एहुना 3:6 - Korwa Bible

⁶ चउंदीसरे मी होड़ अनँयग एंगात अपाततेय जनमाःता मनदो भगवानराः सुद बिरुवातेय जनमाःता हाँयग होड़ भगवानरीग होड़े बड़ाँःता।

एहुना 3:6 Referans Kwoze

2 कुरिंती 5:17

तोनोंगीग मसी सुदाय मिनीयान दो हाँयराः जीव नँवायना। हाँयराः जुना जीव टुटीगयना अरू जमालेःआतेय नँवायना।

1 एहुना 3:9

भगवानराः लूर नेवन आँयगरिकुःआ लइंकू एचेरे दोहोनता। हनन लगा हँकू मेरकू कसूरगोड ञवनता। हँकू भगवान अगीतेकू जनमावकिया। हनन लगा हँकू ओरोकू कसूरगोड ञवननेना।

1 कुरिंती 6:17

मनदो परबू सुदाय जुटाःता हाँयग होड़राः बिरुवा, परबूराः बिरुवा सुदा मिनी जुवाःता।

रूमी 7:18

ईंग जीवरे तोनोंगाः नपाय कोवानेःआ अरू ईंगराः लूर-नेवन बेनेलूरयना। दो हना अते ईंग नपाय एएचे लगायिंग चहाःतना, हना ओनोरिंग एचे अवेतेरा।

रूमी 8:13

अपे हनन इयापे सलाः दो गोएग एंडा जुवाःतापे। मनदो अपे सुद बिरुवाराः जंगरते कसूर लूर-नेवनाः ओंगोलकूनपे अड़ाः एंडागोड दो, अपे जिनियावगोड ञवनता।

इपीसी 2:3

मड़ंगरे नाःआ इयाःआ बेलूर ओंगोलरे अबूराः लूर-नेवन हों दोहोना। अबूराः ओंगोल अरू देहराः हिछा इयाबू एचेगोड ञवना, अरू अबू हों हँकुःआ होड़कू इया भगवानराः डंड पवाः जुकूरबू दोहोना।

कुलूसी 2:11

अपे मसी सुदापे मिनीयना, दो हाँय अपेराः बेनेलूराः नेवन चलाः एंडाकेडखने खतनाकेडपेःआ। नाःआ तोनोंगीग होड़ मेरकू एचेगरा, मनदो मनासी हमा एचेकेरा।

गलातिया 5:24

ईसू मसीरिकुःआ होड़कू अँननकूराः बेलूर ओंगोलकून अरू ललचीराः कसूर लूर-नेवन, कुरूसरेकू ठोंकावतेडखनकू अड़ाः एंडागोतेडा।

एहुना 1:13

हँकुःआ होड़कू, होड़कूराः नइड़-बाँसते सहे अइमी मरद जुमाः अते सहे तोनोंगीग होड़राः ओंगोल इया मेरकू जनमाःता, मनदो भनगवानराः ओंगोल इयाकू जनमाःता।

रूमी 7:5

मड़ंगरे अबू कसूर लूर-नेवनतेबू जियाःआ। नियम अहाबू एचे लगा उदुःवाबुःआ, हनानाः एचेगोड ञवन लगाबू चहाःआ। नाःआ अते अबू अरू बगराबू कसूरतेडखन गुजुःबू पवाःता।

रूमी 7:25

हाव, अबूरीग परबू ईसू मसीते भगवान ईंगे सडावकिडिंगा। हनालगा ईंग भगवानिंग जागगेयता। दो ईंग इनिंगराः ओंगोलते भगवानराः नियम इया सलाः लगायिंग ओंगलेतना, मनदो ईंग बेलूर नेवन इयायिंग कनासूरगोड ञवनतना।

एहुना 3:7

आम बार तुरहा जनमागुः लगायिंग कतायतना दो आम अहम बयाः।