एहुना 17:6 - Korwa Bible

⁶ नाःआ चउंदीस अते ईंगमे जिमावातेरा, हँकुःआ होड़कू एचेरे आमिंग एचे सुदीगोतेडा। हँकू आमरिकुःआ दोहोना अरू आम हँकू ईंगमे जिमावातेरा अरू हँकू आमराः सरवनकू मनेवारा।

एहुना 17:6 Referans Kwoze

एहुना 17:26

ईंग हँकू एचेरे आमिंग एचे उदुःगोतेरा अरू उनुदुःगोड ञवनतिंग। हनाते आम ईंगमे दुलारता, हना दुलार हँकू एचेरे हों दोहोनता अरू ईंग इनिंग हँकू सुदा मिनीयिंग दोहोगोड ञवनता।

1 एहुना 5:20

अबू नाःआ हों सुदीयतनाबू भगवानरीग बेटात चउंदीसरेय वेगकिया अरू हाँय अबू सताय भगवाने एचे सुदीगोतेडबुःआ। अबू हनाँयग सताय भगवान अरू आँयग बेटात ईसू मसी सुदाबू मिनीयना। हनाँय हवे सताय भगवान अरू हाँय अबू लगा ओरो टुटीगनेना हना जीवे एमेयता।

एहुना 6:37

ईंग इनिंगराः ओंगोल इया एचेय लगा सेरमो देस अते मेरिंग वेगगना। मनदो ईंगे वारकिरिंगा हाँयराः ओंगोल इया बुता पुरावगे लगायिंग वेगकिया।

एहुना 17:24

ने अपांग, चउंदीसमे तुला अते मनाड़ंग आम ईंगमे दुलारकेरा। हनालगा आम ईंगमे जिमावारा हँकुःआ होड़कू, ईंग सुदा सगर सइटकू दोहोन लगा अरू आम ईंगमे एमेवारा हना मान मरजइत हँकू ञेल अवेय लगा आम एचेरेयिंग असेयतना।

एहुना 17:2

आम चउंदीसरिकुःआ जमा होड़कूराः हातपातमे ओवाडिंगा। नान अते आम ईंगमे जिमावारा हँकुःआ होड़कू, ओरो टुटीगनेना हना जीविंग एमे अवेवाकूता।

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

एहुना 15:19

अपे नाःआ चउंदीसरिकुःआ होड़कूपे दोहोकुः दो चउंदीसरिकुःआ होड़कू अँननकू इया अपेकू अलार-दुलारकेःआ। मनदो अपे नाःआ चउंदीसरिकुःआ होड़कू ना लवे अरू ईंग अपे चउंदीस अते सुनावकेडखनिंग एटाःकेडपेःआ। हननलगा चउंदीसरिकुःआ होड़कू अपेकू हिनइस-बिनइसवाता।

उदुःतो कताकून 3:8

“ईंग अपेराः बुतायिंग सुसुदीता। ञेलपे, ईंग अपे मड़ंगरे मीटोंग दुवारिंग गीग दोहोकेरा। हन तोनोंगीग ओरोकू सींग अवेतेरा। अपे एचेरे गुनमिन सवांग दो इदा। हनते हों अपे ईंगराः सरवनपे मनावकेरा अरू ईंग मेरपे आड-बेकारवारिंगा।

इबरानी 3:6

मनदो बेटात इया भगवानराः जमा ओड़ाःरे ईसू मसी बिसवासगेयीगे दोहोना। अरू अबू डीड़ घड़ीन टुटीग वरीबू असरागोड ञवन दो अबू हाँयराः ओड़ाःरिकुःआबू बड़ाँःता।

एहुना 15:7

अपे ईंग सुदा मिनीपे दोहोन अरू ईंगराः सरवन इयापे जियाः दो, अपे भगवान एचेरेपे असेय हनापे पवाव जुवाःता।

उदुःतो कताकून 2:13

“ईंग सुसुदीतना, अपे कलउराः गदी इदा हंडापे दोहोनता। हनते हों अपे ईंगराः ञावपे ञावगोड ञवनता अरू ईंग एचेरेपे बिसवासगोड ञवनता। अंतिपास ईंगरीग सताय हिदइतदारे दोहोना। हँकू हाँय अपेराः सहररेकू ञेड एंडातिरिया (हना सहररे कलउराः गदी इदा)। हनमेला हों अपे ईंग एचेरेपे बिसवासगोड ञवना।

इबरानी 2:12

भगवानराः कागदरे हाँय कतायता, “ईंग आम बदीरे ईंगरिकुःआ बोपोहकूतिंग एचेरेयिंग कतायता; अरू जमा बिसवासी होड़कू तलारे आमराः ञाविंग जागता।”

2 तिमुतियूस 1:13

आम ईंग अतेम अयूमकेरा हना सताय चेड इया ईसू मसी एचेरे बिसवासगे घड़ीन अरू अलार-दुलार घड़ीनमे सनालाव ञवन।

