एहुना 17:4 - Korwa Bible

⁴ ईंगमे जिमावातेरा हना बुता चनाबाबाःगोतेडिंग अरू नाःआते आमिंग एचे मान मरजइतकेरा।

एहुना 17:4 Referans Kwoze

एहुना 4:34

दो ईसू हँकू एचेरेय कताया, “ईंगे वारकेरा हाँयराः ओंगोल इयायिंग सेन अरू बुतायिंग बुता पुराव। ननानाः हवे ईंगराः जोम जिनिस।

मूक चेलाकू 20:24

मनदो ईंग ईंगराः जीव इनिंग लगा तोनोंग नपाय इया मेरिंग ओंगोलतना, जेमहा परबू ईसू ईंग एचेरेय जिमाकेरा हना बुता अरू सेवायिंग एचे पुराव अवेय। अरू हना बुता ननानाः हवे। भगवान जमा होड़कूय मयावारा हना नपाय सरवन होड़कू एचेरेयिंग परसार उदुःगे लगा इदा।

2 तिमुतियूस 4:7

ईंग परबू लगा नपायतेयिंग धरक बजिनी पुरावकेरा, ईंग बतकाःयिंग पुरावगोतेडा अरू बिसवासिंग संभाड़ दोहोकेरा।

एहुना 19:30

दो ईसू हना रस ञूयतेडखने कतातेरा, “ईंगराः बुतायिंग चबागोतेडा।” हनते हाँय बोः हुटूतेडखन आँयगराः हनसाय अड़ाःगोतेड।

एहुना 14:31

मनदो अपांग ईंग एचेरेय हुकुमकेरा, हनानाः इयायिंग एचेयता। नाःआते चउंदीसरिकुःआ होड़कू सुदीगोडता, ईंग अपांगिंग अलार-दुलारता, माःआन। दोबू अबू रिमुः अरू नानतेबू सेन।”

एहुना 15:10

ईंग, ईंग अपांगराः हुकुमकूनिंग मनाःता अरू हाँय सुदा ईंग अलार-दुलारगोड ञवनता, हनन इया अपे ईंगराः हुकुमकूनपे मनाः दो अपेयिंग अलार-दुलारगोड ञवनता।

एहुना 14:13

बेटातते अपातराः मान मरजइत होयाः लगा अपे कहिसाः ईंगराः ञावतेपे असेय दो हनानाः ईंग एचेयता।

एहुना 12:28

ने अपांग, अनम एचे मान मरजइतगुः।” हनते सेरमो अगीते भगवानराः अरो अयूमनेना, “ईंग इनिंग मान मरजइतकिया, हनते अरूयिंग मान मरजइतगुःता।”

एहुना 9:3

दो ईसू कतातेड, “नाँयग होड़राः सहे आँयग एंगात अपातराः कसूरते मेरेय अंधागना। मनदो नाँयग होड़राः जीवते भगवान अनँयग जंगरे उदुः लगा नाःआ इया होयाकिया।

एहुना 5:36

“बुता पुरावगे लगा अपांग ईंग एचेरेय जिमाःतेरा अरू नुँहूयिंग एचेयतना, हना बुता पुरावगे लगा अपांग ईंगे वारकेरा। नाःआ ईंग बदीरे हिदइत इया दोहोनता अरू एहुनाराः हिदइत अते मरंग इदा।

लूका 22:37

भगवानराः कागदरे ईंग बदीरे ओजाःतो इदा, कसूर होड़कू सुदाकू मेसाकिरिया अरू अयुमेपे, भगवानराः कागदरे ओजाःतो इदा हनन इया ईंगराः जीवरे होयाःतना।”

एहुना 19:28

ईसू ईंगराः सेवा चबायना माःआने सुदीतेडखन भगवानराः कागदरे ओजाःतो इदा हना कता होनोयाः लगाय कतातेरा, “ईंग ततंगकिरिंगा।”