एहुना 6:27 - Korwa Bible

²⁷ लुलिग जुवाःता हना जोम जिनिसकून लगा एकला अहापे मिहनइतगे, मनदो ओरो लुलिगनेना अरू ओरो टुटीगनेना जीव एमेयता हना जोम जिनिसकून लगा होँपे मिहनइतगे। हना दो मनुवारीग बेटात अपे लगाय एमेवापेता। हना एमे लगा अपांग भगवान हनाँय एकला हातपाते ओवाडिया।”

एहुना 6:27 Referans Kwoze

कुलूसी 3:2

अपे चउंदीसराः ओंगोलरे अहापे दोहोन, मनदो अपे सेनेरमो देसराः ओंगोलरेपे दोहोन।

एहुना 6:54

ईंग एचेरे बिसवासकेडखन ईंगराः मासे जोमता अरू ईंगराः बलंगीय ञूयता, हनाँयग होड़ ओरो टुटीगनेना जीवे पवाःता। अरू टुटीगगुःराः दिनरे ईंग हाँयिंग जियाव रेमगेयता।

2 तिमुतियूस 2:19

मनदो भगवान मीटोंग बड़ियाड़ नेवे तुलाकेरा। अरू हनारे नाःआ बड़रा मोहोर इया ओजाःतो इदा, परबू अनँयग होड़कूय सुसुदीतना, अरू ईंग परबूरीग होड़ हवे माःआने कतनता हाँयग होड़, जनामा कसूर अड़ाःगे लगा इदा।

एहुना 6:40

ईंगरीग अपांगराः ओंगोल नाःआ हवे। बेटातकू ञेलता अरू हाँय एचेरेकू बिसवासगेता, हँकुःआ होड़कू ओरो टुटीगनेना हना जीवकू पवाःता अरू हँकू ईंग टुटीगगुःराः दिनरेयिंग जियाव रेमकूता।”

रूमी 6:23

कसूरराः बनी दो गुनुजुः हवे। मनदो अबूरीग परबू ईसू मसीते अबू लगा भगवानराः दहिन ओरो टुटीगनेना हना जीव हवे।

एहुना 10:28

ईंग हँकू लगा ओरो टुटीगनेना हना जीविंग एमेवाकूता। हँकू कहियो ओरोकू लायनेना अरू तोनोंगीग हँकू ईंग तिःई अते ओरोकू गोः अवेतेडकुःआ।

एहुना 6:51

सेरमो देस अते उतरावकिया, हना जीवराः रुटी इनिंग हवे। तोनोंगीग नाःआ रुटीय जोम दो, हाँय कहियो ओरोय गोएगनेना। अरू चउंदीसरिकुःआ होड़कू जियाः लगायिंग एमेयता, हना रुटी ईंगराः मास हवे।”

मूक चेलाकू 10:38

अरू सुद बिरुवा अरू आँयग जंगर एमेवातेडीगखन भगवान नसरतरीग ईसूय एटाःतिडिया। भगवान ईसू सुदाय दोहोन अते, हाँय एटाः एटाः गाँव सहरकून सेनेडखन नपाय बुताय बुतातेरा अरू भूतकू समसावनेना हँकुःआ होड़कूय नपायगोतेडा।

एहुना 17:2

आम चउंदीसरिकुःआ जमा होड़कूराः हातपातमे ओवाडिंगा। नान अते आम ईंगमे जिमावारा हँकुःआ होड़कू, ओरो टुटीगनेना हना जीविंग एमे अवेवाकूता।

मती ओजाःतेरा भगवानराः नपाय सरवन 6:19

अपे लगा चउंदीसरे आन-धान अलोपे बटुड़ावगे। नाःआ आन-धान दियाँकू जोमगोडता अरू हना किचियाव जुवाःता। इनिग होड़कू हों अडिग गोःयताकू।

एहुना 6:58

नाःआ रुटी सेरमो देस अते उतरावकिया हना रुटी हवे। अपेरिकुःआ खुटिपरिया होड़कू मनाहकू जोमा, हनारे होंकू गोएगयना, मनदो नाःआ रुटीय जोमता हाँयग होड़ सगर सइट जूग वरी जीयते दोहोनता।”

2 पतरस 1:17

ईसू मसी, अपांग भगवान अगीते मान-मरजइते पवावनेना हनमेला, विड़चेड़तो मरसल सुदा भगवानराः अरो सेरमो होरतेले अयूमतेरा, नाँय ईंग ननायगुःतना ईंगरीग दुलार बेटा हवे, माःआन।

पिलिपी 2:13

दो भगवान ननायगुःता हनन इयाबू जियाः लगा अबू जीवरे चहाः अरू जंगरे एमे हड़ाःवाबूता।

1 पतरस 1:24

भगवानराः कागदरे नाःआ इया ओजाःतो इदा; जमा होड़कू बीर इया इदानकुःआ, अरू हँकू पहाड़ बहाकून इया सुघर इदानकुःआ; बीरकून गोसो जुवाःता अरू बहाकून कसड़ जुवाःता,

