एहुना 8:15 - Korwa Bible

¹⁵ अपे होड़कूराः ओंगोल इयापे फड़ियावगेतना। मनदो ईंग तोनोंगीग मेरिंग फड़ियावगेयतना।

एहुना 8:15 Referans Kwoze

एहुना 12:47

ईंगराः सरवने अयूमता मनदो हना सरवन इया मेरेय सलाःता हाँयग होड़ ईंग मेरिंग फड़ियावगेयता। ईंग चउंदीसरिकुःआ होड़कू फड़ियाव लगा मेरिंग वेगगना, मनदो हँकू सडावकू लगायिंग वेगकिया।

एहुना 7:24

अनभनिया अहापे फड़ियावगींग, मनदो अउग-बउग नपायते जासकेडखनपे फड़ियावगींग।”

एहुना 3:17

चउंदीसरिकुःआ होड़कू डंडियावकू लगा कोवान, मनदो हँकुःआ होड़कू सडावकू लगा भगवान अनँयग बेटाते वारतिरिया।

एहुना 18:36

दो ईसू कता कुदातेरा, “ईंग राइजगे दो नाःआ चउंदीसरे ईंगराः राइज ना लवे। ईंग नाःआ चउंदीसरेयिंग राइजकेः दो ईंगरिकुःआ होड़कू ईंग लगा कड़ीगकियानखन नँकुःआ एहूदा होड़कूरिकुःआ मूक होड़कूराः तिःईतेकू बनसावकिंगा। मनदो ईंगराः राइज नंडाःआ ना लवे।”

1 कुरिंती 2:15

सुद बिरुवा इदानीग होड़, नपाय अरू बेलूर कताकूने बुझाव अवेनता, मनदो एटाः होड़कू हाँयग होड़ मेनेरकू बुझाव अवेनता।

रूमी 2:1

ने सउंगता, आम सहे तोनोंगीग दोहोन, आम एटाः होड़कू बदीकेडखनमे फड़ियावकू दो हना बदीरे आम अनम बनसाः लगा कहिसाः ओरोम कता अवेतेरा। आम एटाःकूम बदीता, हनानाः कतारे आम होंम कसूरगेतना। हनालगा आम अनमरीग फड़ियावदारमे बड़ाँःता।

एहुना 8:11

दो हाँय कतातेड, “ने परबू, ईंग तोनोंगीग मेरकू डंडियावगडिंगा।” दो ईसू कतातेड, ईंग हों ओरोयिंग डंडियावतेडमेःआ। सलाव जुवाःमे अरू अलोम कसूरगे।]

एकूब 2:4

अपे तलारे नाःआ इया हिगार हटिंगकिन लगापे उदुःगेतान दो अपे बेलूर ओंगोलतेपे फड़ियावगेतना।

लूका 12:14

दो ईसू कताया, “ने गोय, ईंग अपेरीग फड़ियावदार अरू हटिंगदार इये तुलाकिरिंगा?”

2 कुरिंती 5:16

नुँहू वरीते होड़कूराः ओंगोल इया तोनोंगीग ओरोले फड़ियावतिरिया। मड़ंगरे मसी बदीरे चउंदीसरिकुःआ होड़कू फड़ियावगेःआ हनन इया अले होंले फड़ियावतिरिया। मनदो नुँहू वरीते अले हनन इया ओरोले फड़ियावतिरिया।