एहुना 3:36 - Korwa Bible

³⁶ बेटात एचेरेय बिसवासगेता हाँयग होड़ ओरो टुटीगनेना हना जीवे पवाःता। मनदो बेटाते आड-बेकारवाता हाँय, ओरो टुटीगनेना हना जीव ओरोय पवावनेना अरू भगवान हाँय सुदा मुरुक रीसतोय दोहोनता।”

एहुना 3:36 Referans Kwoze

एहुना 5:24

“अपे ईंगपे अयूम! ईंगराः सरवने अयूमता अरू ईंगे वारकेरा हाँय एचेरेय बिसवासगेता हाँयग होड़, ओरो टुटीगनेना हना जीवे पवाःता अरू भगवान हाँय ओरोय डंडियावतिरिया। मनदो हाँय गुजुः अते जीव अगीय बोलोयना।

एहुना 1:12

मनदो हाँय एचेरेकू बिसवासकेरा, हँकुःआ जमा होड़कू भगवानरिकुःआ लइंकू होयाः लगा हातपाते एमेवाडकुःआ।

1 तिसलूनिका 5:9

भगवान अबू डंडियावबू लगा मेरेय सुनावगडबुःआ, मनदो अबू लगाय गोएगनेना अबूरीग परबू ईसू मसीते अबू सडावबू लगा भगवान सुनावकेडबुःआ,

इपीसी 5:6

तोनोंगीग होड़ अँकूराः लबरा चेडतोते अलोकू अडिग अवेपे। बेलूर बुता एचेकेडखन भगवानराः कता मेरकू मनाःता हँकुःआ होड़कू एचेरे भगवान रीस रंजाव जुवाःताय।

रूमी 5:9

ईसू मसी अबू लगा बलिदाननेनखन बलंगीय तूतेरा। हनाते अबू भगवानराः ओंगोलरे बेगर गारबार होड़कूबू बड़ाँवयना, दो अबू भगवानराः डंडियावते हों बननसाव जुवाःताबू।

एहुना 8:51

अपे ईंगपे अयूम! तोनोंगीग होड़ ईंगराः कता इयाय सलाः, हाँय कहियो ओरोय गोएगनेना।”

एहुना 10:28

ईंग हँकू लगा ओरो टुटीगनेना हना जीविंग एमेवाकूता। हँकू कहियो ओरोकू लायनेना अरू तोनोंगीग हँकू ईंग तिःई अते ओरोकू गोः अवेतेडकुःआ।

एहुना 3:3

दो ईसू हाँय एचेरेय कता कुदातेरा, “आम ईंगमे अयूम, तोनोंगीग होड़ अरू मी तुरहा, मेरेय जनमाः दो हाँय भगवानराः राइजरे ओरोय मेसा अवेनेना।”

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”

1 तिसलूनिका 1:10

अरू गोएगतो अते भगवान जियाव रेमकिडिया आँयगरीग बेटात भगवानराः दरवाःआ हना डंडियाव अतेय सडावबूता हनाँयग ईसू सेरमो देस अतेय कुदा वेगता, हाँयकू टकागोड ञवनतना, माःआन।

गलातिया 3:10

भगवानराः कागदरे नाःआ इया ओजाःतो इदा; “जनामा नियमकून मेरकू मनाःता, हँकुःआ होड़कूराः जीव सती-सरापतो इदा।” हनालगा तोनोंगीग होड़ ओंगलेता, ईंग नियमिंग मनाः दो भगवान ईंग लगाय ननाय जुवाःता। हनते हों हाँय सती-सरापतो इदानिया।

रूमी 8:1

भगवान अबू सडावकेडबूखन ईसू मसी सुदाय मिनीगोतेडबुःआ, दो भगवान अबू ओरोय डंडियावतेडबुःआ। [अबू होड़कूराः ओंगोल इया कोवान, मनदो सुद बिरुवाराः ओंगोल इयाबू सलाःता।]

लूका 3:6

अरू जमा होड़कू ञेलतकू भगवान होड़कू करा इयाय सडावकूता, हना।

इबरानी 10:29

दो अँननपे ओंगले, भगवानरीग बेटाय आड-बेकारवाता अरू मयावाबूता हाँयग सुद बिरुवाय बेग-हतावाता अरू होड़कू सुदगेता हना कता-जमकावतोराः बलंगी सदाःआ इदा माःआने ओंगलेता, हाँयग होड़ भगवान तुमिन बगराय डंडियावगेयता।

इबरानी 2:3

भगवान अबूय सडावता हना मुनुरुक मरंग सरवनबू आड-बेकारवा दो, करा इयाबू बनसाव अवेनता? नाःआ सडावराः सरवन मड़ंगरे परबू ईसू कतातेरा, अरू हाँय अतेकू अयूमतेरा हँकुःआ होड़कू हना सरवन सताय हवे माःआनकू पनकियाबाःगोतेरा।

रूमी 4:15

होड़कू भगवानराः नियमकून जमालेःआ मेरकू मनाव अवेनतान अते भगवान डंडियावकूताय। मनदो नियमकून मेर दोहोन दो नियमकून टड़ावराः कता करा इया दोहोकुःआ?

लूका 2:30

आम वारकिरिया हाँयग सडावदार नुँहू इनिंग ईंग ञेलगोतेडिया।

मती ओजाःतेरा भगवानराः नपाय सरवन 25:46

दो नँकुःआ होड़कू ओरो टुटीगनेना हना कटसियाकू पवाःता। मनदो बेगर गारबार होड़कू ओरो टुटीगनेना हना जीवकू पनावाःता।”

मरकूस 16:16

नाःआ सरवनकू बिसवासकेडखन बतिसमाकू गोःता, हँननकुःआ होड़कू भगवान सडावकूता। मनदो मेरकू बिससवासगेता, हँकुःआ होड़कू भगवान डंडियाकूताय।

एहुना 4:36

इईरीग होड़ बुतातना अरू हनाराः मंजूरीय गोःगोतना अरू ओरो टुटीगनेना हना जीव लगाय बटुड़ाव अदेरगेतना। नाःआते वेवेरीग होड़ इईर होड़ सुदा बना होड़किन बहाल जुवाःता।

एहुना 6:58

नाःआ रुटी सेरमो देस अते उतरावकिया हना रुटी हवे। अपेरिकुःआ खुटिपरिया होड़कू मनाहकू जोमा, हनारे होंकू गोएगयना, मनदो नाःआ रुटीय जोमता हाँयग होड़ सगर सइट जूग वरी जीयते दोहोनता।”

मूक चेलाकू 14:2

मनदो ईसू एचेरे मेरकू बिसवासगाड हँकुःआ एहूदाकू, बेगर एहूदाकू एचेरे बिसवासी होड़कू बदीरे बेलूर बेलूर कतावाडकूखनकू एचे रीसवाकुःआ।

इबरानी 3:18

अरू भगवान आँयगराः हुकुम मेरकू मनावगान हँकुःआ होड़कू सुदा किरियाय जोमतेरा, ईंग लोड़ोन लगायिंग एमेवाकूता हंडा कहियो ओरोपे बोलो अवेनेना, माःआन।

इबरानी 3:19

दो अबू ञेलता हँकू हाँय एचेरे मेरकू बिसवासगाड अते हंडा मेनेरकू बोलो अवेगान।