एहुना 8:14 - Korwa Bible

¹⁴ दो ईसू हँकू एचेरेय कता कुदातेरा, “ईंग करा अगीतेयिंग वेगकिया अरू करा अगीयिंग सेनता हनायिंग सुदीतना। हनालगा ईंग इनिंग बदीरे हिदइत कता उदुः होले ईंगराः हिदइत सताय होयाःता। मनदो अपे मेरपे सुसुदीतना ईंग करा अगीतेयिंग वेगकिया अरू करा अगीयिंग सेनता।

एहुना 8:14 Referans Kwoze

एहुना 16:28

ईंग अपांग अगीते नाःआ चउंदीसरेयिंग वेगकिया। ईंग नाःआ चउंदीस अड़ाःकेडखन ईंग अपांग एचेरे अरूयिंग सेनता।”

एहुना 13:3

अपांग जमाकूनराः हातपात ईंग एचेरेय जिमाकेरा अरू ईंग भगवान अतेयिंग वेगकिया अरू भगवान एचेरेयिंग कुदा सेनता माःआन ईसू सुदीकेडखन,

एहुना 14:10

आम मेरेम बिसवासगेतना जा, ईंग अपांग सुदा मिनी इदानिंगा अरू अपांग ईंग सुदा हों मिनी इदानिया, माःआन? ईंग कतायता हना कता ईंग, ईंगराः ओंगोलते मेरिंग कतायतना, मनदो अपांग ईंगराः जीवरेय दोहोनता अरू आँयगराः बुता ईंगतेय एचेयता।

एहुना 8:42

हनते ईसू हँकू एचेरेय कताया, “ईंग भगवान अगीतेयिंग वेगकिया अरू ईंग इनिंग ओंगोलते मेरिंग वेगगना, मनदो हनाँय ईंगे वारकेरा। भगवान अपेरीग अपांगे दोहोकुः दो अपे ईंग सुदा अलार-दुलारतेपे दोहोकुःआ।

एहुना 17:8

आम ईंगमे कता उदुःवातेरा हना सरवन ईंग हँकूयिंग कता उदुःवातेडकुःआ। हना हँकू मनेवाडखन आम ईंगमे वारतेरा हनाकू बिसवासकेरा। ईंग आम अगीतेयिंग वेगकिया, हना कताकू सुनुदीबाःगोतेडा।

उदुःतो कताकून 3:14

लउदिकिया सहरराः कलसियारीग बराहील लगा नाःआ चिठीम ओजाः, बिसवासगेयीग अरू सताय हिदइतदार अरू जमा जिया-जउतकून अते मनाड़ंगते दोहोनीग हाँयग आमीन नाःआ इयाय कतायता,

2 कुरिंती 12:19

अपे नुँहू वरी अले बदीरे, अबू अते बनसाः लगाकू कतायतना, माःआनपे ओंगलेतना जा? मनदो हना इया कोवान। अले नाःआ कताकून भगवानराः मड़ंगरे मसी सुदा मिनीकियानखनले कतायतना। ईंगरिकुःआ अजी बोपोहकूतिंग, जे हों सकालाः अले कतायता हना अपे जमालेःआते अपेराः बिसवास बड़ियाड़ जुवाः लगाले कतायतना।

2 कुरिंती 12:11

ईंग इनिंग भल-भलायगुःतान अते बुयांगिंग बड़ाँवनेना। मनदो ईंग ननन इया भल-भलायगुः लगा अँननपे ईंगपे रेनहातेरा। ईंग तोनोंगीग कोवायिंगा। हनते हों तोनोंगीग मनारंग मूक चेलाकू अते हों ईंग हुडिंग कोवायिंगा। हनालगा अपे इनिंगपे भल-भलायवाकेःआ।

2 कुरिंती 11:31

होड़कू सगर सइटकू जागगोड ञवनता अबूरीग परबू ईसूरीग अपांग भगवान सुसुदीतना ईंग मेरिंग लबरातना।

एहुना 10:36

अरू अपांग भगवान आँयगराः बुता बुता लगा ईंगे सुनावकिडिंगखन नाःआ चउंदीसरेय वारकिरिंगा। दो ईंग बदीरे अपे चेले माःआनपे कतायता? ईंग भगवानरीग बेटा हवे, माःआनिंग कतायतान दो अपे चिला लगापे कतायता, आम भगवानमे ओपताता, माःआन?

एहुना 10:15

अरू ईंग ईंगरिकुःआ भेड़ाकू लगा ईंगराः जीविंग एमेगोडता। ईंगरीग अपांग ईंगे सुदीता, हनन इया ईंग हों ईंगरीग अपांगिंग सुदीता।

एहुना 5:31

ईसू अरूय कतातेड, “ईंग इनिंग बदीरे हिदइतिंग एमे दो, हना हिदइत तोनोंगीग सताय हवे माःआन ओरोकू मनावनेना।

एहुना 18:37

हनते पिलातूस कतातेड, “दो आम राजा हवे जा?” दो ईसू कतातेड, “आम कतायतना, ईंग राजा हवे। ईंग सतायराः बदीरे कनाता लगा नाःआ चउंदीसरे जनमावनेनखनिंग वेगकिया। सतायरेय बिसवासगेता हाँयग होड़ ईंगराः कताय मनाःता।”

उदुःतो कताकून 1:5

अरू ईसू मसी हों अपे मयावाडपेखन सलसत एमेवापे लगायिंग अरजीतना। हाँय बिसवासगेयीग दोहोकियानखन होड़कू एचेरे सताय भगवाने उदुःवातेडकुःआ। हाँय गोएगनेनखन जियाव रेमतो होड़कू अते मड़ंगीगे दोहोना अरू चउंदीसरिकुःआ जमा राजाकूरीग मनारंग राजा हवे। ईसू अबूय दुलारकेडबुःआ अरू कुरूसरे अनँयग बलंगीय तूतेड अते हाँय अबू कसूरराः बोझातेय अजइतकेडबुःआ।