एहुना 7:16 - Korwa Bible

¹⁶ हनते ईसू हँकू एचेरेय कतातेड, “ईंग इनिंग ओंगोलते मेरिंग चेडकूता, मनदो ईंगे वारकेरा हाँयराः ओंगोल इयायिंग चेडकूतना।

एहुना 7:16 Referans Kwoze

एहुना 14:24

ईंग मेरेय अलार-दुलारगींगता हाँय, ईंगराः सरवन मेरेय मनेवाता। अपे अयुमेता हना सरवन इनिंगराः कोवान, मनदो ईंगे वारकेरा ईंग अपांगराः हवे।

एहुना 14:10

आम मेरेम बिसवासगेतना जा, ईंग अपांग सुदा मिनी इदानिंगा अरू अपांग ईंग सुदा हों मिनी इदानिया, माःआन? ईंग कतायता हना कता ईंग, ईंगराः ओंगोलते मेरिंग कतायतना, मनदो अपांग ईंगराः जीवरेय दोहोनता अरू आँयगराः बुता ईंगतेय एचेयता।

एहुना 17:8

आम ईंगमे कता उदुःवातेरा हना सरवन ईंग हँकूयिंग कता उदुःवातेडकुःआ। हना हँकू मनेवाडखन आम ईंगमे वारतेरा हनाकू बिसवासकेरा। ईंग आम अगीतेयिंग वेगकिया, हना कताकू सुनुदीबाःगोतेडा।

एहुना 5:30

“ईंग इनिंग ईंगते तोनोंगाः मेरिंग एचे अवेयता। ईंग भगवान अगीतेयिंग अयुमेता हनन इयायिंग फड़ियावकूता। ईंग इनिंग ओंगोल इया एचेय लगा मेरिंग चहाःतना, मनदो भगवान ईंगे वारकेरा, अरू हाँयराः ओंगोल इया एचेय लगायिंग चहाःतना। हनालगा ईंगराः फनड़ियाव सताय इदा।”

एहुना 17:14

ईंग आमराः सरवन हँकू एचेरेयिंग उदुःगोतेरा। ईंग चउंदीसरीग होड़ ना लवे, हनन इया हँकू हों चउंदीसरिकुःआ होड़कू ना लवे। हनालगा चउंदीसरिकुःआ होड़कू हँकूकू हिनइस-बिनइसवातना।

एहुना 8:28

हनते ईसू कतातेड, “अपे मनुवारीग बेटात कुरूसरेपे देगगेय दो अपे सुदीगोडता हनाँय इनिंग हवे, माःआन अरू ईंग इनिंगते तोनोंगाः मेरिंग एचेयता। मनदो ईंगरीग अपांग भगवान चेडगींगता हनानाःयिंग कता उदुःता।

एहुना 3:11

आम ईंगमे अयूम, अले सुदीयतना हनाले कतायतना अरू अले अयूमकेरा हनाले उदुःतना। मनदो अपे अलेराः कता मेरपे मनाःता।

एहुना 6:44

ईंगे वारकेरा, ईंगरीग अपांग तोनोंगीग होड़ मेरेय रगेय दो, हाँयग होड़ ईंग एचेरे ओरोय वेगनेना अरू ईंग एचेरेय वेगता हाँयग होड़ टुटीगगुःराः दिनरे ईंग जियाव रेमगेयता।

एहुना 3:31

“सेरमो देस अतेय वेगता हाँयग होड़ जमाकू अते मरंग इदानिया। चउंदीसरेय जनमावकिया हाँय नानाः चउंदीसराः कताकूने कतायता। हनालगा सेरमो देस अतेय वेगता हाँयग होड़ जमाकू अते अगम मरंगे दोहोनता।

उदुःतो कताकून 1:1

ईसू मसी बदीराः उदुःतो कताकून, भगवान ईसू मसी एचेरेय जिमातेरा, जेमहा हाँय अनँयगरिकुःआ सेवकियाकू हलीते होनोयाः लगा इदा हना कताकूने उदुः अवे। ईंग एहुना, ईसू मसीरीग सेवकिया होड़ हवे। अरू हाँय सेरमो देसरीग बराहील वारतेडखन नाःआ कताकून ईंग एचेरेय एचे उदुःवातेरिंगा।

2 एहुना 1:9

ईसू मसी चेडतिरिया हना सरवन बदलाकेडखन एटाः इयाय चेडकूता अरू सताय सरवन इया मेरेय सलाःता हाँयग होड़ भगवान सुदा अनसिनहारे दोहोनता। मनदो ईसू मसीराः सताय सरवन इयाय सलाःतना हाँयग होड़ भगवान अरू ईसू मसीरीग होड़े दोहोनता।