एहुना 5:34 - Korwa Bible

³⁴ होड़कू ईंग बदीरे हिदइतकू उदुः लगा मेरिंग चहाःता। मनदो अपे सडावगुः लगा नाःआ कतायिंग कता उदुःकेरा।

एहुना 5:34 Referans Kwoze

1 एहुना 5:9

होड़कूराः हिदइत अबू बिसवासगेतना। मनदो भगवान कताकेरा हना बड़रा होड़कूराः हिदइत अते अबू बगरा बिसवासगे लगा इदा अरू आँयग बेटात बदीरे भनगवान हिदइते एमेयतना।

एहुना 20:31

मनदो ईसू, भगवानरीग बेटात, मसी हवे माःआन अपे बिसवासगोड ञवन घड़ीन हाँयराः ञावते जीवपे पवाः लगा नाःआ जमा कताकून ओजाःतो इदा।

1 तिमुतियूस 4:16

आम सवासिती दोहोन घड़ीनमे जियाः अरू होड़कूम चेड। नान इयाम एचेय दो आम अरू आमराः बड़राकू अयुमेता हँकुःआ होड़कू हों आम सुदाकू बनसाव जुवाःता।

1 कुरिंती 9:22

बिसवासरे अबड़ जीव होड़कू लगा ईंग हँननकू इयायिंग बड़ाँवनेना, जेमहा हँकू बिसवारेकू बड़ियाड़ जुवाः। ईंग जमा होड़कू लगा अँननकू इयायिंग बड़ाँवनेना, जेमहा ईंग अते तोनोंग इया ईसू मसी एचेरेकू बिसवासगे लगा हँकूके आँच पराः।

रूमी 10:1

दो ईंगरिकुःआ अजी बोपोहकूतिंग, ईंगरिकुःआ जइत सगा इसराएल होड़कू सडाः लगा मुरुक चहाः घड़ीनिंग अरजीतना।

रूमी 3:3

मनदो अदोम एहूदाकू भगवानराः कता मेरकू बिसवासगाड, दो आम ईंगमे कतावातना, “भगवान आँयगराः जबान इया मेरेय एचेगरा जा?”

एहुना 8:54

दो ईसू कतातेड, “ईंग इनिंगते मान मरजइतगुः दो हना कहिसाः ना लवे। ईंग अपांग ईंगे मान मरजइतता अरू हनाँय अपे कतावायता, अलेरीग भगवान, माःआन।

एहुना 5:41

“ईंग होड़कूराः मान मरजइत मेरिंग चहाःता।

लूका 24:47

होड़कू हनाँयराः ञावते एरुसलेमते बुँहड़ीवाडखन जमा जइत होड़कू एचेरेकू परसारगेता, होड़कू कसूर अते जीवकू कुदाता दो हँकूराः कसूर ईसूराः ञावते भगवान बराव एंडागोडताय, माःआन।

रूमी 12:21

दो अपे बेलूर नेवन इया अपेराः जीव अहापे सलाव ओवा, मनदो नपाय एचेकेडखन हना बेलूर नेवनकूनतेपे जीताव जुवाः।

रूमी 10:21

मनदो इसराएल होड़कू बदीरेय कतातेरा, “जमा बेला ईंग हँकू सुदा हेल-मेलगुः लगा सपड़ावतोयिंग दोहोना, मनदो हँकू ईंगराः कता मेरकू मनावगान, अरू केटेग जीव इयाकुःआ होड़कू होयायान।”

लूका 19:10

मनुवारीग बेटा, केड़ेत होड़कू ञामकू लगा अरू सडावकू लगा चउंदीसरेय वेगकिया।”

लूका 13:34

ईसू अरूय कताया, “ने एरुसलेमरिकुःआ होड़कू, अपे भगवानराः बड़रा कता होड़कूपे ञेड एंडाकूता अरू अपे एचेरे भगवान वारतेडकुःआ, हँकुःआ होड़कू दिरितेपे तेकेकूता। ईंग मुरुक तुरहा अपेरिकुःआ लइंकू, सिम अनँयग होनकूय बुरुमता हना इया बनसावकू लगायिंग चहाःआ। मनदो ईंग हना इयायिंग एचेय लगा अपेराः हिछा मेर दोहोगान।

एहुना 5:32

मनदो एटाः होड़ ईंग बदीरे हिदइते एमेयतना अरू ईंग सुसुदीतना ईंग बदीरे हाँयराः हिदइत सताय हवे।”