कुलूसी 3:16

मसीराः सरवन अपेराः जीवरे नपायतेपे दोहोगे। अरू जमालेःआ कनहूनते अँननपे अपे सेताव होड़ेंग घड़ीनपे चेड होड़ेंग। अरू अँननपेराः इंदरीरे भगवान धनियाबाद घड़ीन जाग सेरेंगकून, लंबी लंबी मसी सेरेंगकून, अरू सुद बिरुवा अगुवाइवापेता हना सेरेंगकूनपे सेरेंगगोड ञवन।

रूमी 11:2

भगवान मनाड़ंगतेय ओंगोल दोहोकेडकुःआ हँकुःआ होड़कू मेरेय अड़ाःगाडकुःआ। भगवानराः कागदरे इलियाह बदीरे चेले माःआन कतायता? हाँय इसराएल होड़कू बदीरे भगवान एचेरेय लालिसगेतना,

मूक चेलाकू 13:48

नाःआ कता बेगर एहूदाकू अयूमतेरा दो हँकू मुरुककू बहालयान अरू परबूराः सरवनकू मान मरजइतकेरा। भगवान ओरो टुटीगनेना हना जीव पवाः लगाय ओंगोल दोहोतेरा, हँकुःआ जमा होड़कू हना सरवनकू बिसवासतेरा।

एहुना 18:9

ईसू मड़ंगरेय कतातेरा, आम ईंगमे एमेवातेरा, हँकुःआ होड़कू अते मी होड़ हों मेरिंग केड़ेगाडकू। हना कता नुँहू होनोयाः लगा नाःआ इया होयाकिया।

एहुना 17:16

ईंग चउंदीसरीग ना लवे हनन इया हँकू हों चउंदीसरिकुःआ ना लवे।

एहुना 17:14

ईंग आमराः सरवन हँकू एचेरेयिंग उदुःगोतेरा। ईंग चउंदीसरीग होड़ ना लवे, हनन इया हँकू हों चउंदीसरिकुःआ होड़कू ना लवे। हनालगा चउंदीसरिकुःआ होड़कू हँकूकू हिनइस-बिनइसवातना।

एहुना 15:3

अपे एचेरे ईंग कता उदुःकेरा, हना सरवनते अपे सुदयनापे।

एहुना 12:28

ने अपांग, अनम एचे मान मरजइतगुः।” हनते सेरमो अगीते भगवानराः अरो अयूमनेना, “ईंग इनिंग मान मरजइतकिया, हनते अरूयिंग मान मरजइतगुःता।”

एहुना 6:39

ईंगे वारकेरा हाँयराः ओंगोल ननानाः हवे; हाँय ईंग एचेरेय जिमाःकेडकुःआ हँकुःआ होड़कू अते तोनोंगीग होड़ ओरोयिंग केड़ेतेडकुःआ, मनदो टुटीग दिनराः फड़ियावरे हँकूयिंग जियाव रेमकूता।

एहुना 1:18

तोनोंगीग होड़ भगवान कहियो मेरकू ञेलगडिया, मनदो भनगवानरीग दुलारीग मिनीटोंग बेटात एकला, अबू एचेरे भगवाने एचे उदुःकेरा।

1 पतरस 1:1

ईंग पतरस, ईसू मसीरीग मूक चेला, पुंतूस राइजरे, अरू गलातिया राइजरे, अरू कपादूकिया राइजरे, अरू आसिया राइजरे, अरू बितुनिया राइजरे, दुरीन देसरिकुःआ होड़कू इया सितिर-बितिरकियानखनपे दोहोनता भगवानरिकुःआ सुनावतो होड़कू, अपे लगा नाःआ चिठीयिंग ओजाःगेतना।

एहुना 8:51

अपे ईंगपे अयूम! तोनोंगीग होड़ ईंगराः कता इयाय सलाः, हाँय कहियो ओरोय गोएगनेना।”

एहुना 8:52

हनते एहूदाकू कतातेरा, “नुँहू अले सुदीबाःगोतेरा, आम एचेरे भूत इदा। अबूरीग खुटिपरिया होड़ इबराहीम गोएगयना अरू भगवानराः बड़रा कता होड़कू होंकू गोएगयना। मनदो आम कतायता, तोनोंगीग होड़ ईंगराः कता इयाय सलाः दो, हाँय कहियो ओरोय गोएगनेना, माःआन।

एहुना 17:7

नुँहू हँकू सुदीगोतेडकू जमाकून उदुःगे लगा अरू बुता लगा जंगरमे एमेवातेडिंगा।

एहुना 17:12

ईंग हँकू सुदा चउंदीसरेयिंग दोहोन मेला आमराः ञावराः जंगरते हँकूयिंग बनसाव हड़ाःकुःआ। लायगुः लगा भगवान दोहोतिरिया हनाँयग चेला एकला भगवानराः कागदरे ओजाःतो इयाय लायगुःता।

उदुःतो कताकून 3:10

ईंग कतातेरा, अपे सहाव घड़ीन ईंग एचेरेपे बिसवासगोड ञवन अरू ईंगराः हना कता अपे मनावनेना। हनालगा जमा चउंदीसरिकुःआ होड़कू अंदजावकू लगा कटसिया होयाःतान मेला अपे हना अंदजावरेयिंग बनसाव दोहोपेता।