एहुना 7:20 - Korwa Bible

²⁰ दो होड़कू कतातेरा, “आम एचेरे भूत इदा। अले तोनोंगीग आम ञेड एंडा लगा मेरले चहाःतना।”

एहुना 7:20 Referans Kwoze

एहुना 10:20

हँकू अते मुरुक बगरा होड़कू कताया, “नाँय एचेरे भूत इदा अरू नाँय बउड़ाहा इदानिया। नाँयराः कता चिला लगाबू अयुमे?”

एहुना 8:48

दो एहूदाकू नाःआ अयूमतेडखन ईसू एचेरेकू कताया, “आम समरिया होड़ हवे अरू आम एचेरे भूत इदा माःआनले कतायता दो हना कता सताय ना लवे जा?”

एहुना 8:52

हनते एहूदाकू कतातेरा, “नुँहू अले सुदीबाःगोतेरा, आम एचेरे भूत इदा। अबूरीग खुटिपरिया होड़ इबराहीम गोएगयना अरू भगवानराः बड़रा कता होड़कू होंकू गोएगयना। मनदो आम कतायता, तोनोंगीग होड़ ईंगराः कता इयाय सलाः दो, हाँय कहियो ओरोय गोएगनेना, माःआन।

मरकूस 3:30

हँकू कतातेरा, नाँय एचेरे भूत इदा, माःआन। हनालगा ईसू नाःआ इया सुद बिरुवाराः ओपता बदीरे सेतावकेडखने कताकेरा।

मूक चेलाकू 26:24

हनमेला पिसतूस पउलूसराः बड़रा सेरमो अलंगतेय तेलातेडखन मुरुक सटीतेय कतावाया, “ने पउलूस, आम बउड़ाहा इदानमेःआ। आम मुरुकमे चेडकियानते बउड़ाहायनाम।”

मती ओजाःतेरा भगवानराः नपाय सरवन 12:24

मनदो फरीसी होड़कू नाःआ कता अयूमतेडखनकू कतातेड, “भूतकूरीग राजा दरहाते नाँय भूतकूय एचे उडुंगतना।”

मती ओजाःतेरा भगवानराः नपाय सरवन 10:25

मनदो चेला चेडदारतेन सुदा अरू तोनोंगीग सेवकिया आँयगरीग मालिक सुदा बरोबइरगुः दो हाँय संतोकगे लगा इदा। हँकुःआ होड़कू, ओड़ाः मालिकतुकू दरहा माःआनकू कतावायता दो, ओड़ाःरिकुःआ एटाः होड़कू चिला लगा मेरकू ओपताकेःआ?

मती ओजाःतेरा भगवानराः नपाय सरवन 9:34

मनदो फरीसी होड़कू कतातेड, “हाँय भूतकूरीग राजाराः जंगरते, भूतकूय उडुंगकूता।”

एहुना 8:49

दो ईसू कता कुदातेड, “ईंग एचेरे भूत कोवाया। मनदो ईंग इनिंग अपांग भगवाननिंग मान मरजइतता अरू अपे ईंग मेरपे मान मरजइतगींगतना।