एहुना 21:7 - Korwa Bible

⁷ दो ईसू मुरुके दुलारगेया हाँयग चेला, पतरस एचेरेय कतातेरा, “नाँय दो परबू हवे, माःआन।” हनमेला डेंड़लेय दोहोना हाँयग सिमोन पतरस नाःआ कताय अयूमतेरा दो, आँयगराः सेरमोराः सोनहे तुसिंगतेडखन दाःरेय डेगा बोलोयान।

एहुना 21:7 Referans Kwoze

एहुना 13:23

ईसू एटाः चेलाकू अते बगराय दुलारगेया हाँयग चेला ईसूराः कुड़ोम अगी तेंदारनेनखने दुड़ुःकुःआ।

एहुना 20:2

दो हाँय बतकाव सेनेडखन सिमोन पतरस अरू ईसू मुरुके दुलारगेया हाँयग चेला, हँकिन एचेरेय कता उदुःतेरा, “ने वगीयाकिन, तोनोंगीग परबू ईसूराः मुरदा हना लात अते उडुंगकेडखने गोःयडा अरू अले मेरले सुसुदीतना, हना करेय मंडावगोतेडा।”

एहुना 19:26

ईसू आँयग एंगात अरू आँयग दुलारगेया हाँयग चेला सुदा चड़ाँत ञेलतेडकिनखन एंगात एचेरेय कतातेरा, “ने अया, ञेलेयमे, ननाँय हवे आमरीग बेटा।”

2 कुरिंती 5:14

जे हों सकालाःले एचेयता हना अले मसीराः दुलारतेले एनेचेयता अरूले सुदीबाःगोडता, मसी जमाकू लगाय गोएगनेना, माःआन। हनालगा अबू जमाकू हाँय सुदाबू गोएगयना।

एहुना 21:24

नाःआ कताकून बदीरे हिदइते उदुःकेरा अरू नाःआ कताकूने ओजाःकेरा हाँयग चेला ननाँय हवे। अबू सुदीयतना हाँय ओजाःकेरा हना जमाकून सताय हवे।

एहुना 21:20

हनते पतरस उलटावनेनखने ञेला दो ईसू मुरुके दुलारगेया, हाँयग चेला आँयगराः तयोम तयोम वेगतोय ञेलतिरिया। (हनाँयग चेला मड़ंगरे बियाड़ी जोम मेला ईसूराः कुड़ोम अगी तेंदारनेनखने होंबरेःआ, ने परबू, इये आमे एचे साबमेता, माःआन।)

मूक चेलाकू 10:36

अपे नपायतेपे सुदीतना, जमाकूरीग परबू इदानिया हाँयग ईसू मसीते भगवान ननानाः सलसतराः नपाय सरवन एचे परसार उदुःतेडखन इसराएल होड़कू एचेरे हना सरवने वारगोतेडा।

मूक चेलाकू 2:36

दो जमा इसराएल होड़कू अपे नाःआ कता सुनुदीबाःकापे, अपे कुरूसरेपे एचे ठोंकाव गोएगतिरिया हनाँयग ईसू, भगवान मसी अरू परबूय बड़ाँवगोतेडिया।”

लूका 7:47

ईंग बड़राम अयूम, नाँयग अइमी मुरुके कसूरतेरा। मनदो नाँयराः जमा कसूरिंग बराव एंडागोतेडा। हनालगा नाँय ईंग मुरुके दुलारगिंगतना। मनदो हुडिंग कसूर बराव एंडात होड़ हुनुडिंगे दुलारगींगता।”

लूका 2:11

तिसिंग दाऊदराः सहर बेतलहेमरे, अपे लगा मी होड़ सडावदार जनमावकिया। अरू हनाँय हवे, परबू मसी।

मरकूस 11:3

तोनोंगीग अबा एचेरेय होंबरे, नाँयग गदहा चिला लगाबा लड़ा गोःयायतना, माःआन। दो कतायबा परबूके नाँयग गदहाराः जरूरइत इदा, माःआन। अरू हाँय ओहेन नंडाय वारगोडेयता।”

एकूब 2:1

ने अजी बोपोहकूतिंग, अबू मान मरजइत पवाःयीग परबू ईसू मसी एचेरे बिसवासगेतना दो, अबू करा उड़ी पाचपटी सुदाबू दोहो अवेन?

1 कुरिंती 15:47

भगवान मड़ंगीग मनुवा आदम हासतेय तुलातिडिया, मनदो एटाःयीग मनुवा, ईसू सेरमो देसरीग भगवान अगीतेय वेगनेना।

एहुना 20:28

दो तोमा कतातेड, “ने ईंगरीग परबू अरू भगवान।”

एहुना 20:20

नाःआ इया कतातेडखन हाँय आँयगराः तिःई अरू पंजर हँकूय उदुःवातेरा। दो हँकू ईसू सिनहातेडखन मुरुककू अहाल-बहालयान।

लूका 12:35

अपेराः मयांग बड़ियाड़पे कास दोहोका अरू अपेराः ढिबरी सलगावगोड ञवन।

एहुना 21:8

हना डोंगा समुंदर धरीराः लेसान अंदांजरे मी सव गाजरे दोहोना अरू एटाः चेलाकू डोंगारे हकूकू ओर ओरकू अगूतेडकुःआ।