एहुना 20:2 - Korwa Bible

² दो हाँय बतकाव सेनेडखन सिमोन पतरस अरू ईसू मुरुके दुलारगेया हाँयग चेला, हँकिन एचेरेय कता उदुःतेरा, “ने वगीयाकिन, तोनोंगीग परबू ईसूराः मुरदा हना लात अते उडुंगकेडखने गोःयडा अरू अले मेरले सुसुदीतना, हना करेय मंडावगोतेडा।”

एहुना 20:2 Referans Kwoze

एहुना 13:23

ईसू एटाः चेलाकू अते बगराय दुलारगेया हाँयग चेला ईसूराः कुड़ोम अगी तेंदारनेनखने दुड़ुःकुःआ।

एहुना 20:13

दो हँकिन हाँय एचेरेकिन होंबोरतेड, “ने दिदी, आम चिला लगाम इयामतना?” दो हाँय कतातेड, “तोनोंगीग ईंगरीग परबूराः मुरदा तोनोंग होरे गोःयडा, अरू ईंग मेरिंग सुदीयतना हना करेय मंडावगोतेडा।”

एहुना 21:24

नाःआ कताकून बदीरे हिदइते उदुःकेरा अरू नाःआ कताकूने ओजाःकेरा हाँयग चेला ननाँय हवे। अबू सुदीयतना हाँय ओजाःकेरा हना जमाकून सताय हवे।

एहुना 21:7

दो ईसू मुरुके दुलारगेया हाँयग चेला, पतरस एचेरेय कतातेरा, “नाँय दो परबू हवे, माःआन।” हनमेला डेंड़लेय दोहोना हाँयग सिमोन पतरस नाःआ कताय अयूमतेरा दो, आँयगराः सेरमोराः सोनहे तुसिंगतेडखन दाःरेय डेगा बोलोयान।

एहुना 19:26

ईसू आँयग एंगात अरू आँयग दुलारगेया हाँयग चेला सुदा चड़ाँत ञेलतेडकिनखन एंगात एचेरेय कतातेरा, “ने अया, ञेलेयमे, ननाँय हवे आमरीग बेटा।”

एहुना 21:20

हनते पतरस उलटावनेनखने ञेला दो ईसू मुरुके दुलारगेया, हाँयग चेला आँयगराः तयोम तयोम वेगतोय ञेलतिरिया। (हनाँयग चेला मड़ंगरे बियाड़ी जोम मेला ईसूराः कुड़ोम अगी तेंदारनेनखने होंबरेःआ, ने परबू, इये आमे एचे साबमेता, माःआन।)

एहुना 20:15

दो ईसू कतातेड, “ने दिदी, आम चिला लगाम इयामतना अरू इयेम ञामतना?” बगइचारीग बुता होड़ हवे माःआन ओंगोलकेडखन हाँय कतातेड, “ने साहेब, आम हाँयराः मुरदा करेम इदी अटूडा, ईंग उदुःवायिंगमे दो ईंग सेनेकियानखन हनायिंग गोःयाता।”

एहुना 20:9

(ईसू गोएगतो अतेय जियाव रिमुःता हना कता भगवानराः कागद अते हँकिनाः होड़किन हना वरी मेरकिन सुदी अवेगाड।)