एहुना 21:16 - Korwa Bible

¹⁶ ईसू हाँय एचेरे अरूय कतातेरा, “ने एहुनारीग बेटात सिमोन, आम ईंगमे दुलारगींगता जा?” दो सिमोन ईसू एचेरेय कतातेड, “हाव परबू, आम सुदीयतना ईंग आमिंग दुलारतना।” दो ईसू कतातेड, “ईंगरिकुःआ भेड़ाकू तिहा हड़ाःकूमे।”

एहुना 21:16 Referans Kwoze

मूक चेलाकू 20:28

हनालगा अपे अँननपेराः जीवपे अगुरागे अरू अपेराः आड़रे इदानकुःआ हँकुःआ होड़कू होँपे तिहाकू। भगवान अनँयग बेटातराः बलंगीतेय किजाकेडकुःआ भगवानराः कलसियारिकुःआ होड़कू नपाय अगुवा होड़कू इयापे तिहाकू।

1 पतरस 5:2

भगवान अपे एचेरेय जिमाःकेडकुःआ हँकुःआ होड़कू मी होड़ सरवाहा अनँयगरिकुःआ भेड़ाकूय तिहाकूता हनन इया नपायतेपे तिहा हड़ाःकू। तोनोंगीगराः रेनहाते सहे गियू जुवाः इयाःआ नफा पवाः लगा कोवान, मनदो अपे मिनी जीवते भगवान ननाय जुवाः लगा हाँयराः ओंगोल इया हँकूपे तिहागोड ञवन।

1 पतरस 2:25

मड़ंग अपे भेड़ाकू इया बेगर सरवाहातेपे दँड़ा हड़ाःआ, मनदो नुँहू अपे अपेरीग सरवाहा अरू तिहादार एचेरेपे कुदा वेगकिया।

इबरानी 13:20

दो सलसत एमेयीग भगवान, भेड़ाकूरीग मूक सरवाहा अबूरीग परबू ईसू, सगर सइट दोहोनता हना कता-जमकावतोराः बलंगीते गोएगतो अतेय जियाव रेमकिरिया।

एहुना 18:25

सिमोन पतरस चड़ाँकियानखन सेंगेले एलांगगुःआ दो मी होड़ हाँय एचेरेय होंबोरतेरा, “आम हों हाँयरिकुःआ चेलाकू अते मी होड़ हवे जा?” दो हाँय ईसू आड-बेकारवातिरिगखने कताया, “ईंग ना लवे।”

एहुना 18:17

दो दुवाररेय अगुराःआ हाँयग अइमी पतरसे होंबोरतेरा, “आम हों हाँयग होड़रीग चेलाकू अते मी होड़ ना लवे जा?” दो हाँय कता कुदातेरा, “ईंग ना लवे।”

लूका 19:10

मनुवारीग बेटा, केड़ेत होड़कू ञामकू लगा अरू सडावकू लगा चउंदीसरेय वेगकिया।”

मती ओजाःतेरा भगवानराः नपाय सरवन 26:72

हनते हाँयग पतरस अरू मी तुरहा किरिया कसट जोम घड़ीने आड-बेकारवातिरिया, “ईंग हाँयग होड़ मेरिंग सुदीयतना।”

मती ओजाःतेरा भगवानराः नपाय सरवन 25:32

जमा जइत होड़कू हाँय मड़ंगरेकू जुमाःता। हनते हाँय मी होड़ सरवाहा, मेरोमकू अते भेड़ाकूय हिगारकूता हनन इया होड़कूय हिगारता।

मती ओजाःतेरा भगवानराः नपाय सरवन 2:6

एहूदिया छतरराः बेतलहेम सहररिकुःआ होड़कू, अपे अते मी होड़ मनारंग राजाय बड़ाँःता, अरू हाँय ईंगरिकुःआ इसराएल होड़कूय अगुवाइवाकूता। हनालगा अपेराः सहर एहूदिया छतरराः एटाः सहरकून अते मरंगकू ओंगलेता।”

उदुःतो कताकून 7:17

गदीराः तलारे इदानिया हाँयग भेड़ा होन, हँकूरीग सरवाहाय दोहोनता। अरू जीव एमेता हना दाःराः सूती अगीय गोःयाकूता, अरू भगवान हँकूराः जमा मेड दाःए जोड अमिंगगेता।”

एहुना 21:17

दो ईसू पेय तुरहा हाँय एचेरेय कतातेड, “ने एहुनारीग बेटात सिमोन, आम ईंगमे दुलारगींगता जा?” ईसू हाँय एचेरे पेय तुरहाय होंबोरतेरा, आम ईंगमे दुलारगींगता जा, माःआन। हनालगा पतरसराः जीव मुरुक हुडिंगयान। अरू हाँय कतातेड, “परबू आम दो जमा बरानाःम सुदीयता अरू आम सुसुदीतना ईंग आमिंग दुलारतना।” दो ईसू कतातेड, “ईंगरिकुःआ भेड़ाकू सराव हड़ाःकूमे।