लूका 3:22

हनमेला भगवानराः सुद बिरुवा पेरवाँ तितीग इया हाँय चोटरे उतराव वेगनेना। अरू सेरमो होरते बड़रा अयूमनेना, आम ईंगरीग दुलार बेटा हवे अरू ईंग आम सुदा राजू इदानिंगा, माःआन।

1 तिसलूनिका 1:3

अरू अपे बदीरे, हँकू ईसू एचेरेकू बिसवासकेडखन नपाय बुताकू बुताता, अरू मुरुक मिहनइत घड़ीन एटाः होड़कूकू अलार-दुलारता, अरू अबूरीग परबू ईसू मसी एचेरे इदा हना असरारे सनाहाव घड़ीन इदानकुःआ माःआन, अबूरीग अपांग भगवानराः मड़ंगरेले उहियार अगूयता।

कुलूसी 1:29

ननानाः लगा ईसू मसी ईंगे एमेवारा हना जंगरते, मुरुक मिहनइत घड़ीनिंग सेवाकूतना।

एहुना 3:33

भगवानराः कताय मनाःता हाँयग होड़ भगवान सताये कतायता माःआने उदुःबाःकाता।

मूक चेलाकू 2:22

ने इसराएल होड़कू, ईंगपे अयूम, अपे तलारे ञेनेल ञेलरे होड़कू नपाय जुवाःता हना बुता, मुरुक बयाव जुवाः इयाःआ बुताकून अरू चिनहाकून नसरत सहररीग ईसूते एचेतेडखन भगवान हाँये लुंबाड़ दोहोकिरिया, हना कता अपे नपायतेपे सुदीयतना।

एहुना 6:68

दो सिमोन पतरस कता कुदातेरा, “ने परबू, अले इये एचेरेले सेन? ओरो टुटीगनेना हना जीवराः सरवन दो अनम एचेरे इदा।

लूका 9:35

हना बदरी अते मीटोंग अरोकू अयूमतेरा, नाँय ईंग सुनावकिरिया ईंगरीग बेटायिंग हवे। दो अपे नाँयराः कतापे मनाः, माःआन।

इबरानी 12:16

अपे अते तोनोंगीग सनहा-सनही होड़कू सहे एसाव इया गारबार होड़कू अलोपे होयाः। दो मरंग बेटाकू पवाःता हना हातपात एसाव मी जुवारराः जोम जिनिस लगाय अकरिंग एंडागोतेड।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

इबरानी 4:11

हनालगा अबू जमा इयाःआ मिहनइत घड़ीन हनानाः लोड़ोन अटकारगे लगाबू कुरनिसगोड ञवन, जेमहा तोनोंगीग हुकुम मेरकू मनावगान हँकुःआ होड़कू इया अलोबू बेगेनान।

कुलूसी 2:22

नाःआ जमा नियमकून होड़कूराः ओंगोल इयाःआ चेडतो हवे, अरू हन उपयोतगे घड़ीन लुलिग जुवाःता।

1 कुरिंती 9:2

अदोम होड़कू कतायतना, पउलूस ईसू मसीरीग मूक चेला ना लवे, माःआन। मनदो अपे ईंग ईसूरीग मूक चेला हवे माःआन अपे जीवरेपे ओंगोल दोहोबाःकाडिंगा। अपे ईसू एचेरेपे बिसवासकेरा हना ञेलकेडखन होड़कू सुदींगता, पउलूस ईसू मसीरीग मूक चेला हवे, माःआन।

1 कुरिंती 6:13

अरू तोनोंगीग कतायता, जोम-ञूय जिनिस दोंगे लगा अरू दोंगे जोम-ञूय जिनिस लगा इदा। मनदो ईंग कतायता, भगवान बनरे लाय एंडागोडता। अरू अबूराः देह दगलीकून सनहा-सनही एचेय लगा कोवानेःआ। अबूराः देह दगलीकून परबूराः हवे। हनालगा अबूराः देह दगलीकून परबू सेवा लगा उपयोतगे लगा इदा अरू हनाँय हवे अबूरीग मालिक।

रूमी 4:11

इबराहीम खतनानते मनाड़ंग भगवान एचेरेय बिसवासतेरा। हनालगा हाँय भगवानराः ओंगोलरे बेगर गारबार होड़े बड़ाँवनेना अरू अनँयगराः देहरे मीटोंग चिनहा इयाय खतनानेना। बेगर खतनाते हों भगवान एचेरेकू बिसवासकेडखन भगवानराः ओंगोलरे बेगर गारबार होड़कूकू बड़ाँःता हँकुःआ होड़कूरीग खुटिपरिया होड़ इबराहीम बड़ाँवकिया।

