराः बेला अरीन सुदरुःआ।”

एहुना 7:14

दो परोब चइर दिन होयानेन दो ईसू भगवानराः ओड़ाःरे सेनेकियानखन होड़कू चेड लगाय बुँहड़ीतेरा।

एहुना 8:2

अंगुः निंदावा ईसू भगवानराः ओड़ाःरेय सेनेडा दो मुरुक होड़कू हाँय एचेरेकू जुमावयान। हनते ईसू दुड़ुःनेनखने चेडकुःआ।