एहुना 5:19 - Korwa Bible

¹⁹ दो ईसू हँकू एचेरेय कतातेरा, “अपे ईंगपे अयूम! बेटात अनँयग आँयते तोनोंगाः ओरोय एचे अवेतेरा। मनदो हाँय अपात एचेतेय ञेलता हनानाः एकला हाँय एचेयता। अपात एचेयता, हनन इया बेटात होंय एचेयता।

एहुना 5:19 Referans Kwoze

एहुना 12:49

ईंग इनिंग ओंगोलते मेरिंग कतागरा, मनदो ईंग चिला कता इदा अरू करा इयायिंग कताय, हना ईंगे वारकेरा हाँयग ईंग अपांग, ईंगे हुकुमवारा।

एहुना 8:28

हनते ईसू कतातेड, “अपे मनुवारीग बेटात कुरूसरेपे देगगेय दो अपे सुदीगोडता हनाँय इनिंग हवे, माःआन अरू ईंग इनिंगते तोनोंगाः मेरिंग एचेयता। मनदो ईंगरीग अपांग भगवान चेडगींगता हनानाःयिंग कता उदुःता।

एहुना 14:10

आम मेरेम बिसवासगेतना जा, ईंग अपांग सुदा मिनी इदानिंगा अरू अपांग ईंग सुदा हों मिनी इदानिया, माःआन? ईंग कतायता हना कता ईंग, ईंगराः ओंगोलते मेरिंग कतायतना, मनदो अपांग ईंगराः जीवरेय दोहोनता अरू आँयगराः बुता ईंगतेय एचेयता।

एहुना 10:18

तोनोंगीग ईंगराः जीव ईंग अते ओरोय गोः अवेतेरा, मनदो ईंग इनिंग ओंगोलतेयिंग एमेगोडता। ईंगराः जीव एएमे लगा अरू अरूयिंग गोः कुदाय लगा हों हातपात इदा। नाःआ हुकुम ईंग अपांग भगवान अगीतेयिंग पवावकिया।”

रूमी 8:11

भगवानराः बिरुवा, ईसू मसी गोएगतो होड़कू अतेय जियाव रेमकिरिया। अरू हनाँयग सुद बिरुवा अपे जीवरे होंय दोहोनता। भगवान ईसू मसी गोएगतो होड़कू अतेय जियाव रेमकिरिया। हनन इया हाँय हनाँयग सुद बिरुवाते अपेराः गुजुः इयाःआ देहकूने जियाव रेमता।

एहुना 9:4

रइत सुदुरुःतना, अरू हनमेला तोनोंगाः बुता ओरोबू एचे अवेतेरा। हनालगा ईंगे वारकेरा हाँयराः बुता दिनीने दिनरे एएचे लगा इदा।

लूका 21:15

हननमेला अपे हँकू सुदा बड़रा लगा कनहूनिंग एमेवापेता। अपेराः हना बड़रा अयूमकेडखन अपेरिकुःआ मुदइ होड़कू ओरोकू हरुवाव अवेतेडपेःआ अरू ओरोकू घंटाव अवेतेडपेःआ।

एहुना 5:21

अपात गोएगतो होड़कूय जियाव रेमा, हनन इया बेटात हों हाँय चहाःता हँकुःआ होड़कू जीवे एमेवाकूता।”

2 कुरिंती 5:10

अरू ईसू मसी अबू जमाकूय फड़ियावता। हना दिन अबू नाःआ देहरे दोहोन मेलाबू एचेकेरा हना नपाय सहे बेलूर बुताकूनराः इमान पवाः लगा हाँयराः गदी मड़ंगरे अबू जमाकू चड़ाँन पराःता।

एहुना 3:3

दो ईसू हाँय एचेरेय कता कुदातेरा, “आम ईंगमे अयूम, तोनोंगीग होड़ अरू मी तुरहा, मेरेय जनमाः दो हाँय भगवानराः राइजरे ओरोय मेसा अवेनेना।”

उदुःतो कताकून 2:23

ईंग हाँयरिकुःआ लइंकूयिंग ञेड एंडाकूता। हना अते जमा कलसियारिकुःआ होड़कू ईंग बदीरेकू सुदीयता, जमा होड़कूराः इंदरी अरू ओंगोल जासीग हनाँय हवे अरू अबू जमा होड़कू अँननबूराः बुता इयाय एमे कुदावाबूता, माःआन।

1 पतरस 3:18

भगवानराः ओंगोलरे अबू बेगर गारबार होड़कूय बड़ाँवबू लगा, बेगर गारबारीग इनीसू मसी मिनी जूदा अबू जमा कसूर होड़कू लगा, कटसिया सहावतेडखने गोएगनेना। हाँय देनेह देहरेय गोएगनेना मनदो भगवान हाँयराः बिरुवाय जियाव रेमगोतेडा।