एहुना 15:24

तोनोंगीग होड़ नुँहू वरी मेरेय एचेगरा हना बुता ईंग हँकू तलारे मेरिंग एचेकेः दो, हँकू एचेरे कसूरराः बोझा ओरो होयाकुःआ। मनदो हँकू ईंग अरू ईंगराः बुताकू ञेलकेरा अरू ईंग अरू ईंग अपांग बनरकू हिनइस-बिनइसवारा।

एहुना 14:6

दो ईसू कतातेड, “दूर, सताय अरू जीव इनिंग हवे। ईंग अड़ाःकेडखन ईंग अपांग भगवान एचेरे तोनोंगीग ओरोय सेने अवेनेना।

एहुना 11:42

अरू ईंग सुदीयतना, आम सगर बेला ईंगराः कताम अयुमेता। मनदो नंडा इदानकुःआ हँकुःआ होड़कू आम ईंगमे वारकेरा हनाकू बिसवासगे लगा नाःआ इयायिंग कतायतना।”

एहुना 8:18

ईंग इनिंगते ईंग बदीरे हिदइतिंग एमेतना अरू ईंगे वारकेरा ईंग अपांग इनिंग बदीरे हिदइते एमेयता।”

मरकूस 9:7

पतरस कताय मेला बदरी हँकू जमाकू दाब रेडगोतेडकू। हना बदरी अते भगवानराः बड़राकू अयूमतेरा, नाँय ईंगरीग दुलार बेटा हवे। दो अपे नाँयराः कतापे मनाः, माःआन।

मरकूस 1:11

अरू सेरमो होरते बड़राय अयूमतेरा, “आम ईंगरीग दुलार बेटा हवे अरू ईंग आम सुदा राजू इदानिंगा।”

मती ओजाःतेरा भगवानराः नपाय सरवन 17:5

पतरस नाःआ इयाय कनकता मेला मीटोंग विड़चेड़तो बदरी हँकू दाब रेडगोतेडकू अरू हना बदरीते भगवानराः बड़रा अयूमनेना, “नाँय ईंगरीग दुलार बेटा हवे, नाँय बदीरे ईंग मुरुक बहालते इदानिंगा। नाँयराः कतापे मनाः।”

मती ओजाःतेरा भगवानराः नपाय सरवन 3:17

अरू सेरमो होरते बड़राय अयूमतेरा, “नाँय ईंगरीग दुलार बेटा हवे अरू नाँय सुदा राजू इदानिंगा।”

एकूब 1:11

सिनितोंग सितोंगरे बहाकून गोसोकियानखन कसड़ जुवाःता। हनते बहाकून सुघर मेर ञिलुःता। हनन इया गिरहत होड़कू अँकू बुताकता हननमेला ञेनेल ञेलरेकू लाय जुवाःता।

2 कुरिंती 4:18

दो ञिलुःता हना चउंदीसराः जिनिसकून तोनोंग बेला वरी दोहोनता, मनदो मेर ञिलुःतना हना सेरमो देसराः जिनिसकून सगर सइट लगा इदा। हनालगा अबू ञिलुःता हना जिनिसरे अबू जीव टक-टकित कोवानेःआ, मनदो मेर ञिलुःतना हनारे अबू जीव टक-टकित इदा।

मती ओजाःतेरा भगवानराः नपाय सरवन 8:20

दो ईसू हाँय एचेरेय कताया, “हुई हुटाकू दोहोन लगा दुलू इदा अरू तितीगकू दोहोन लगा तुका इदा। मनदो मनुवारीग बेटातराः बोः अतड़े लगा हों ततेर कोवानेःआ।”

मती ओजाःतेरा भगवानराः नपाय सरवन 25:46

दो नँकुःआ होड़कू ओरो टुटीगनेना हना कटसियाकू पवाःता। मनदो बेगर गारबार होड़कू ओरो टुटीगनेना हना जीवकू पनावाःता।”

एहुना 3:15

जेमहा हाँय एचेरेकू बिसवासगेता, हँकुःआ होड़कू ओरो टुटीगनेना हना जीवकू पवाः।”

एहुना 6:47

अपे ईंगपे अयूम! बिसवासगेताय हाँयग होड़, ओरो टुटीगनेना हना जीवे पवाःता।

एहुना 6:53

दो ईसू हँकू एचेरेय कताया, “अपे ईंगपे अयूम! अपे मनुवारीग बेटातराः मास मेरपे जोम अरू हाँयराः बलंगी मेरपे ञूय, दो अपे सगर सइट वरी ओरोपे जियाव अवेनेना।

एहुना 6:62

अपे मनुवारीग बेटात सेरमो देस अगी देगतोपे ञेलेय दो करजुःतापे?