एहुना 18:12 - Korwa Bible

¹² हनते हँकुःआ सइना होड़कू अरू अँकूरीग हातपात होड़ अरू भगवानराः ओड़ाःरिकुःआ अगुरा होड़कू ईसू तोलतिरिगखनकू साब गोःयाडीग।

एहुना 18:12 Referans Kwoze

एहुना 18:3

दो जूदा रूमी देसरिकुःआ अदोम सइना होड़कू अरू मरंग पुजउरी होड़कू अरू फरीसी होड़कू वारतेडकुःआ हँकुःआ भगवानराः ओड़ाःरिकुःआ अगुरादार होड़कूय अविर अगूतेरा। अरू हँकुःआ होड़कू मुरीकून, ढिबरीकून अरू अवजारकून साबतेडखन हंडाकू सोदोरयान।

मती ओजाःतेरा भगवानराः नपाय सरवन 26:57

हनते हँकुःआ होड़कू ईसू मूक पुजउरी कइपा एचेरेकू गोःयाडीग। हाँयग ओड़ाःरे इसराएल मूक होड़कू अरू नियम चेडदार होड़कू मुरुक बगराकू जुमावनेना।

मूक चेलाकू 21:37

सइना होड़कू पउलूस गड़ही अगी गोःगेय मेला हाँय हाँयग मरंग हातपात होड़ एचेरेय कताया, “ने साहेब, ईंग आम एचेरे मीटोंग कतायिंग कता अवेयता जा?”

मूक चेलाकू 21:31

हँकुःआ होड़कू पउलूस ञेड एंडा लगाकू ओंगलेःआ दो, जमा सहररे होड़कू कड़ीगकू रेमतना माःआन रूमी देसरिकुःआ सइनाकूरीग मरंग हातपात होड़ एचेरे सरवन सोदोरनेना।

लूका 22:54

हनते हँकू ईसू साबवाडखन गोःयाडीगकू अरू मूक पुजउरीराः ओड़ाःरेकू अगूतिरिया। अरू पतरस ईसूराः तयोम तयोमे तजाः सेनेडा।

मरकूस 15:1

निंदावा ओहेन, मरंग पुजउरीकू अरू इसराएलरिकुःआ मूक होड़कू, नियम चेडदार होड़कू अरू मरंग पंचाइतरिकुःआ जमा होड़कू सलाहनेनखन ईसूकू एचे तोलतेरा अरू हातपात होड़ पिलातूस एचेरेकू इदीतिरिया।

मरकूस 14:53

हनते हँकुःआ होड़कू ईसू मूक पुजउरी एचेरेकू गोःयाडीग। हंडा मरंग पुजउरीकू अरू इसराएल मूक होड़कू अरू नियम चेडदार होड़कू जमाकू जुमावनेना।

मती ओजाःतेरा भगवानराः नपाय सरवन 27:2

हनते हँकू ईसूकू एचे तोलतिरिया अरू एहूदिया छतररीग मरंग हातपात होड़ पिलातूस एचेरेकू गोःतिरिया।

मूक चेलाकू 23:10

हँकुःआ होड़कू तलारे मुरुक कड़ीग होयानेन अरू हाँयग मरंग हातपात होड़ बोराः, नँकुःआ होड़कू पउलूसकू सरी-मतरी एंडागोडेयता, माःआन। हनालगा सइना होड़कू लतार अगी सेनेवाडखन पउलूस हँकुःआ होड़कू अते सइनाकूराः गड़हीरे तोतकाव अगूकू लगाय हुकुमतेरा।

मती ओजाःतेरा भगवानराः नपाय सरवन 27:27

दो मरंग हातपात होड़रिकुःआ सइना होड़कू, ईसू सइना होड़कूराः अपीसरेकू गोयाडीग अरू जमा सइना होड़कू ईसूराः चइरो गतरकू एचे जुमावगोतेड।

मूक चेलाकू 10:1

कइसरिया सहररे मी होड़ बेगर एहूदा होड़ दोहोना। हाँयराः ञाव दोहोना कुरनेलियूस। हाँय रूमी देसराः मी सव सइना होड़कूराः इतालिका ञावराः गउदारीग हातपात होड़े दोहोना।