एहुना 3:12 - Korwa Bible

¹² चउंदीसरे होयाःता हना कताकून बदीरेयिंग कतायतना दो आम मेरेम बिसवासगेतना, दो सेरमो देसरे होयाःता हना कताकून बदीरे आम एचेरे करा उड़ीयिंग उदुःगे?

एहुना 3:12 Referans Kwoze

इबरानी 5:11

नाःआ कता बदीरे ककाता लगा मुरुक बड़राकून इदा। मनदो अपे ओहेन ओरोपे अयूम ठुड़ाव अवेतेरा। हनालगा अपे कता बुझावपे लगा मसकिल इदा।

एहुना 3:8

अयुमेमे! होय करा अगी सेन लगा इदा हना अगी सलाःता। आम हनाराः अरोम अयूमता मनदो मेरेम सुदीयता करा अगीते वेगता अरू करा अगी सलाःता। भगवानराः सुद बिरुवातेय जनमाःता, हाँयग होड़ हनन इयाय दोहोनता।”

एहुना 3:5

दो ईसू कतातेरा, “ईंगमे अयूम! तोनोंगीग होड़ भगवानराः राइजरीग होड़ बड़ाँः लगा इदान दो हाँय दाः अरू भगवानराः सुद बिरुवाते जनमावगुः लगा इदा।

1 एहुना 4:10

अबू भगवान मेरबू अलार-दुलारगरिया, मनदो भगवान अबूय अलार-दुलारकेरा अरू अबूराः कसूर बराव एंडाकेडखन एचे मनावगेय लगा अनँयग बेटात अबू लगाय डंडियावतिरिया। नाःआ अते भगवान अबूय दुलारकेरा।

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।

एहुना 3:3

दो ईसू हाँय एचेरेय कता कुदातेरा, “आम ईंगमे अयूम, तोनोंगीग होड़ अरू मी तुरहा, मेरेय जनमाः दो हाँय भगवानराः राइजरे ओरोय मेसा अवेनेना।”

एहुना 3:11

आम ईंगमे अयूम, अले सुदीयतना हनाले कतायतना अरू अले अयूमकेरा हनाले उदुःतना। मनदो अपे अलेराः कता मेरपे मनाःता।