24 हनते अना ईसू तोनोलतो मूक पुजउरी कइपा एचेरेय वारगोतेडीग।
हँकू हाँय कइपारीग होँयहारतो, अना एचेरेकू गोःतिरिया। कइपा, हना बरिसरे एहूदाकूरीग मूक पुजउरी होड़े दोहोना।
हनते हँकुःआ होड़कू ईसू मूक पुजउरी कइपा एचेरेकू गोःयाडीग। हाँयग ओड़ाःरे इसराएल मूक होड़कू अरू नियम चेडदार होड़कू मुरुक बगराकू जुमावनेना।
एहूदाकूरिकिनाः मूक पुजउरीकिन अना अरू कइपा दोहोन मेला, टयंगाब ततेररेय दोहोना हाँयग जकरियारीग बेटात एहुना एचेरे भगवान अनँयगराः सरवने कता उदुःतेरा।
सिमोन पतरस अरू मी होड़ एटाः चेला हों ईसूराः देह दूरकिन ओतोंग वेगा। हाँयग एटाः चेला मूक पुजउरीरीग सिनहात होड़े दोहोना। हनालगा ईसूकू गोः बोलोतेरा हना मूक पुजउरीराः ओड़ाः राचरे हाँयकू बोलो ओवातिडिया।