कुलूसी 1:16

जमालेःआ हनाँयते भगवान तुलाकेरा, सेरमो देसरे अरू ओतरे इदा हना जमाकून, अरू होड़कू ञेल अवेयता अरू मेरकू ञेल अवेयता जमा बरानकुःआ जंगरदारकू अरू हातपातदारकू सेरमो देसरिकुःआ बराहीलकू अरू जमा बरानकुःआ भूतकू, नाःआ जमालेःआ हनाँयते अरू हनाँय लगा भगवान तुलाकेरा।

पिलिपी 4:13

ईसू मसी ईंगराः जीवे बड़ियाड़गेतान अते ईंग जमालेःआयिंग एचे अवेयता।

पिलिपी 3:21

दो ईसू मसी कुदा वेग मेला अबूराः अबड़ अरू गुजुः इयाःआ देह बदलाकेडखन आँयगराः देह इयाय अगम नपाये तुलागोडता। हाँयके जमा जिया-जउतकून एचेरे हातपात इदा अरू हाँय अनँयग जंगरते अबूराः देहे बदलावगोडता।

इपीसी 3:16

भगवान एचेरे अगम नपाय मरंग धन इदा। अरू हाँय हना धन अते सुद बिरुवाते अपेराः इंदरीरे अनँयगराः जंगर एमेकेडखन अपेराः जीवे बनड़ियाड़ ञवन लगायिंग अरजीतना।

इपीसी 2:5

हनते हों हाँय अबू मुरुके दुलारकेडबुःआ अरू ईसू मसी सुदा नँवा जीव एमेकेडखने जियावकेडबुःआ, अरू आँयगराः मनायाते अपेय सडावकेरा।

2 कुरिंती 4:14

अले सुसुदीता परबू ईसू गोएगतो अतेय जियाव रेमतिरिया हनाँयग भगवान अले हों ईसू सुदाय जियाव रेमलेता अरू अनँयग लगा अनँयग मड़ंगरे अपे सुदाय एचे चड़ाँलेता।

1 कुरिंती 15:12

भगवान ईसू मसीय जियाव रेमकेरा माःआनले परसारतेरा अरू हनानाः सरवनपे बिसवासकेरा। दो अपे अते तोनोंग तोनोंग होड़कू करा इयाकू कता अवेयता, गोएगतो होड़कू मेरकू जियाव रिमुःता, माःआन?

रूमी 6:4

अबू बतिसमाबू गोःतेड मेला हाँय सुदाबू गोएगनेना दो अबू हों हाँय सुदा तीलतो इया इदानबुःआ। अरू अपांग भगवान ईसू मसी गोएगतो होड़कू अते अनँयगराः अगामाः जंगरतेय जियाव रेमकिरिया, हनन इया अबू हों नँवा जीवबू जियाव अवेनता।

मूक चेलाकू 2:24

मनदो हाँय गुनुजुः गुजुःराः आड़रे ओनोरोय दोहो अवेनेना। हनालगा भगवान हाँय गुजुः अते सडावतिरिगखने जियाव रेमकिरिया।

एहुना 2:19

दो ईसू कतातेड, “भगवानराः ओड़ाःपे एचे रूबगोड दो ईंग पेनेय दिनरे अरूयिंग तुलागोडता।”

1 तिसलूनिका 4:14

अबू बिसवासगेतना ईसू मसी गोएगनेना अरू हाँय जियाव रेमकियाय। दो हनन इया गोएगनेनाकू हँकुःआ बिसवासी होड़कू हों ईसू कुदा वेगता हनमेला भगवान हाँय सुदाय अगू दरवाकूता।

कुलूसी 1:11

अपे भगवानराः अगामाः जंगरते, अपेराः जीव जमालेःआते बड़ियाड़कियानखन बहालगुः घड़ीन जमा बरानाः कटसियापे सहाव अवेय।

मती ओजाःतेरा भगवानराः नपाय सरवन 26:39

हनते हाँय गुनमिन तोरेय सेनेडा अरू ओतरे तबेरनेनखन भगवान एचेरेय अरजीःआ, “ने अपांग, होया अवेन दो, नाःआ कटसियाराः दूर ईंग अतेम चलाःगोड। नान दो ईंगराः हिछा इया कोवान, मनदो अनमराः हिछा इया होयाः।”

एहुना 6:38

हनालगा अपांग भगवान ईंग एचेरेय जिमाःकेडकुःआ हँकुःआ होड़कू ईंग एचेरेकू वेगता अरू हँकू तोनोंग बेला मेरिंग कुदाकूता।

एहुना 12:50

ईंग कता उदुःगे लगा इदा हना सरवन ईंग एचेरे अपांग कताकेरा अरू हनन इया ईंग कता उदुःगेता। हनालगा ईंग सुदीयतना हाँयराः हुकुमकून ओरो टुटीगनेना हना जीव अगी गोःकूता।”