एहुना 3:27 - Korwa Bible

²⁷ दो एहुना कतातेरा, “भगवान सेरमो देसते तोनोंगीग एचेरे मेरेय एमेवा, हना वरी हाँय तोनोंगाः ओरोय पवावनेना।

एहुना 3:27 Referans Kwoze

एकूब 1:17

जमा इयाःआ नपाय अरू उडु-बुडूत दहिनकून भगवान अगीतेबू पवाःता। जमा इयाःआ मरसले तुलाकेरा हाँयग भगवान अबू लगा नाःआ दहिनकूने एमेयता। भगवान सगर सइट मिनी इयाय दोहोनता अरू उंबूल लंबी पुडनता हनन इया हाँय एचेरे तोनोंगाः बदला कोवानेःआ।

1 कुरिंती 4:7

अपे एटाः होड़कू अते मइद इदानपेःआ जा? भगवान एमेकेरा हना अड़ाःकेडखन अरू अपे एचेरे चिला इदा? अरू अपे भगवान अगीतेपे पवावकिया दो, अले दहिनकून मेरले पवावगना, माःआन चिला लगापे बड़वारतना?

1 कुरिंती 15:10

मनदो भगवान ईंगे मयावारा। हनालगा नुँहू ईंग इदानिंगा हनानाःयिंग बड़ाँवनेना। अरू हाँय ईंगे मयावारा हना ईंग जीवरे सदाःआ मेर होयागना। हनते हों ईंग ईसूरिकुःआ एटाः मूक चेलाकू अते मुरुक बगरा मिहनइत घड़ीनिंग बुतातना। मनदो नाःआ बुता ईंग इनिंगराः जंगरते मेरिंग बुतातना। भगवान ईंगे मयावारा अरू हनानाः मया ईंग बुनुतागोड ञवन लगा संघरा एमेता।

मती ओजाःतेरा भगवानराः नपाय सरवन 25:15

हाँय मेमेड होड़ एचेरे हँकू एचे अवेयता हनामिने एमेवातेडकुःआ। मी होड़ एचेरे पाँचटोंग सोनाराः रिचकी ढिबुवा, अरू मी होड़ एचेरे बारटोंग सोनाराः रिचकी ढिबुवा अरू एटाः मी होड़ एचेरे मीटोंग सोनाराः रिचकी ढिबुवाय एमेवातेडकुःआ। हनते हाँय लंका देस तोराय।

1 तिमुतियूस 2:7

ईंग सनातायिंग ककतातना, मेरिंग लबरातना, नपाय सरवन जमा होड़कू एचेरे परसारगे लगा अरू ईसूरीग मूक चेला होयाः लगा भगवान सुनावकिडिंगखन बेगर एहूदाकू एचेरे भगवानराः सताय अरू बिसवासगेःआ सरवन चेड लगा ईंगे जिमावारा।

मती ओजाःतेरा भगवानराः नपाय सरवन 21:25

एहुना बतिसमा एमेवाकू लगा इये हातपाते ओवातिरिया, भगवान जा मनुवाकू?” दो हँकू अँननकू अँकू कता होड़ेंगा, “नाःआ हातपात एहुना सेरमो देस अगीतेय पवावकिया, माःआनबू कताय दो, हाँय एचेरे चिला लगा मेरपे बिसवासगाड, माःआने कतावाबूता।

रूमी 12:6

भगवान अबूय मयावाडबूखन एटाः एटाः दहिने एमेवाडबुःआ। तोनोंगीग भगवानराः बड़रा कतायीग होड़ हवे दो हाँय भगवान एमेतेरा हना बिसवास इयाय कताय।

मरकूस 13:34

ईंगराः कुदा वेग नाःआ इया होयाःता। तोनोंगीग होड़ आँयग ओड़ाः अटूवाडखने सेनता दो, हाँय सेन मेला आँयगरिकुःआ सेवकिया होड़कू हना ओड़ाः ञेल हड़ाःगे लगाय जिमा अटूता अरू मेमेडटोंग बुता मेनेमेड होड़कू लगाय एमेतेरा। ओड़ाःरीग अगुरादार होड़ एचेरे ओड़ाः अगुरा लगाय कता जिमाकेरा।

इपीसी 1:1

ने अजी बोपोहकूतिंग, ईंग पउलूस, भगवानराः हिछाते ईसू मसीरीग मूक चेला हवे। इपीसी सहररे ईसू मसी एचेरे बिसवासगे इयाकू दोहोनता भगवानरिकुःआ सुद होड़कू, अपे लगा नाःआ चिठीयिंग ओओजाःतना।

गलातिया 1:1

ने अजी बोपोहकूतिंग, होड़कू अगीते सहे मनुवाकूराः ओंगोलते कोवान, मनदो ईसू मसीते अरू गोएगतो अते ईसूय जियाव रेमकिरिया हाँयग अपांग भगवान, हँकिनराः हिछाते मूक चेला बड़ाँवतो ईंग पउलूस,

1 कुरिंती 12:11

सुद बिरुवा मिनीटोंग इदा अरू नाःआ जमा दहिनकून हनाँयग सुद बिरुवा एमेवाकूता। मनदो हाँयग सुद बिरुवा तोनोंगीग एमेवा लगाय चहाःता, हनाँयग होड़ लगा दहिनकूने एनेमेगोडता।

1 कुरिंती 3:5

दो अपोलोस इये हवे? अरू पउलूस इये हवे? अलिंग दो हाँयरिकिनाः सेवकियाकिन एकला हवे अरू अपे अलिंगते परबू एचेरेपे बिसवासकेरा। मेमेड होड़ लगा भगवान जिमावाडलेःआ, हनानाः बुता एकलाले बुता ञवनतना।

रूमी 1:5

जमा जइत होड़कू ईसू मसी मनेवाडिगखन बिसवास अवे लगा, भगवान हाँयते अले मयावाडखन मूक चेलाकूय बड़ाँवकेडलेःआ।

1 कुरिंती 1:1

ने अजी बोपोहकूतिंग, ईंग पउलूस, अबूरीग बिसवास बोहोबू सोसतिनूस सुदा, नाःआ चिठीयिंग ओजाःतना। भगवान आँयगराः ओंगोल इया ईसू मसीरीग मूक चेला बड़ाँः लगाय सुनावकिरिंगा।

एहुना 6:65

दो ईसू अरूय कताया, “ननानाः लगा ईंग अपे एचेरेयिंग कतातेरा, अपांग मेरेय मयावाय दो तोनोंगीग होड़ ईंग एचेरे ओरोय वेग अवेनेना।”

एहुना 10:41

मुरुक होड़कू हाँय एचेरेकू सेनेडा अरू हँकू कताया, “एहुना तोनोंगाः बयाव जुवाः इयाःआ बुता मेरेय उदुःगाड। मनदो एहुना नाँयग होड़ बदीरेय कतातेरा, हना जमा कताकून सनाताय दोहोना।”