एहुना 16:30 - Korwa Bible

³⁰ तोनोंगीग आम एचेरे तोनोंगाः होहोंबोर लगा कोवानेःआ। नुँहू अले सुदीगोतेडाले, आम जमा बरानाःम सुदीयतना। ननानाः अते अले बिसवासगेतना आम भगवान अगीतेम वेगकिया, माःआन।”

एहुना 16:30 Referans Kwoze

एहुना 21:17

दो ईसू पेय तुरहा हाँय एचेरेय कतातेड, “ने एहुनारीग बेटात सिमोन, आम ईंगमे दुलारगींगता जा?” ईसू हाँय एचेरे पेय तुरहाय होंबोरतेरा, आम ईंगमे दुलारगींगता जा, माःआन। हनालगा पतरसराः जीव मुरुक हुडिंगयान। अरू हाँय कतातेड, “परबू आम दो जमा बरानाःम सुदीयता अरू आम सुसुदीतना ईंग आमिंग दुलारतना।” दो ईसू कतातेड, “ईंगरिकुःआ भेड़ाकू सराव हड़ाःकूमे।

इबरानी 4:13

भगवान तुलाकेरा हना जमा सकालाः हाँय अते ओकोत कोवानेःआ। जमाकून हाँय मेडरे ञेल पुरुःता इया इदा, अरू हनाँय एचेरे अबूके आभा एएमे पराःता।

एहुना 17:8

आम ईंगमे कता उदुःवातेरा हना सरवन ईंग हँकूयिंग कता उदुःवातेडकुःआ। हना हँकू मनेवाडखन आम ईंगमे वारतेरा हनाकू बिसवासकेरा। ईंग आम अगीतेयिंग वेगकिया, हना कताकू सुनुदीबाःगोतेडा।

एहुना 16:17

हनते ईसूरिकुःआ अदोम चेलाकूतेन कता होड़ेंगा, “ईंग अपांग अगीयिंग सेनता, हनालगा अरू गुनहोन बेला तयोमरे अपे ईंग ओरोपे ञेल अवेतिरिंगा। अरू हना देहोरते अपे ईंगपे ञेल अवेता, माःआने कतायता दो हनाराः मतलोब चिला हवे?

एहुना 5:20

अपात बेटाते दुलारता अरू हाँय एचेयता हना जमाकून बेटाते उदुःवाता। नाःआ अते मरंग मरंग बुता एचेय लगा होंय उदुःवायता। अरू अपे मुरुकपे बयाव जुवाःता।

एहुना 2:11

गलील छतरराः काना सहररे ईसू आँयगराः मड़ंगाः बयाव जुवाः इयाःआ बुता एचेतेडखन मान मरजइतगेयीग माःआने एचे उदुःनेना अरू आँयगरिकुःआ चेलाकू हाँय एचेरेकू बिसवासतेरा।

एहुना 8:42

हनते ईसू हँकू एचेरेय कताया, “ईंग भगवान अगीतेयिंग वेगकिया अरू ईंग इनिंग ओंगोलते मेरिंग वेगगना, मनदो हनाँय ईंगे वारकेरा। भगवान अपेरीग अपांगे दोहोकुः दो अपे ईंग सुदा अलार-दुलारतेपे दोहोकुःआ।

एहुना 16:23

हनमेला अपे ईंग एचेरे तोनोंगाः अअसे लगा कोवानेःआ। अपे ईंगपे अयूम! अपे ईंगराः ञावते कहिसाः ईंग अपांग एचेरेपे असेय दो, हना हाँय एनेमेवापेता।

एहुना 16:26

हना दिन अपे बदीरे ईंगके अपांग एचेरे अअसे लगा कोवानेःआ। अपे अँननपे ईंगराः ञावतेपे असेयता।

एहुना 16:31

नाःआ अयूमतेडखन ईसू हँकू एचेरेय कतातेरा, “अपे नुनुँहूपे बिसवासगेतना जा?