एहुना 19:9 - Korwa Bible

⁹ अरू गड़ही पेंदारेय बोलोयान अरू ईसू एचेरेय होंबोरतेरा, “आम करेयीग हवे?” मनदो ईसू तोनोंग माःआन मेरेय सालगान।

एहुना 19:9 Referans Kwoze

एहुना 18:33

दो पिलातूस गड़ही पेंदारेय बोलोयान अरू ईसू एचे राःतिरिगखने होंबोरतिरिया, “आम एहूदाकूरीग राजा हवे जा?”

पिलिपी 1:28

अपेकू घंटावता हँकुःआ होड़कू सुदा अहापे बोर। अपे डीड़तेपे दोहोन दो, हँकुःआ होड़कू सुदीगोडता, भगवान अबूय लाय एंडाबूता, मनदो हाँय हँकूय सडावकूता, माःआन।

एहुना 8:14

दो ईसू हँकू एचेरेय कता कुदातेरा, “ईंग करा अगीतेयिंग वेगकिया अरू करा अगीयिंग सेनता हनायिंग सुदीतना। हनालगा ईंग इनिंग बदीरे हिदइत कता उदुः होले ईंगराः हिदइत सताय होयाःता। मनदो अपे मेरपे सुसुदीतना ईंग करा अगीतेयिंग वेगकिया अरू करा अगीयिंग सेनता।

मती ओजाःतेरा भगवानराः नपाय सरवन 26:63

मनदो ईसू कलेकाले दोहोना। मूक पुजउरी अरूय कतातेरा, “जीयत भगवानराः किरिया जोमकेडखन आम एचेरेयिंग हुकुमगेतना, आम भगवानरीग बेटात मसी अनम हवे जा?”

एहुना 18:37

हनते पिलातूस कतातेड, “दो आम राजा हवे जा?” दो ईसू कतातेड, “आम कतायतना, ईंग राजा हवे। ईंग सतायराः बदीरे कनाता लगा नाःआ चउंदीसरे जनमावनेनखनिंग वेगकिया। सतायरेय बिसवासगेता हाँयग होड़ ईंगराः कताय मनाःता।”

मती ओजाःतेरा भगवानराः नपाय सरवन 27:27

दो मरंग हातपात होड़रिकुःआ सइना होड़कू, ईसू सइना होड़कूराः अपीसरेकू गोयाडीग अरू जमा सइना होड़कू ईसूराः चइरो गतरकू एचे जुमावगोतेड।

लूका 23:9

दो हरदोस ईसू एचेरे मुरुक सवालकूने होंबोरतेरा। मनदो ईसू तोनोंग माःआन मेरेय कता कुदागाड।

एहुना 18:28

हनते एहूदा होड़कूरिकुःआ मूक होड़कू ईसू कइपाराः ओड़ाः अते रूमी देसरीग हातपात होड़ पिलातूसराः गड़हीरे अंगुः बेलाकू गोःतिरिया। हँकू, छेप जुवाःताबू, माःआनते गड़हीरे मेरकू बोलोगान, जेमहा हँकू पसहा परोबकू मनाव अवेन।

एहुना 18:34

दो ईसू कतातेड, “नाःआ कता अनम ओंगोलकेडखनमे कतायतना जा एटाः होड़कू ईंग बदीरे आम एचेरेकू कतातेरा?”

एहुना 19:8

नाःआ अयूमकेडखन पिलातूस अरूय बोरोयान,

एहुना 19:10

दो पिलातूस कतातेड, “ईंग एचेरे चिला लगा मेरेम सालतना? आम अड़ाःमे लगा अरू कुरूसरे एचे ठोंकावमे लगा हों ईंग एचेरे हातपात इदा, हना कता आम मेरेम सुदीयतना जा?”