एहुना 6:41 - Korwa Bible

⁴¹ ईसू नाःआते गुनहोन मड़ंगरेय कतातेरा, सेरमो देस अते उतरावकिया हना रुटी, ईंग हवे। हनालगा एहूदाकू हाँय बदीरेकू कुरबुराःआ।

एहुना 6:41 Referans Kwoze

एहुना 6:48

ओरो टुटीगनेना हना जीव एमेयता हना रुटी ईंग हवे।

एहुना 6:33

सेरमो देस अते उतरावनेनखन चउंदीसरिकुःआ होड़कू लगा जीवे एमेता हनाँय हवे, भगवानराः रुटी।”

एहुना 7:12

होड़कू ईसू बदीरे जहड़ घड़ीन मुरुककू कताया। अदोमकू कताया, “हाँय नपाय होड़ हवे।” अरू अदोमकू कताया, “हाँय होड़कूय बहकावगोडता।”

एहुना 6:66

हना तयोमरे ईसूरिकुःआ मुरुक बगरा चेलाकू हाँय अड़ाःतेडखनकू कुदायान।

एहुना 6:60

ईसूरिकुःआ चेलाकू अते मुरुक बगरा होड़कू नाःआ कताकून अयूमतेडखनकू कताया, “नाःआ कता ओरोबू अयूम पसाव अवेतेरा। दो इये मनाव अवेनता?”

जूदा 1:16

हँकुःआ होड़कू कुरबुराः होड़कू अरू लालिस होड़कू इदानकुःआ, हँकू अँकूराः बेलूर ओंगोल इयाकू सलाःता, अँननकू बदीरेकू बड़वारता अरू अँननकू नफा पवाः लगाकू बड़रा बोनाःता।

एहुना 6:58

नाःआ रुटी सेरमो देस अते उतरावकिया हना रुटी हवे। अपेरिकुःआ खुटिपरिया होड़कू मनाहकू जोमा, हनारे होंकू गोएगयना, मनदो नाःआ रुटीय जोमता हाँयग होड़ सगर सइट जूग वरी जीयते दोहोनता।”

एहुना 6:43

दो ईसू कतातेड, “अपे अँननपे अहापे कुरबुराव होड़ेंग।

लूका 19:7

नाःआ ञेलवाडखन होड़कू ईसूराः बदीरे कुरबुराः घड़ीनकू कताया, “माँय कसूर होड़राः ओड़ाःरे गुतियाय सेनेकिया।”

लूका 15:2

दो फरीसी होड़कू अरू नियम चेडदार होड़कू जहड़-बेडेग घड़ीनकू कताया, नाँय दो कसूर होड़कू सुदाय जुमाःता अरू हँकू सुदाय जोमता, माःआन।

लूका 5:30

हना अयूमतेडखन फरीसी होड़कू अरू नियम चेडदार होड़कू ईसूरिकुःआ चेलाकू एचेरे कुरबुराः घड़ीनकू कताया, “अपे चिला लगा मलगुजारी गोः होड़कू अरू एटाः कसूर होड़कू सुदापे जोम ञूयता?”

1 कुरिंती 10:10

हँकू अते अदोम होड़कू भगवान बदीरेकू कुरबुरावनेना अरू लाय एंडादार बराहील हँकूय लाय एंडातेरा। हनालगा अपे हों भगवान बदीरे अलोपे कुरबुराः।

एहुना 1:19

एरुसलेमरिकुःआ एहूदाकू बतिसमा एमेयीग होड़ एहुना एचेरे भगवानराः ओड़ाःरिकुःआ पुजउरी होड़कू अरू लेवी होड़कूकू वारगोतेडकू अरूकू एचे होंबरतिडिया, आम इये हवे, माःआन।