एहुना 19:6 - Korwa Bible

⁶ मरंग पुजउरीकू अरू हातपात होड़कू ईसूकू ञेला दो हँकू मुरुक सटीतेकू कताया, “नाँय कुरूसरेम एचे ठोंकावगेय, कुनुरूसरेम एचे ठोंकावगोडेय।” मनदो पिलातूस कतातेरा, “ईंग नाँय एचेरे कहिसाः कसूर मेरिंग ञामगडा। हनालगा अँननपे गोःकिडिगखन कुरूसरेपे ठोंकावगेय।”

एहुना 19:6 Referans Kwoze

एहुना 18:31

दो पिलातूस कतातेरा, “नाँय गोःयायपे अरू अपे अँननपेराः नियम इया नाँयपे फड़ियावगेय।” दो एहूदा होड़कूरिकुःआ मूक होड़कू हाँय एचेरेकू कतातेड, “तोनोंगीग होड़ ञेड एंडा लगा अले एचेरे हातपात कोवानेःआ।”

एहुना 19:4

दो पिलातूस बहरी उडुंगनेनखन एहूदाकूरिकुःआ मूक होड़कू एचेरे अरूय कताया, “ञेलेयपे, नाँयग होड़ एचेरे ईंग तोनोंगाः गारबार मेरिंग ञामगरा। हनलगा हाँय अपे एचेरे अरूयिंग उडुंग अगूगेयतना।”

मूक चेलाकू 7:52

अपेरिकुःआ खुटिपरिया होड़कू भगवानराः बड़रा कता होड़कू जमाकूकू संतावतेरा। अपेरिकुःआ खुटिपरिया होड़कू बेगर गारबार होड़राः बदीरे मड़ंगरेकू कतातेरा हँकुःआ होड़कू होंकू ञेड गोएग एंडातेडकुःआ। अरू नुँहू अपे ईसू चुबिलीतेडखनपे एचे ञेडतिरिया।

मूक चेलाकू 2:23

भगवान मड़ंगरेय ओंगोल दोहोतेरा हना ओंगोल अरू बुइद इया नाँयग होड़ अपे एचेरेय जिमातिरिया अरू बेगर एहूदाकूराः संघराते अपे हाँय कुरूसरेपे ठोंकाव गोएग एंडागोतेडीग।

एहुना 19:15

मनदो हँकू मुरुक सटीतेकू कताया, “गोनोनोःयायमे! नाँय कुरूसरेम एचे ठोंकावगेय।” दो पिलातूस होंबोरतेरा, “अपेरीग राजा कुरूसरेयिंग एचे ठोंकावगोडेय जा?” दो मरंग पुजउरीकू कतातेड, “कइसर राजा अते एटाः अलेरीग तोनोंगीग राजा कोनोवाया।”

लूका 23:4

हनते पिलातूस मरंग पुजउरीकू अरू एटाः होड़कू एचेरेय कताया, “नाँयग होड़ एचेरे ईंग तोनोंगाः गारबार मेरिंग ञाम अवेयतना।”

मती ओजाःतेरा भगवानराः नपाय सरवन 27:24

पिलातूस सुदीगोतेड, ईंग नाःआरे तोनोंगाः ओरोयिंग एचे अवेतेरा, अरू होड़कू तलारे हलो-गदउड़ी होयाःतना, माःआन। दो हाँय जमा होड़कू मड़ंगरे अनँयग तिःई अचंगनेनखने कताया, “नाँयग होड़ गुजुः दो, ईंगराः तोनोंग जिमा कोवानेःआ। जमा अँननपेराः हवे।”

मती ओजाःतेरा भगवानराः नपाय सरवन 27:22

दो पिलातूस होंबोरतेडकुःआ, “मसी माःआनकू कतवायता हाँयग ईसू चिला ईंग एचेय?” दो जमा होड़कू कतातेड, “नाँय कुरूसरेम एचे ठोंकाव गोजेय।”

मती ओजाःतेरा भगवानराः नपाय सरवन 26:58

पतरस ईसू अते गुनमिन तोनोरे तोरेते हाँय देह दूर मूक पुजउरीराः ओड़ाः राच मिने बोलोनेना। हाँय अगुरा होड़कू सुदा दुड़ुःनेनखन चिला होयाःता हनाय ञेला।

एहुना 18:3

दो जूदा रूमी देसरिकुःआ अदोम सइना होड़कू अरू मरंग पुजउरी होड़कू अरू फरीसी होड़कू वारतेडकुःआ हँकुःआ भगवानराः ओड़ाःरिकुःआ अगुरादार होड़कूय अविर अगूतेरा। अरू हँकुःआ होड़कू मुरीकून, ढिबरीकून अरू अवजारकून साबतेडखन हंडाकू सोदोरयान।

एहुना 18:38

दो पिलातूस होंबोरतेड, “सताय चिला हवे?” हनते हाँय एहूदा होड़कूरिकुःआ मूक होड़कू एचेरे बाहरी अरू सेनेडखने कताया, “हाँय एचेरे तोनोंगाः गारबार मेरिंग ञामगडा।