एहुना 5:23 - Korwa Bible

²³ नाःआते होड़कू अपातकू मान मरजइतता हनन इया बेटात होंकू मान मरजइतता। अरू बेटात मेरेय मान मरजइतगेयता हाँयग होड़, बेटाते वारकेरा हाँयग अपात हों मेरेय मान मरजइतगेयता।”

एहुना 5:23 Referans Kwoze

1 एहुना 2:23

भगवानरीग बेटाते आड-बेकारवायता हाँयग होड़ एचेरे अपात भगवान हों कोवाया अरू भगवानरीग बेटाते मनेवाता हाँय एचेरे अपात भगवान हों इदानिया।

लूका 10:16

हनते ईसू चेलाकू एचेरेय कताया, “अपेराः बड़राकू मनाःता हँकू ईंगराः बड़रा होंकू मनाःता अरू अपेराः बड़रा मेरकू मनाःता हँकू ईंगराः बड़रा मेरकू मनाःता। अरू ईंगकू आड-बेकारवाता हँकू ईंगे वारकेरा हाँयकू आड-बेकारवाता।”

2 एहुना 1:9

ईसू मसी चेडतिरिया हना सरवन बदलाकेडखन एटाः इयाय चेडकूता अरू सताय सरवन इया मेरेय सलाःता हाँयग होड़ भगवान सुदा अनसिनहारे दोहोनता। मनदो ईसू मसीराः सताय सरवन इयाय सलाःतना हाँयग होड़ भगवान अरू ईसू मसीरीग होड़े दोहोनता।

मती ओजाःतेरा भगवानराः नपाय सरवन 11:27

ईंगरीग अपांग भगवान ईंग एचेरे जमाकूने जिमाकेरा। सनातायते अपात अड़ाःकेडखन तोनोंगीग होड़ बेटात मेरेय सुदीयता, अरू बेटात अड़ाःकेडखन तोनोंगीग होड़ अपात मेरेय सुदीयता। भगवान सुसुदी लगा बेटात सुनावकूता, हँकुःआ होड़कू एकला भगवानकू सुदी अवेता।

इबरानी 1:6

अरू भगवान अनँयग मरंगीग बेटात चउंदीसरेय वारेय मेलाय कतायता, “ईंगरिकुःआ जमा सेरमो देसरिकुःआ बराहीलकू हाँयपे जाग।”

इपीसी 6:24

सतायरे अबूरीग परबू ईसू मसीकू दुलारगोड ञवनतना हँकुःआ होड़कूराः जीव सगर सइट भगवान मयावागोड ञवन।

2 पतरस 3:18

मनदो अबूरीग परबू अरू सडावदार ईसू मसी अपेय मयावागोड ञवन अरू हाँयराः कनहूनरेपे बडे इदीन। हाँय लगा नुँहू अते सगर सइट वरी मान मरजइत होनोयागोड ञवन। आमीन!

रूमी 8:9

भगवानराः बिरुवा अपे जीवरेय दोहोनता दो अपे कसूरराः लूर-नेवन इया मेरपे सलाःता, मनदो सुद बिरुवाराः ओंगोल इयापे सलाःता। अरू ईसू मसीराः बिरुवा अनँयग जीवरे कोवानेःआ हाँयग होड़, ईसूरीग होड़ ना लवे।

1 कुरिंती 10:31

मनदो ईंग कतायतना, अपे जोम सहे ञूय सहे तोनोंगाःपे एचे, हना जनामाते भगवानराः मान मरजइत होयाः लगापे एचेय।

रूमी 6:22

मनदो अपेराः कसूर जीव टुटीगयना अरू भगवानरिकुःआ बेगारी होड़कूपे बड़ाँवयना। नुँहू अपे सुद होड़कू बड़ाँवकियानखन ओरो टुटीगनेना हना जीवपे पवाःता।

एहुना 16:14

हाँय ईंग अतेय अयूमगेता हना कताकून अपे उदुःवाडखन ईंगे मान मरजइतता।

1 कुरिंती 6:19

अपे मेरपे सुसुदीतना जा, अपेराः देह सुद बिरुवाराः डेरा हवे। अरू हाँयग बिरुवा भगवान अगीतेःआ दहिन हवे अरू हाँय अपे जीवरेय दोहोनता। दो अपे अँननपेरिकुःआ ना लवे।

मती ओजाःतेरा भगवानराः नपाय सरवन 12:21

जेमहा जमा जइत होड़कू हाँय एचेरेकू असरागोड ञवन।

2 तिमुतियूस 1:12

हनालगा ईंग नाःआ जेहेलरे हों हाँय लगा कटसिया सहाव लगा मेरिंग गियुःतना। अरू ईंग इये एचेरेयिंग बिसवासकेरा हनायिंग सुसुदीयतना, अरू हनानाः दिन वरी ईंग एचेरेय जिमाकेरा हनानाः संभाड़गे जुकूर इदानिया माःआनिंग पनकियाबाःगोतेडा।

2 कुरिंती 13:14

परबू ईसू मसी अपेय मयावा अरू भगवान अपेय दुलार अरू सुद बिरुवाराः संगइती अपे जमाकू सुदा सगर सइट होनोयागोड ञवन। आमीन!

