एहुना 2:22 - Korwa Bible

²² ईसू गोएगतो अतेय जियाव रेमनेना हना तयोमरे आँयगरिकुःआ चेलाकू नाःआ कताकू उहियार अगूतेरा। हँकू हनमेला भगवानराः कागदरे नाःआ बदीरे ओजाःतो दोहोना हना कताकून अरू ईसू कता उदुःतेरा हना जमाकूनकू बिसवासतेरा।

एहुना 2:22 Referans Kwoze

एहुना 12:16

नाःआ कता मड़ंगरे ईसूरिकुःआ चेलाकू मेरकू बुझावगान। मनदो ईसू जियाव रेमनेनखन सेरमो देस तोराय हना तयोमरे हँकू हाँय बदीरे नाःआ कता भगवानराः कागदरे ओजाःतो इदा अरू होड़कू हाँय लगा नाःआकूनकू एचेतेरा माःआनकू उहियार अगूतेरा।

एहुना 16:4

नाःआ जमा होनोयाः बेला अपे उहियार अगूय लगा अपे एचेरे नाःआ कतायिंग कता उदुःकेरा। ईंग अपे सुदायिंग दोनोहोना। हनालगा मड़ंगरे नाःआ कता ईंग अपे एचेरे मेरिंग कतागाड।

एहुना 14:26

मनदो भगवान ईंगराः ञावते संघरादार इदानिया हाँयग सुद बिरुवा अपे एचेरेय वारेयता। अरू हाँयग सुद बिरुवा जमा कताकूने चेडपेता अरू ईंग अपे एचेरेयिंग कता उदुःतेरा हना जमाकूने एचे उहियार अगूपेता।

एहुना 2:17

दो हनमेला भगवानराः कागदरे ओजाःतो इदा हना कता हाँयरिकुःआ चेलाकू उहियार अगूतेरा, “आमराः ओड़ाःराः ओंगोलते ईंगराः जीव मेर सिडाःतना।”

मूक चेलाकू 11:16

परबू मड़ंगरेय कतातेरा हना कतायिंग उहियार अगूतेरा, एहुना, होड़कू दाःते बतिसमाय ओवातेडकुःआ, मनदो भगवान अपे आँयग सुद बिरुवाते बतिसमाय एमेवापेता, माःआन।

एहुना 2:11

गलील छतरराः काना सहररे ईसू आँयगराः मड़ंगाः बयाव जुवाः इयाःआ बुता एचेतेडखन मान मरजइतगेयीग माःआने एचे उदुःनेना अरू आँयगरिकुःआ चेलाकू हाँय एचेरेकू बिसवासतेरा।

लूका 24:44

तयोमरे हाँय हँकू एचेरेय कताया, “ईंग अपे सुदा दोहोन मेलायिंग कतातेरा, मोसेसराः नियम कागदरे, भगवानराः बड़रा कता होड़कूराः कागदरे अरू सेरेंगकून कागदरे ईंग बदीरे ओजाःतो इदा, हना जमा कता हनन इया होनोयाः इदा।”

लूका 24:26

मसीके मुरुक कटसिया सहावकेडखन गुनुजुः लगा दोहोना अरू हना तयोमरे मान मरजइत सुदा सेरमो देसरे बोल लगा दोहोना।”

एहुना 2:2

दो ईसू अरू आँयगरिकुःआ चेलाकू हों हना बियाहरे टिवाकू एमेवातेडकुःआ।

मूक चेलाकू 13:33

ननानाः नपाय सरवन अपे एचेरे कता उदुःगे लगा, नंडा अलिंग वेगकिया। सेरेंगकून कागदराः बार नमार पाठरे ओजाःतो इदा, हनन इया नाःआ होयाकिया। आम ईंगरीग बेटा हवे, अरू तिसिंग ईंग आमरीग अपांगिंग बड़ाँवकिया।