एहुना 19:23 - Korwa Bible

²³ सइना होड़कू ईसूकू ठोंकावतेड तयोमरे हाँयराः तोलेगतो जमा सोनहेकून गोःतेडखन मेमेड होड़ लगा मेमेडटोंग होयाः लगा चइर बंटाकू हटिंगतेरा। मनदो हाँयराः सेरमो तुसिंगतो सोनहे सेरमो अते लतार वरी बेगर सोःतो दोहोनेना।

एहुना 19:23 Referans Kwoze

लूका 23:34

दो हनमेला ईसू भगवान एचेरेय अरजीःआ, “ने अपांग, नँकुःआ होड़कू मेरकू सुदीयतना, नँकू चिलाकू एचेतना। हनालगा नँकूराः कसूरमे बराव एंडागोड।” हँकुःआ सइनाकू चीट-पोटतेडखन हाँयराः सोनहे अँननकू हटिंगयान।

मरकूस 15:24

हनते हँकू हाँय कुरूसरेकू ठोंकावगोतेडीग अरू हाँयराः सोनहेकून गोः लगा चिठीकू चीट-पोटतेरा अरू हँकू हटिंगगोतेडकू।

मती ओजाःतेरा भगवानराः नपाय सरवन 27:35

हँकू ईसू कुरूसरेकू ठोंकावतिडीगखन हाँयराः सोनहे अँननकू अँकू हटिंगगुः लगाकू चीट-पोटतेरा।

मूक चेलाकू 12:4

पतरसकू साबतिरिगखन तयोमरे हरदोस हाँय जेहेलरेय एचे सींगगोतेडीग। हाँय अगुरागे लगा चइर चइर होड़कू दोहोनता हँकुःआ चइरगोटोंग गउदाकू एचेरेय जिमातेरा। पसहा परोब तयोमरे जमा होड़कू मड़ंगरे पतरस फड़ियावगे लगा हरदोस ओंगलेःआ।