एहुना 3:18 - Korwa Bible

¹⁸ हाँय एचेरेकू बिसवासगेता हँकुःआ होड़कू डंड मेरकू पवाःता, मनदो हाँय एचेरे मेरकू बिसवासगेता हँकुःआ होड़कू डंडकू पवाःता। हँकुःआ होड़कू भगवानरीग मिनी होड़ बेटात एचेरे मेरकू बिसवासगाड। हनालगा हँकुःआ होड़कू डंडियावकू लगा भगवान एटाःकेडकुःआ।

एहुना 3:18 Referans Kwoze

1 एहुना 5:10

भगवानरीग बेटात एचेरेय बिसवासगेतना हाँयग होड़ अनँयग जीवरेय सुनुदीयतना भगवानराः हिदइत सताय हवे माःआन। भगवानराः कता मेरेय मनाःता हाँयग होड़ ओंगलेता, भगवान लबरातना, माःआन अरू भगवान आँयग बेटात बदीरेय कताकेरा हना कता हँकू मेरकू बिसवासगेतना।

मरकूस 16:16

नाःआ सरवनकू बिसवासकेडखन बतिसमाकू गोःता, हँननकुःआ होड़कू भगवान सडावकूता। मनदो मेरकू बिससवासगेता, हँकुःआ होड़कू भगवान डंडियाकूताय।

रूमी 8:1

भगवान अबू सडावकेडबूखन ईसू मसी सुदाय मिनीगोतेडबुःआ, दो भगवान अबू ओरोय डंडियावतेडबुःआ। [अबू होड़कूराः ओंगोल इया कोवान, मनदो सुद बिरुवाराः ओंगोल इयाबू सलाःता।]

एहुना 5:24

“अपे ईंगपे अयूम! ईंगराः सरवने अयूमता अरू ईंगे वारकेरा हाँय एचेरेय बिसवासगेता हाँयग होड़, ओरो टुटीगनेना हना जीवे पवाःता अरू भगवान हाँय ओरोय डंडियावतिरिया। मनदो हाँय गुजुः अते जीव अगीय बोलोयना।

1 एहुना 5:12

हाँयरीग बेटात सुदा इदानिया हाँयग होड़ एचेरे ओरो टुटीगनेना हना जीव इदा। अरू भगवानरीग बेटात सुदा कोवाया हाँयग होड़ एचेरे ओरो टुटीगनेना हना जीव हों कोवानेःआ।

एहुना 3:36

बेटात एचेरेय बिसवासगेता हाँयग होड़ ओरो टुटीगनेना हना जीवे पवाःता। मनदो बेटाते आड-बेकारवाता हाँय, ओरो टुटीगनेना हना जीव ओरोय पवावनेना अरू भगवान हाँय सुदा मुरुक रीसतोय दोहोनता।”

रूमी 5:1

अबू बिसवासकेडखन बेगर गारबार होड़कूबू बड़ाँवयना दो नुँहू अबूरीग परबू ईसू मसीते भगवान सुदा हेल-मेलरेबू दोहो अवेनता।

1 एहुना 4:9

भगवान नाःआ इया अबूय दुलारकेरा। भगवान अनँयगरीग मिनी होड़ बेटात ईसू नाःआ चउंदीसरेय वारतिरिया, जेमहा अबू हाँयतेबू जियाव अवेन।

रूमी 8:34

अरू इये अबूय डंडियाव अवेबूता? ईसू मसी अबू लगाय गोएगनेना अरू गोएगतो अतेय जियाव रेमकिया, हनाँयग भगवानराः खउना तिःई गतररे मान मरजइत सुदा दुडुःकियानखन अबू लगा असे घड़ीने अरजीतना। हनालगा तोनोंगीग अबू ओरोय डंडियाव अवेतेडबुःआ।

एहुना 20:31

मनदो ईसू, भगवानरीग बेटात, मसी हवे माःआन अपे बिसवासगोड ञवन घड़ीन हाँयराः ञावते जीवपे पवाः लगा नाःआ जमा कताकून ओजाःतो इदा।

एहुना 6:47

अपे ईंगपे अयूम! बिसवासगेताय हाँयग होड़, ओरो टुटीगनेना हना जीवे पवाःता।

एहुना 6:40

ईंगरीग अपांगराः ओंगोल नाःआ हवे। बेटातकू ञेलता अरू हाँय एचेरेकू बिसवासगेता, हँकुःआ होड़कू ओरो टुटीगनेना हना जीवकू पवाःता अरू हँकू ईंग टुटीगगुःराः दिनरेयिंग जियाव रेमकूता।”

एहुना 1:18

तोनोंगीग होड़ भगवान कहियो मेरकू ञेलगडिया, मनदो भनगवानरीग दुलारीग मिनीटोंग बेटात एकला, अबू एचेरे भगवाने एचे उदुःकेरा।

इबरानी 2:3

भगवान अबूय सडावता हना मुनुरुक मरंग सरवनबू आड-बेकारवा दो, करा इयाबू बनसाव अवेनता? नाःआ सडावराः सरवन मड़ंगरे परबू ईसू कतातेरा, अरू हाँय अतेकू अयूमतेरा हँकुःआ होड़कू हना सरवन सताय हवे माःआनकू पनकियाबाःगोतेरा।

इबरानी 12:25

भगवान अपेय कता उदुःवाता हना कता नपायपे अयूम ठुड़ावगे। चउंदीसरे होड़कूय सेतावतेरा हाँयगराः कता मेरकू मनावगान, हँकुःआ होड़कू मेनेरकू बनसावगान। दो सेरमो देस अते अबूय सेतावतना हाँयराः कता मेरबू अयूम ठुड़ावगे दो, अबू बनसाव अवेनता जा?

एहुना 1:12

मनदो हाँय एचेरेकू बिसवासकेरा, हँकुःआ जमा होड़कू भगवानरिकुःआ लइंकू होयाः लगा हातपाते एमेवाडकुःआ।

एहुना 3:16

“भगवान चउंदीसरिकुःआ होड़कू सुदा मुरुक दुलारकेडखन अनँयगरीग मिनीटोंग बेटाते एमेगोतेड, जेमहा हाँय एचेरेकू बिसवासगे हँकुःआ होड़कू अहाकू लायगुः, मनदो ओरो टुटीगनेना हना जीवकू पवाः।

इबरानी 3:19

दो अबू ञेलता हँकू हाँय एचेरे मेरकू बिसवासगाड अते हंडा मेनेरकू बोलो अवेगान।

1 एहुना 3:23

भगवानराः हुकुम ननानाः हवे। भगवानरीग बेटात ईसू मसी एचेरे अबू बिसवासगे लगा इदा। अरू ईसू मसी अबू एचेरेय हुकुमकेरा हनन इया एटाः होड़कू सुदा अलार-दुलारते दोहोन लगा इदा।