एहुना 6:30 - Korwa Bible

³⁰ दो हँकू हाँय एचेरेकू होंबोरतेड, “दो आम चिला बयाव जुवाः इयाःआ बुताम उदुःवालेता, जेमहा अले आम एचेरेले बिसवास अवेय?

एहुना 6:30 Referans Kwoze

एहुना 12:37

होड़कू तलारे ईसू मुरुक बयाव जुवाः इयाःआ बुताकूने एचेतेरा, मनदो हँकू हाँय एचेरे मेरकू बिसवासगाड।

1 कुरिंती 1:22

एहूदाकू बयाव जुवाः इयाःआ चिनहाकूनकू ञामता अरू बेगर एहूदाकू कनहूनकूनकू ञामता,

एहुना 10:38

दो ईंग इनिंग अपांगराः बुतायिंग एचेता अरू अपे ईंग एचेरे मेरपे बिसवासगेता होले, ईंगराः बयाव जुवाः इयाःआ बुतारेपे बिसवासगे। हनाते अपे सुदीगोडता अपांग सुदायिंग मिनीयना अरू अपांग ईंग सुदा होंय मिनीयना।”

एहुना 6:36

मनदो ईंग अपे एचेरेयिंग कतातेरा, अपे ईंगपे ञेलकेरा। हनारे हों मेरपे बिसवासगींगतना।

एहुना 2:18

हनते एहूदाकूरिकुःआ मूक होड़कू ईसू एचेरेकू कतातेरा, “नाःआ इया एचेय लगा आम इये हातपाते ओवाडमेःआ अरू हना अले सुदीबाःका लगा चिला चिनहाम उदुःवालेता?”

इबरानी 2:4

चिनहाकूनते अरू बयाव जुवाः इयाःआ बुताकूनते अरू एटाः एटाः इयाःआ ञेनेल ञेलरे नपाय जुवाःता हना बुताकूनते, अरू अनँयग हिछा इया होड़कूय हटिंगवातेरा हाँयग सुद बिरुवाराः दहिनकूनते भगवान, हाँयराः सरवन सताय हवे माःआन हिदइते उदुःबाःगोतेडा।

मूक चेलाकू 4:30

आम अले जंगरमे ओवाले, जेमहा आमरीग सुद सेवादार ईसूराः ञावते होड़कूले नपाय अवे अरू ञेनेल ञेलरेकू नपाय जुवाःता हना बयाव जुवाःआ बुताकूनले एचे अवेय।”

मरकूस 15:32

ने इसराएलरीग राजा, मसी, नुँहू कुरूस अतेम उतराव वेग दो आम ञेलकेडखनले बिसवासगेता।” अरू हाँय सुदा कुरूसरे ठोंकावतोकिन दोहोना, हँकिन हों हाँयकिन लंदावाया।

मरकूस 8:11

तोनोंग दिनरे फरीसी होड़कू ईसू सुदाकू अड़ा-चउकीयान अरू ईसू अंदजावगेय लगा हाँय एचेरे सेरमो देसराः चिनहाकू असेःआ।

एहुना 4:8

हना तयोमरे मी होड़ समरिया छतररीग अइमी दाः गोः लगाय सेनेडा। दो ईसू हाँय एचेरेय कताया, “ईंग दाःमे ओवायिंग।”

एहुना 6:2

ईसू बेमरियाकूय नपायतेरा हना बयाव जुवाः इयाःआ बुताकून होड़कू ञेलतेरा। हनालगा हाँय देह दूर मुरुक बगरा होड़कू ओतोंग सेना।

एहुना 6:14

ईसूराः बयाव जुवाः इयाःआ नाःआ बुता होड़कू ञेलतेडखनकू कताया, “सतायरे नाँयग होड़ चउंदीसरे वेग लगाय दोहोना हाँयग भगवानराः बड़रा कतायीग होड़ हवे।”