एहुना 16:32 - Korwa Bible

³² ईंगपे अयूम! अपे जमाकू सितिर-बितिर जुवाःता अरू ईंग अड़ाः एंडाकेडखन अपे अँनपे अपेराः दूरपे सलाव जुवाःता हना बेला निचकाःतना। मनदो ईंग अपांग ईंग सुदा इदानिया, हनलगा ईंग ओरोयिंग एकलानेना।

एहुना 16:32 Referans Kwoze

मती ओजाःतेरा भगवानराः नपाय सरवन 26:31

हनते ईसू हँकू एचेरेय कताया, “भगवानराः कागदरे नाःआ इया ओजाःतो इदा, ईंग सरवाहा होड़िंग ञेड एंडाता, अरू भेड़ाकू सितिर-बितिर जुवाःताकू। हनालगा अपे जमा होड़कू ईंग अड़ाःकेडखन तिसिंग रइतपे सलाव जुवाःता।

एहुना 8:29

ईंगे वारकेरा, हाँय ईंग सुदा इदानिया। हाँय मंजूरवाता हना बुता सगर सइटिंग बुतागोड ञवनता। हनालगा हाँय ईंग, एकला मेरेय अड़ाःगींगता।”

एहुना 8:16

ईंग एकला मेरिंग फड़ियावगेता मनदो ईंगे वारकेरा, ईंग अपांग सुदायिंग फड़ियावगेता। हनालगा तोनोंगीगिंग फड़ियाव दो ईंगराः हना फड़ियाव सनाताय होयाःता।

मरकूस 14:27

दो ईसू हँकू एचेरेय कताया, “भगवानराः कागदरे नाःआ इया ओजाःतो इदा, ईंग सरवाहा होड़िंग ञेड एंडाता, अरू भेड़ाकू सितिर-बितिर जुवाःताकू। हनालगा अपे जमा होड़कू ईंग अड़ाःकेडखनपे सलाव जुवाःता।

मती ओजाःतेरा भगवानराः नपाय सरवन 26:56

मनदो नाःआ जमाकून भगवानराः बड़रा कता होड़कू ओजाःतेरा हना कता पुराः लगा होयाकिया।” हनते जमा मूक चेलाकूतेन ईसू अड़ाःतिरिगखनकू ञीरयान।

एहुना 20:10

हनते हँकिनाः चेलाकिन ओड़ाः अगीकिन कुदायान।

एहुना 16:25

नुँहू वरी ईंग अउल-तउल कतायिंग कताकेरा। मनदो ईंग अपे एचेरे अउल-तउल कता ओरोयिंग कतातेरा अरू ईंग अपांग बदीरे मीसुटीयिंग कता उदुःवापेता हना बेला निचकाःतना।

एहुना 16:2

हँकू अपे अरजी ओड़ाःकून अतेकू उडुंग एंडागोडपेता। मी बेला निचकाःतना अरू हनमेला हँकू अपेकू ञेड एंडागोडपेता अरूकू ओंगलेता, अले भगवानराः सेवाले सेवातना, माःआन।

एहुना 4:23

मी बेला दरवाःआ अरू हनानाः बेला नुँहू बुँहड़ीयना। सतायते अपांग भगवानकू जागता, हँकुःआ होड़कू बिरुवा अरू सतायते हाँयकू जागता। अरू ननन इयाकू जागगेता हँकुःआ होड़कू भगवान ञामकूता।

एहुना 4:21

दो ईसू कतातेड, “ने दिदी, ईंग एचेरेम बिसवासगे। दरवाःआ हना बेलारे अपे भगवान नाःआ पहाड़रे सहे एरुसलेमरे ओरोपे जागतिरिया।

एहुना 12:23

दो ईसू कता उदुःतेरा, “मनुवारीग बेटातराः मान मरजइत होयाःराः बेला सोदोरयना।

एहुना 5:28

मड़गटरे इदानकुःआ हँकुःआ होड़कू हाँयराः अरो अयूमकेडखन उडुंग वेगराः बेला सुदुरुःतना अरू अपे अहापे बयावगुः।

एहुना 5:25

अपे ईंगपे अयूम, मी बेला सुदुरुःता, अरू हनमेला गोएगतो होड़कू भगवानरीग बेटातराः अरोकू अयूमता अरूकू जियाःता। मनदो हना बेला नुनुँहू बुँहड़ीयना।

मरकूस 14:50

नाःआ अते जमा मूक चेलाकूतेन ईसू अड़ाःतिरिगखनकू ञीरयान।

मूक चेलाकू 8:1

साहूल हंडाय दोहोना अरू इसतपनूसराः गुजुःरे राययाने। हनमेला एरुसलेम सहरराः कलसियारिकुःआ होड़कू लगा संताव बुँहड़ीयान। अरू ईसूरिकुःआ मूक चेलाकू अड़ाःतेडखन जमा बिसवासी होड़कू एहूदिया छतर अरू समरिया छतररेकू ञीर सितिर-बितिरयान।

एहुना 16:31

नाःआ अयूमतेडखन ईसू हँकू एचेरेय कतातेरा, “अपे नुनुँहूपे बिसवासगेतना जा?

एहुना 19:27

हनते हाँय आँयग चेला एचेरेय कतातेरा, “ननाँय हवे आमरीग अया।” हना वरीते हाँयग चेला ईसूरीग एंगात अनँयग ओड़ाःरेय गोःयाडीग।

मूक चेलाकू 21:6

हँकू अले पइड़घावतेडलेखन, अले जहाजले देगनेन अरू हँकुःआ होड़कू अँननकूराः ओड़ाः अगी तोराकू।