एहुना 17:5 - Korwa Bible

⁵ दो ने अपांग, चउंदीसमे तुला अते मड़ंगरे ईंग आम सुदायिंग दोहोना, हनन मेलाःआ मान मरजइत नुँहू एमेवायिंगमे।

एहुना 17:5 Referans Kwoze

1 पतरस 1:20

भगवान चउंदीस तुला अते मड़ंग, ईसू मसीय सुनाव दोहोतिरिया, मनदो चउंदीस टुटीगगुःता हना अते मड़ंग दिनरे, अपे लगा भगवान हाँये उदुःवातेडपेःआ।

एहुना 10:30

ईंगरीग अपांग अरू ईंग मिनी हवे।”

पिलिपी 2:6

हाँय जमालेःआते भनगवाने दोहोना, हनते हों हाँय भगवान बरोबइर दोहोन लगा, मेरेय ओंगोल दोहोगाड।

इबरानी 1:10

अरू, “ने परबू, जमाकून होयाः अते मड़ंग आम चउंदीसमे तुलाकेरा, अरू सेरमो आमराः कड़िगाड़तेम तुलाकेरा।

इबरानी 1:3

भगवान तुमिन मरंग इदानिया हना हाँयग बेटात उदुःगेता अरू हाँय सिरामइत भगवान बरोबइर इदानिया। हाँय जमा जिया-जइतकून अनँयगराः अगम जंगर सरवनतेय संभाड़गोड ञवनता। हाँय होड़कूराः कसूर बराव एंडाकेडखन सेरमो देसरे इदानिया हाँयग मरंग भगवानराः खउना गतररे हातपात सुदाय दुड़ुःयना।

एहुना 17:24

ने अपांग, चउंदीसमे तुला अते मनाड़ंग आम ईंगमे दुलारकेरा। हनालगा आम ईंगमे जिमावारा हँकुःआ होड़कू, ईंग सुदा सगर सइटकू दोहोन लगा अरू आम ईंगमे एमेवारा हना मान मरजइत हँकू ञेल अवेय लगा आम एचेरेयिंग असेयतना।

एहुना 8:58

हनते ईसू कतातेड, “अयुमेपे! इबराहीम जनमावगुः अते मनाड़ंग वरीते ईंग इदानिंगा।”

एहुना 1:18

तोनोंगीग होड़ भगवान कहियो मेरकू ञेलगडिया, मनदो भनगवानरीग दुलारीग मिनीटोंग बेटात एकला, अबू एचेरे भगवाने एचे उदुःकेरा।

एहुना 14:9

हनते ईसू कतातेड, “ने पिलिपूस, ईंग मुरुक दिन वरी अपे सुदा इदानिंगा अरू नुँहू वरी आम ईंग मेरेम सुदींगतना जा? ईंगे ञेलकेरा हाँयग होड़ ईंग अपांग होंय ञेलकेरा। दो आम करा इयाम कतायतना, अपाममे उदुःवाले, माःआन।

मती ओजाःतेरा भगवानराः नपाय सरवन 25:34

हनते हाँयग मरंग राजा हाँयराः खउना तिःई गतररेकू चड़ाँनता हँकुःआ होड़कू एचेरेय कतायता, दबूपे, ईंगरीग अपांग भगवान अपेराः जीवे नपायगोतेडा। चउंदीसराः बुँहड़ीन अते भगवान अपे लगाय सपड़ाव दोहोकेरा हना इताडपे पवाः।

एहुना 3:13

सेरमो देस अतेय वेगनेना हनाँयग मनुवारीग बेटात एकला सेरमो देसे सेनेकिया।”

उदुःतो कताकून 3:21

ईंग हों जितावनेनखन ईंगरीग अपांगराः गदीरे हाँय सुदायिंग दुड़ुःयना। दो हनन इया जितावबाः जुवाः हाँयग होड़ हों ईंगराः गदीरे ईंग सुदायिंग दुड़ुःगेयता।

उदुःतो कताकून 13:8

चउंदीसराः बुँहड़ीन अते मड़ंग भगवान मुरुक होड़कूराः ञाव ञेड एंडात भेड़ा होनराः जीवराः कागदरेय ओजाः दोहोकेरा। अरू हना कागदरे ञाव ओजाःतो कोवानेःआ, हँकुःआ जमा होड़कू हाँयग जानरकू जागता।

1 एहुना 1:2

अरू हनानाः जीव अनँयग आँयगते एचे ञेलयान अरूले ञेलतेरा अरू हिदइतदारकूले बड़ाँवयना। नननलगा अपात भगवान सुदा दोहोना, अरू नुँहू अबू लगा एचे ञेलकेरा ओरो टुटीगनेना हना जीव बदीरे अपे एचेरेले कतायतना।

एहुना 17:1

दो ईसू नाःआ जमाकून कतातेड तयोमरे सेरमो अगी संगीलतेडखने अरजीतेरा, ने अपांग भगवान, बेला सोदोरयना। आम ईंगमे एचे मान मरजइत अरू नाःआते ईंग आमिंग एचे मान मरजइतता।

1 पतरस 1:21

भगवान ईसू मसी गोएगतो होड़कू अते जियाव रेमकेडखने मान मरजइतकिडिया, जेमहा अपेराः बिसवास अरू असरा, भगवान एचेरे टक-टकावतो दोहोन।