2 कुरिंती 5:19

भगवान चउंदीसरिकुःआ होड़कू ईसू मसीते अनँयग सुदाय हेल-मेलकूतना। हनालगा हाँय हँकूराः कसूर मेरेय ओंगोल दोहोगेतना। अरू हाँय हनानाः हेल-मेलराः सरवन अलेय जिमावारा।

2 कुरिंती 1:9

अलिंग ओंगोलबाःकातेरा, अलंग ओनोरोलंग बनसावनेना, माःआन। अलिंग अँननलिंग एचेरे कोवान, मनदो गोएगतो होड़कूय जियाव रेमकूता हाँयग भगवान एचेरेलिंग भरसा ञवन लगा नाःआ इया अलिंग जीवरे होनोयायना।

1 कुरिंती 1:3

अबूरीग अपांग भगवान अरू परबू ईसू मसी, अपेकिन मयावा लगा, अरू सलसतरेकिन दोहो ओवापे।

एहुना 14:1

ईसू अनँयग चेलाकू एचेरेय कतातेरा, “अपेराः इंदरी अहापे कुंभलावगे। भगवान एचेरेपे बिसवासगे अरू ईंग एचेरे होँपे बिसवासगोड ञवन।

मती ओजाःतेरा भगवानराः नपाय सरवन 10:37

अनँयग एंगात सहे अपात, ईंग अते बगराय दुलारगेयता हाँयग होड़, ईंग जुकूर कोवाया। अरू ईंग अते बगरा, बेटात सहे बिटीते दुलारता हाँयग होड़ हों ईंग जुकूर कोनोवाया।

2 कुरिंती 5:14

जे हों सकालाःले एचेयता हना अले मसीराः दुलारतेले एनेचेयता अरूले सुदीबाःगोडता, मसी जमाकू लगाय गोएगनेना, माःआन। हनालगा अबू जमाकू हाँय सुदाबू गोएगयना।

1 कुरिंती 16:22

तोनोंगीग परबू मेरेय अलार-दुलारगेय दो, हाँय सती-सरापतो इदानिया। ने अलेरीग परबू, वेनेगबाःकनमे।

रूमी 15:12

अरू एटाःरे एसयाह ओजाःकेरा, “एसेरीग नइड़-बाँस अते मी होड़ जनमावगुःता, हाँय बेगर एहूदाकूरीग राजाय बड़ाँःता, अरू हँकू हाँय एचेरेकू असराता।”

रूमी 1:7

रूमी सहररे भगवान दुलारकूता अरू अनँयगरिकुःआ सुद होड़कू होयाः लगाय एटाःकेडकुःआ हँकुःआ जमा बिसवासी होड़कू लगा नाःआ चिठीयिंग ओजाःगेतना। अबूरीग अपांग भगवान अरू परबू ईसू मसी, अपेकिन मयावा लगा, अरू सलसतरेकिन दोहो ओवापे।

एहुना 17:10

ईंग सुदा इदानकुःआ, हँकुःआ बिसवासी होड़कू अनमरिकुःआ हवे अरू आम हँकू ईंगमे जिमावारा। अरू हँकूराः जीवते इनिंगकू मान मरजइतकेरा।

मती ओजाःतेरा भगवानराः नपाय सरवन 28:19

हनालगा अपे जमा जइत होड़कू एचेरे सेनेकियानखन ईंगरिकुःआ चेलाकूपे बड़ाँव अरू हँकू अपात अरू बेटात अरू सुद बिरुवाराः ञावते बतिसमापे एमेवाकू।

2 पतरस 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू मूक चेला सिमोन पतरस, ईंग नाःआ चिठीयिंग ओजाःगेतना। अबूरीग भगवान अरू सडावदार ईसू मसी, अबू बेगर गारबार होड़कूय बड़ाँवकेड अते, अले पवावकिया हनानाः मुरुक किमइताः बिसवासकू पवावकिया अपे लगा नाःआ चिठीयिंग ओओजाःतना।

मती ओजाःतेरा भगवानराः नपाय सरवन 15:8

नँकुःआ होड़कू अँननकूराः आहते ईंगकू मान-मरजइतता, मनदो नँकूराः ओंगोल ईंग अते एनेटाः अगी दोहोनता।