एहुना 16:25 - Korwa Bible

²⁵ नुँहू वरी ईंग अउल-तउल कतायिंग कताकेरा। मनदो ईंग अपे एचेरे अउल-तउल कता ओरोयिंग कतातेरा अरू ईंग अपांग बदीरे मीसुटीयिंग कता उदुःवापेता हना बेला निचकाःतना।

एहुना 16:25 Referans Kwoze

एहुना 16:12

अपे एचेरे ईंगके अरू मुरुक बड़रा ककाता इदा। मनदो नुँहू हना कता अपे ओरोपे ओंगोल बुझाव अवेनेना।

एहुना 10:6

ईसू हंडाकू दोहोना हँकुःआ होड़कू एचेरे नाःआ अउल-तउल कहड़ीय कतातेरा। मनदो हँकू हाँयराः कताकूनराः मतलोब मेरकू बुझाव अवेगान।

मरकूस 4:13

दो ईसू अरूय कताया, “अपे नाःआ कहड़ीराः मतलोब मेरपे बुझाःतना जा? नाःआ मेरपे बुझाः होले करा उड़ी अपे एटाः कहड़ीकूनपे बुझाः?”

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

एहुना 16:2

हँकू अपे अरजी ओड़ाःकून अतेकू उडुंग एंडागोडपेता। मी बेला निचकाःतना अरू हनमेला हँकू अपेकू ञेड एंडागोडपेता अरूकू ओंगलेता, अले भगवानराः सेवाले सेवातना, माःआन।

मरकूस 4:34

अरू हाँय बे कहड़ीरे हँकू एचेरे तोनोंग मेरेय कतागाड, मनदो आँयगरिकुःआ चेलाकू एचेरे नाःआ जमा कहड़ीकूनराः मतलोबे एचे सुदीतेडकुःआ।

मरकूस 8:32

नाःआ कता ईसू मी सुटीय कतागोतेडा। दो पतरस ईसू एटाः अगीय गोःयाडीग अरू डंटावगेय लगाय बुँहड़ीगोतेड।

एहुना 10:24

हनमेला एहूदाकू हाँय चँड़ा रेडतिडिगखनकू होंबरेया, “अलेराः जीव तुमिनमे बार बंटागेता? आम मसी हवे दो अले एचेरेम कता उदुःबाःगोड।”

एहुना 16:32

ईंगपे अयूम! अपे जमाकू सितिर-बितिर जुवाःता अरू ईंग अड़ाः एंडाकेडखन अपे अँनपे अपेराः दूरपे सलाव जुवाःता हना बेला निचकाःतना। मनदो ईंग अपांग ईंग सुदा इदानिया, हनलगा ईंग ओरोयिंग एकलानेना।