एहुना 19:19 - Korwa Bible

¹⁹ पिलातूस ईसू बदीरे मीटोंग जाः सरवन एचे ओजाःतेडखन हना कुरूसरेय एचे ठोंकावतेरा। हना सरवन नाःआ इया ओजाःतो दोहोना, नसरेतरीग ईसू, एहूदाकूरीग राजा।

एहुना 19:19 Referans Kwoze

मती ओजाःतेरा भगवानराः नपाय सरवन 27:37

हाँयराः बोः सेरमो हँकू मीटोंग जाः चिठी ओजाःतेडखनकू टंगावतेरा, नाँय एहूदाकूरीग राजा ईसू हवे, माःआन।

लूका 23:38

अरू ईसूराः बोःते सेरमो कठवाराः हुडिंग पटरारे नाःआ इया ओजाःतो दोहोना, नाँय एहूदाकूरीग राजा हवे, माःआन।

मरकूस 15:26

ईसू बदीराः जाः चिठी नाःआ इया ओजाःतो दोहोना, नाँय एहूदाकूरीग राजा हवे, माःआन।

एहुना 19:14

हनमेला तिकिन बेला दोहोना अरू हना दिन पसहा परोब लगा सपड़ावगुःराः दिन दोहोना। दो पिलातूस कतातेड, “ञेलेयपे, ननाँय अपेरीग राजा हवे।”

मूक चेलाकू 3:6

मनदो पतरस कतातेड, “ईंग एचेरे सोना अरू चाँदी कोवानेःआ, मनदो ईंग एचेरे इदा हना ईंग एमेवामतिंग। नसरेतरीग ईसू मसीराः ञावतेम सेन।”

एहुना 19:21

दो हनते एहूदाकूरिकुःआ मरंग पुजउरी होड़कू पिलातूस एचेरेकू कताया, “एहूदा होड़रीग राजा माःआन अहम ओजाःगे, मनदो नाःआ इयाम ओजाःगे, ईंग एहूदाकूरीग राजा हवे माःआने कतातेरा।”

एहुना 19:12

हना वरीते ईसू अड़ाःगेय लगा पिलातूस मुरुके कुरनिसतेरा, मनदो एहूदाकूरिकुःआ मूक होड़कू मुरुक सटीतेकू कताया, “आम नाँयग होड़मे अड़ाः दो आम कइसर राजारीग सउंगता ना लवे। तोनोंगीग होड़ अनँयग राजा माःआने कतानता हाँय, रूमी राजा कइसररीग मुदइ होड़े दोहोनता।”

एहुना 19:3

हनते हँकू हाँय एचेरे वेग घड़ीनकू लंदावाया, “ने एहूदाकूरीग राजा, सलाम सलाम।” अरू हाँयकू चपड़गेया।

एहुना 18:33

दो पिलातूस गड़ही पेंदारेय बोलोयान अरू ईसू एचे राःतिरिगखने होंबोरतिरिया, “आम एहूदाकूरीग राजा हवे जा?”

एहुना 1:49

नतनएल कतातेरा, “ने गुरुजी, आम भगवानरीग बेटा अरू इसराएल जइत होड़कूरीग राजा हवे।”

मूक चेलाकू 26:9

नसरतरीग ईसूराः ञावकू गोःता हँकुःआ होड़कू बदीतेडखन जेमिनिंग एचे अवेयता हनामिन एचेय लगायिंग ओंगोल दोहोबाःकातेरिंगा।

मती ओजाःतेरा भगवानराः नपाय सरवन 2:23

हनते हाँय नसरत सहररेय सेनेडखन हंडाय बसावनेना। मड़ंगरे भगवानराः बड़रा कता होड़कू कतातेरा, “हाँय नसरतरीग होड़ माःआनकू कतावायता,” हनन इया नाःआ होयाकिया।

लूका 18:37

दो हँकुःआ होड़कू हाँय एचेरेकू कताया, “नसरत सहररीग ईसू नाःआ दूरतेय पारतना।”